Diɛt ke 1:3 - JAM DE NHIALIC 2011

³ Ade awäu mit ee bɛ̈n bei ë yïguöp, ku ye cɔ̈t de rinku yɛn tɔ tak awäuwë. Acïn tiiŋ duëër mɔ̈l ke cï yï nhiaar.

Diɛt ke 1:3 ပူးပေါင်းရင်းမြစ်များ

Diɛt 133:2

Acït miök mit tum cï wäl ë raan nɔm, miök liil piny në Aron nɔm ku ye yual, ke thuɛɛt piny ë lupɔɔke thook.

Diɛt 45:14

Aye yiɛ̈n melik ke ceŋ lupɔdɛn cï guel, ku kuɛny ë diëër lïïmke cök, keek aya aye ke yiɛ̈n yen.

Bɛ̈n 33:12

Go Mothe lɛ̈k Bɛ̈nydït an, “Acï lɛ̈k ɛn ë yic nɔn wat ɛn ee kɔckë pinyë, ku Yïn kën ɛn nyuöth raan bï cath ke yɛn. Acï lueel an ŋic ɛn arëët, ku mit ë piɔ̈u we yɛn.

Bɛ̈n 33:19

Go Bɛ̈nydït puk nɔm an, “Piathdï ëbɛ̈n abä tɔ tëk ë yïnɔm, ku rinkï abä ke lueel në yïnɔm, rin ɣeriic. Ee Yɛn Bɛ̈nydït, Yɛn ee kɔc cä lɔc nyuöth kok de Yapiɔ̈u, ayï dhuëëŋdï.

Kɛ̈ŋ 27:9

Jiëëm piɛth bɔ̈ në mäth piɔ̈u thïn, ee ciët aŋiëër de wɛ̈ɛ̈l ŋïr ku miök piɛth.

Wɛ̈ɛ̈t 7:1

Piath ë rin ke raan awär miök tum tuc ë ɣööcde, ku kööl ë thuɔɔu awär kööl ë dhiëth.

Diɛt ke 3:6

Eeŋö ë kë bɔ̈ në jɔ̈ɔ̈ric, ke cït luän de tol, acï looi në ŋiëër de mer kekë wal ŋïr, wal ye ɣaac ë kɔc ee käŋ ɣaac?

Diɛt ke 4:10

Nhiëërdu ee ya miëtpiɔ̈u, nyandiën thiaak mit ë yapiɔ̈u. Nhiëërdu yen apiɛth awär mɔ̈u, ku awäudu atum aläl, awär wal ŋïr ëbɛ̈n

Diɛt ke 5:13

Adik gëm cït dom de tiim, thiäŋ kekë wal ŋïr ku wal tum. Acït thok agurbiök cï juɔɔl në pïïu ke mer.

Diɛt ke 5:5

Yɛn cï rɔt jɔt bä ɣöt lɔ liep thok monydiën nhiaar. Yɛn kuöm cin në mer, ku thuat riöp wo pïïu ke mer, të wën dam ɛn ɣöt thok.

Diɛt ke 6:8

Tɔ melik de nɔm diëër meliik kathiërdhetem (60), ku diëër määthke kathiërbɛ̈t (80), ku diëër cïï bïï lëu në kuɛ̈n.

Yith 61:3

Bä kɔc dhiau në Dhiɔn tɔ mitpiɔ̈ɔ̈th, gäm miɛtëpiɔ̈u në nyin ë dhiëëuwic, Diɛt ke alɛɛc në nyin ë jiɛthëpiɔ̈uwic. Abïk ciët tiim ke ɣok de piathëpiɔ̈u, cïï Bɛ̈nydït ke com guöpde. Abïk yic aa looi, ku Nhialic abï dhuëëŋ yök ë baŋ ë kë cï looi.

Math 25:1

“Ee köölë, ciɛɛŋ de paannhial abï jɔ thɔ̈ɔ̈ŋ ke dhueec kathiëër dhueec cï mɛ̈ckɛnkealath nööm, ku lekï biic lek monythiëk loor.

Jɔn 12:3

Na wën, ke Meri nöm rothol töŋ de miök de yic wɛ̈ɛ̈l lɔ wai cï tumëtum, miök tuc ë ɣööcde, go Yecu tɔc cök, ku coth ë nhïm ke yenɔm, go ɣöt yic a pat ëbɛ̈n në atuöm ë miök.

2 Kor 11:2

Yɛn de yic tiɛɛl ë biäkdun, tiɛɛl ë Nhialic: luɔi cän week tɔ thiak ë mony tök, luɔi bän week gäm Kërtho cït man ë dhueny awai.

Pilipoi 4:18

Ku yɛn cath wo këriëëc ëbɛ̈n, ku yɛn cï bäny: yɛn ë kuɛth, yɛn ë käŋ yök tëde Epaprodito, kak ë bɔ̈ tëde week, ee awäu cï tumëtum, ee läm piɛth, läm ë Nhialic tɔ mit piɔ̈u.

Nyuuth 14:4

Kɔckë ee kɔc kën kegup tɔ rac në diäär: ayek kɔc kën kɔn lɔ ë diäär: Kɔckë ee kɔc ë Nyɔŋamääl kuany cök, të de en të le yen thïn. Kɔckë aake wëërë bei ë kɔc yiic, bïk aa kɔc cïï piny kɔn luɔk ë ke në këde Nhialic ku në këde Nyɔŋmääl.