Diɛt 98:9 - JAM DE NHIALIC 2011

⁹ në biäk bïï yen pinynɔm bɛ̈n cieŋ. Abï kɔc ke pinynɔm cieŋ në piathëpiɔ̈u ku yic.

Diɛt 98:9 ပူးပေါင်းရင်းမြစ်များ

Diɛt 67:4

Tɔ juöör ëbɛ̈n mit piɔ̈ɔ̈th, ku kïtkï në miɛtëpiɔ̈u, në luöi Yïn löŋ de kɔc guiir në yic, ku tit jur ëbɛ̈n ë pinynɔm

Diɛt 7:9

Yïn ee Nhialic Piɛthpiɔ̈u, ku ye täŋda ku këde piɔ̈nda them. Tɔ luɔi de kɔc ee kërac looi kääc, ku cuöötë kɔc ee kapiɛth looi.

Diɛt 72:2

Ago kɔcku muk në piathëpiɔ̈u ku muk kɔc yɔŋ keek në yic.

Diɛt 9:9

Bɛ̈nydït Yen aye tëde lɔ̈ŋ de kɔc yɔŋ, ku ye tëde kuɔɔny në akööl ke nuan.

Diɛt 96:10

Lɛ̈kë juöör ëbɛ̈n an, “Bɛ̈nydït ee Melik! Piny acï tääu tëde ku acïï duëërë nyaai, abï löŋ de kɔc guiir në yic.”

Diɛt 96:13

Të le Bɛ̈nydït bɛ̈n bïï pinynɔm bɛ̈n ceŋ. Abï kɔc ke pinynɔm ceŋ, në piathëpiɔ̈u ku yic.

Yith 5:16

Ku Bɛ̈nydït de rɛm ë dïtde nyuɔɔth në luɔi yen yic looi, ku nyooth Nhialic ɣeric ɣɛɛr ë yicde në piathëpiɔ̈nde.

Luɔi 17:31

Në luɔi cï en kööl tök lueel, kööl bï en löŋ de pinynɔm guiir ë piathëpiɔ̈u në raan cï tɔ ye bɛ̈ny ee löŋ guiir, ku acï kënë tɔ ŋic kɔc kedhie an, ee jam yic, në jön cï en e jɔ̈t bei ë kɔc cï thou yiic!”

Luɔi 24:25

Na wën, aguiir Paulo këde piathëpiɔ̈u, ku në döm ee raan rɔt dɔm, ku në guiëër bï löŋ de kɔc guiir rial, ke Pelik jɔ riɔ̈ɔ̈c arëët, go bɛ̈ɛ̈r an, “Jɔ jäl ënɔɔnë. Na miäk, të cän akööl piɛth yök, ke yïn bä cɔɔl.”

Nyuuth 1:7

Tiëŋkï, abɔ̈ kekë luäät, ku abï tïŋ ë kɔc nyïïn kedhie, ayï kɔc ɣɔn guut en aya, ku dhiëën ke piny nɔm ëbɛ̈n abïk dhuöör në biäkde. Ee yen. Amiin.