Diɛt 97:10 - JAM DE NHIALIC 2011

¹⁰ Bɛ̈nydït anhiaar kɔc man luɔi de karɛc, mankï karɛc wek kɔc nhiaar Bɛ̈nydït, ee wëi ke kɔcke gël, ku kony keek ë kɔc rac cin.

Diɛt 97:10 ပူးပေါင်းရင်းမြစ်များ

Diɛt 101:3

ku yɛn cïï kërac bï gam. Yɛn man luɔi de kɔc ee Nhialic pɔ̈l, acïn këdiën bä looi wo keek.

Diɛt 119:104

Yɛn ë pɛlënɔm yök tëde lööŋku, yen amaan ɛn luɔi de kërac ëbɛ̈n!

Diɛt 119:163

Yɛn man jam rac ku tör ë lueth, ku yɛn nhiaar löŋdu.

Diɛt 121:7

Bɛ̈nydït abï yïn gël ë karɛc yiic ëbɛ̈n ku abï yïn gël apiɛth.

Diɛt 125:3

Në biäk cïï kɔc rac bï aa bäny ke piny de kɔc piɛthpiɔ̈ɔ̈th, na le rɔt looi, kɔc piɛthpiɔ̈ɔ̈th abïk karɛc aa looi.

Diɛt 145:20

Ee raan ëbɛ̈n raan nhiaar en gël, ku abï kɔc rac riɔ̈ɔ̈k.

Diɛt 31:23

Nhiaarkï Bɛ̈nydït wek kɔc ke Bɛ̈nydït wedhie. Bɛ̈nydït ee kɔc ee piɔ̈ɔ̈th adöt gël, ku ee kɔc leec röt luöi këtuc rɔ̈ŋ ke keek.

Diɛt 34:14

Päl kërac ku loi këpiɛth, ye mät kɔɔr në piɔ̈ndu ëbɛ̈n.

Diɛt 36:4

Ee kiɛɛr rac yen yek tak ëbɛ̈n të cï kek tɔ̈c, ku acïn këpiɛth yek bɛ looi, ku acïn kërɛɛcdɛn yek bɛ rɛɛc.

Diɛt 91:14

Acï Nhialic lueel an, “Yɛn bï kɔc nhiaar Ɛn luök, ku gɛ̈l kɔc ee Ya gam nɔn Yan Bɛ̈nydït.

Kɛ̈ŋ 2:8

Ee kɔc ee yic kɔɔr gël në pïïrdenic ëbɛ̈n ayï kuɛɛrkeniic.

Kɛ̈ŋ 3:7

Du rɔt ee yök apel nɔm, ye Bɛ̈nydït riëëu, ku päl luɔi de kërac.

Kɛ̈ŋ 8:13

Të dhuëëŋ yïn Bɛ̈nydït guöp, ke yï man kërac. Yɛn man ɣɛ̈ɛ̈c ë nɔm, ku leec ë rɔt, ku maan jam de yic lueth.

Yith 45:17

Ku Yithriɛl abï Bɛ̈nydït kony, ku tiëmde abï tɔ̈u athɛɛr, kɔcke acïï ke bï kɔn yɔ̈ɔ̈r gup.”’

Jeremia 15:21

Yïn bä gël aril në riɛl de kɔc rac ku kɔc ke akuöörkuöör. Acä lueel, Yɛn Bɛ̈nydït.”

Danyel 3:28

Ago melik lueel an, “Pianykï Nhialic de Cadrak ku Mecak ku Abenego! Acï tunynhialde tuööc bïï ë kɔckë bɛ̈n luök, kɔc ee yen ŋɔ̈ɔ̈th ku luuikï. Acïk löŋ rɛɛc gam ku koonkï wëiken në luöi cïï kek kenïïm bï guöt piny ku lɛmkï yanhdäŋ, ee Nhialicden yetök en bïk lam.”

Danyel 6:22

Nhialic acï tunynhialde tuööc bïï kɔ̈ɔ̈r bɛ̈n dɔm thook agokï ya cïï gëm buɔ̈t. Aa loi ee kënë në luɔi ciɛ̈n ɛn guöp awäc, ku acïn kërɛɛc cä luöi yïn, yïn melik.

Danyel 6:27

Yen ee kony ku luɛ̈k, Yen ee göök looi ku looi kake gäi paannhial ku piny nɔm. Acï Danyel kony në luɔi bï ë kɔ̈ɔ̈r ye nɔ̈k.

Amoth 5:14

Pälkï luɔi de kërac, ku yak këpiɛth giit në luɔi, ke wek bï pïïr. Yen abïï Bɛ̈nydït Nhialic Awärjäŋ jɔ tɔ̈u ke week cït man ya wek en lueel.

Amoth 5:15

Nhiaarkï këpiɛth, ku mankï kërac. Ku yak gööny ŋiëc guiir tëde gööny. Tɛk däŋ bï Bɛ̈nydït Nhialic Awärjäŋ piɔ̈u kok kekë kɔc lik cï döŋ baai de Jothep.

Romai 12:9

Takkï nhiëër nu, nhiëër cïnic ruëëny. Yak kërac maan ëtaiwei, ku yak këpiɛth dɔm ë döm ril.

Romai 7:15

Ku kë ya looi ënɔɔnë, acä gam nɔn ee yen luɔidï, ku kë nu ë yapiɔ̈u an, bä ya looi, acä ye looi, ee kë maan, yen aya looi.

Romai 7:24

Amawoou yɛn kuany nyin oou! Eeŋa bï a luäk bei në guöp cath ke thuɔɔuwëyic?

1 Kor 8:3

Ku të nhiɛɛrë raan Nhialic, yen aye ŋic ë ye.

2 Theth 3:2

Ku läŋkï ke wo bï luök ë kɔc cin kɔc cïn nïïm, ayï kɔc racpiɔ̈ɔ̈th: acie kɔc kedhie kek cath ë gäm.

Jakop 1:12

Thieithieei raan ee thëm guum, të cï en thök ë thëm, ka bï göl ë pïïr yök, göl cïï Bɛ̈nydït kɔn lueel, an, bï gäm kɔc nhiaar en.

Jakop 2:5

Piɛŋkï wek mïthëkɔckuɔn nhiaar! Kën Nhialic kɔc kuanynyïïn lɔc, kɔc kuanynyïïn në kakë piny nɔm, bïk aa kɔc dïït ë gäm, ku yek kɔc bï ciɛɛŋ lɔ̈ɔ̈k lak, ciɛɛŋ cïï Nhialic kɔn lueel an, bï gäm kɔc nhiaar en?

1 Pet 1:5

wek kɔc cï gël ë riɛl ë Nhialic në gäm, bäk kunydewëi yök, kuny cï thök ë guiɛɛk, ke bï tïc ëkööl rial wadäŋ.

1 Pet 1:8

Ee raan nhiaar, na cakaa yen ë kɛ̈nkï tïŋ: ku ye raan cäk gam, na cakaa yen ë cäkï woi guöp ënɔɔnë, aguɔkï piɔ̈ɔ̈th miɛt në miɛt cïï themë thok, ku de yic dhuëëŋ dït,

1 Jɔn 4:19

Nhiëër cï en wo kɔn nhiaar, en a nhiɛɛr wok en.

1 Jɔn 5:18

Cöökë aŋicku, an, Raan ëbɛ̈n raan ë dhiëëth Nhialic acïï kërac ee looi, raan ë dhiëëth Nhialic ee rɔt döt, ke cïï jɔŋ rɛɛcë bï jak.

Nyuuth 13:8

Ku abï lam ë kɔc tɔ̈u ë piny nɔm kedhie, kɔc kënë rinken gɔ̈ɔ̈r awerek de pïïric, awerek de Nyɔŋamääl cï nɔ̈k të ɣɔn ciɛkë piny thar.