Diɛt 96:4 - JAM DE NHIALIC 2011

⁴ Bɛ̈nydït adït ku abï dhil piɔɔny aläl, abï dhil riëëu awär yiëth kedhie.

Diɛt 96:4 ပူးပေါင်းရင်းမြစ်များ

2 Lëk 2:4

Yɛn yïk Luaŋdït, bä yɛn Nhialicdï riëëu guöp. Abï aa tëɣeric, të bän aa lɔ̈ŋ thïn wok ë kɔckï ku nyopku wal ŋïr, ku të bïï wok miɔ̈c de kuïn cï pam aa gam ë ceŋ, ku ee të bïï wok miɔ̈c ye nyop ëbɛ̈n gam ë ceŋ miäk ku thëën, ku akööl ke Thabath, ku dhuëëŋ de Wil ë Pɛɛi, ku lɔ akööl kɔ̈k ɣeriic, bïï ke Bɛ̈nydït Nhialicda riëëu guöp. Acï kɔc ke Yithriɛl yɔ̈ɔ̈k bïk ee kënë looi aɣet athɛɛr.

Neɣe 9:5

Kɔc ke Lebaikë: Jecua, ku Kadmiel, ku Bani, ku Ɣacabania, ku Cerebia, ku Ɣodia, ku Cebania ku Pethaya. Acïk lueel an: “Jatkï röt ku lɛ̈kkï Bɛ̈nydït Nhialicdun thieithieei. Lɛckï ënɔɔnë aɣet athɛɛr! Takï raan ëbɛ̈n thieei dhuëëŋ de rinke, takï leec mɛnh ë raan ku lëk thieithieei!”

Diɛt 145:3

Bɛ̈nydït adït, ku abï dhil aa piɔɔny aläl, ku dïtde acïï duëërë yök yic.

Diɛt 150:2

Lɛckï në biäk de ka dït cï ke looi. Lɛckï dïtdɛn wär käŋ ëbɛ̈n.

Diɛt 18:3

Yɛn ee Bɛ̈nydït cɔɔl, ago ya kony në kɔc ke aterdï. Lɛckï Bɛ̈nydït!

Diɛt 48:1

Bɛ̈nydït adït, ku abï ya piɔɔny aläl, në Pänydït ë Nhialicda yic, ku në kuurdɛn ɣeric nɔm.

Diɛt 66:3

Lëkë Nhialic an, “Luɔɔidu ee këdïït ë gäi! Riɛldu adït aläl ee kɔc ke aterdu tɔ gut kenïïm piny në Yïnɔm, në riɔ̈ɔ̈c.

Diɛt 66:5

Bäär tïŋ kë cï Nhialic looi, kadït ke gäi cï luöi kɔc.

Diɛt 76:7

Ku Yïn Nhialic, Yïn ye kɔc riɔ̈ɔ̈c kedhie. Acïn raan duëër kɔ̈ɔ̈c në Yïlɔ̈ɔ̈m të cïï Yïn gɔ̈th.

Diɛt 86:10

Yïn dït aläl ku ye kadït ke gäi looi. Yïn Yïtök Yïn aye Nhialic.

Diɛt 89:7

Nhialic ye ë riɔ̈ɔ̈c në amat ë tuucnhial ɣeriic yic, ayek kɔ̈ɔ̈c në Yïnɔm kedhie ke ke lɛthë keek.

Diɛt 95:3

Në biäk ye Bɛ̈nydït Nhialic Awärjäŋ, ku Ye Meliŋ dïït wär yiëth kedhie.

Bɛ̈n 18:11

Acä jɔ ŋic nɔn Yen Bɛ̈nydït Yen dït awär yiëth kedhie. Në luɔi cï yen kɔc ke Yithriɛl luök ɣɔn luui ë kɔc ke Rip keek në dhääl.”

Jeremia 5:22

Ee Yɛn ee Bɛ̈nydït, eeŋö cä wek ee riɔ̈ɔ̈c ë Yɛn? Eeŋö cïï ë week ee lath ë yanɔm? Yɛn cï liɛɛt tɔ yë aken de wɛ̈ɛ̈r, aken kääc tëde cïï duëërë teem kɔ̈u. Wɛ̈ɛ̈r aduëër amaŋ looi, ku acïï duëër lɔ ë baŋtui, apiöök aduëër rɔt looi, ku acïï duëër dhoŋ kɔ̈u.

Danyel 2:47

Ago ë melik lueel an, “Nhialicdu yen adït në yiëth kedhie, ee Bɛ̈nydït nu në meliik nïïm, ku raan ee kacïmoony nyuɔɔth. Yɛn ŋic ee kënë në luöi cï Yïn ee këcïmoonyë wɛ̈ɛ̈ric yɛn.

Luk 12:5

Ku we bä nyuöth raan bä wek aa riɔ̈ɔ̈c ë yen: Yak riɔ̈ɔ̈c në raan ë kɔc kɔn nɔ̈k abïk thou, na ëlë, ke de riɛl bï en ke cuat ë giɛna yic, yeka, wek yɔ̈ɔ̈k an, Yak riɔ̈ɔ̈c në yen!

Nyuuth 15:4

Eeŋa cïï duëër riɔ̈ɔ̈c ë yïn, ku cïï rinku e leec, yïn Bɛ̈nydït? Yïn yïtök yïn aɣeric. Juöör abïk bɛ̈n kedhie bïk bɛ̈n lam ë yïnɔm, në tïc cï luɔiduön piɛth guɔ tïc.”

1 Tham 4:8

Amawoou në wook! Eeŋö bï wo jɔ luök në ee yiëth rilkë cin? Ee kek yiëth ɣɔn näk kɔc ke Rip në jɔ̈ɔ̈ric!