Diɛt 96:11 - JAM DE NHIALIC 2011

¹¹ Jɔ piɔ̈u miɛt yïn paannhial, ku piny! Jɔ röl wɛ̈ɛ̈r, we këriëëc nu ë yïyic ëbɛ̈n,

Diɛt 96:11 ပူးပေါင်းရင်းမြစ်များ

1 Lëk 16:32

Takï wɛ̈ɛ̈r wuur, ku këriëëc cï cak nu ë yï yïc ëbɛ̈n, Miɛtkï piɔ̈ɔ̈th, wek duum, ku këriëëc nu ë yï yic.

Diɛt 69:34

Lɛckï Nhialic, wek paannhial kekë piny, ku wɛ̈ɛ̈r kekë ka nu në keyiic kedhie.

Diɛt 97:1

Pinynɔm jɔ piɔ̈u miɛt! Bɛ̈nydït ee Yen ee Melik! Jakï piɔ̈ɔ̈th miɛt we tuöör nu wïïr!

Yith 44:23

Moc kiɛɛu de miɛtëpiɔ̈u, yïn paannhial! Moc kiɛɛu, wek ɣään thuth ke piny! Mockï kiɛɛu në miɛtëpiɔ̈u, wek kur, ku tim ëbɛ̈n tɔ̈u roor! Bɛ̈nydït acï dhuëëŋde nyuɔɔth, në biäk cïï Yen kɔckɛn ke Yithriɛl kony.

Yith 49:13

Kɛ̈të paannhial! Loi awuɔɔu de miɛtëpiɔ̈u, piny! Takï kur wuou ke ke ket diɛt! Bɛ̈nydït abï kɔcke duut piɔ̈ɔ̈th, abï piɔ̈u kok kekë kɔckɛn cï nuan.

Luk 15:10

Wek yɔ̈ɔ̈k an, “Yen abï ciët miɛt ee kɔc piɔ̈ɔ̈th miɛt ë tuuc ke Nhialic nïïm në biäk de raan tök raan ee kërac looi, ku be yepiɔ̈u puk.”

Luk 2:10

Go tunynhial ke yɔ̈ɔ̈k an, “Duökï riɔ̈c, piɛŋkï, wek guiëër wël piɛth wël ke piɔ̈nmit, wël bï aa ka ke kɔc kedhie.

Nyuuth 12:12

Yen miɛt we piɔ̈ɔ̈th, wek bɛ̈i nhial, ku wek kɔc tɔ̈u thïn. Amawoou ë piny nɔm ku wɛ̈ɛ̈r: ë luɔi cï jɔŋdït rac lɔ piny të nuö wek, ke cï gɔ̈th aläl, wën ŋic en en nɔn cï akööl liaakäŋ döŋ tëde yen.