Diɛt 95:8 - JAM DE NHIALIC 2011

⁸ “Duökï nïïm ee riɛl cï kuarkun ɣɔn në Meriba, wään tɔ̈u kek ee köölë në jɔ̈ɔ̈r de Matha yic.

Diɛt 95:8 ပူးပေါင်းရင်းမြစ်များ

Bɛ̈n 17:2

Agokï dok në Mothe luelkï an, “Gämë wo pïïu dekku.” Go Mothe puk nɔm an, “Eeŋö tɔ we dok? Eeŋö thɛ̈mkï Bɛ̈nydït?”

Bɛ̈n 17:7

Go ëtɛ̈ɛ̈n cäk an Matha ku Meriba (ku rinkë aluelkï thëm ku dok). Në luɔi ë cïï mïth ke Yithriɛl dok ku themkï Bɛ̈nydït, wën ye kek lop an, “Tɔ̈u Bɛ̈nydït ke wook ku liiu?”

Bɛ̈n 8:15

Na wën, aa tïŋ ë melik agueek acï thou, ke be nɔm riɛlde ŋak, cït man cïï Bɛ̈nydït e lueel an melik acïï jam de Mothe bï piŋ kekë Aron.

Danyel 5:20

Ku në luɔi cï yen rɔt lɛɛc, ku riil nɔm ku ye kɔc yɔŋ, acï bɛ̈n nyaai në thööcdɛn ë bääny yic, ku mɛ̈l ë tëdɛn ë dhuëëŋ.

Kuɛ̈n 14:11

Go Bɛ̈nydït lɛ̈k Mothe an, “Kɔckë bïk jɔ cieŋ ë ke biɔn Ɛn guöp agut cï nɛn? Bïk Ɛn jɔ gam nɛn? Yɛn ë göök gɛ̈ɛ̈iyë ke juëc looi në keyiic, ku aŋootkï ke ke cïï ya gam.

Kuɛ̈n 14:22

acïn raan tök në ee kɔckë yiic bï tɔ̈u abï ɣet piny cä than. Acïk riaudïït lɔ wic tïŋ, riau de dhuëëŋdï, ku tïŋkï göökdït ke gäi ɣɔn bä looi Rip, ayï jɔ̈ɔ̈ric ayadäŋ, ku ŋootkï ke ke ye ya them ë cieŋ, ku reeckï këdï gam.

Kuɛ̈n 14:27

“Ee nɛn yen bïï akutnɔm cï thiäŋ në awɛ̈ɛ̈cë dok puɔ̈l në yɛn? Yɛn ë dok kithic piŋ tëde kɔc ke Yithriɛl.

Kuɛ̈n 20:13

Kënë aa loi rɔt në Meriba, të ɣɔn dok ë kɔc ke Yithriɛl në Bɛ̈nydït, go Bɛ̈nydït ke nyuöth luɔi ɣeer en yic.

Luɔi 19:9

Na wën, aacï kɔc kɔ̈k nïïm riɛl, ke ke reec gäm, ku luelkï kërac në biäk de Kueer në akutnɔm ë kɔc nïïm, go Paulo jäl ë keyiic, ku tɛ̈ɛ̈u kɔcpiööcë pei, go jam wɛ̈ɛ̈r kɔc ë aköölnyïïn kedhie luaŋ de guiëër ë wël, luaŋ de raan cɔl Turano.

Romai 2:5

Ku yïn, në riɛl ril yïn piɔ̈u, ku në luɔi reec yïn puŋ de yïn piɔ̈u, yïn ë rɔt kuɛ̈t agönhdïït ɣet ë kööl ë agɔ̈th, akööl ë nyuöth bï löŋ piɛth cï Nhialic guiir rɔt nyuɔɔth.

Nyöŋ 6:16

“Duökï Bɛ̈nydït Nhialicdun ee them, cït man wään cä wek e looi në Matha.

Ɣeberuu 12:25

Ënɔɔnë yak röt jɔ tiit ke we cïï bï jäi të jiëëm ë Nhialic week. Na kën kɔc wään piŋ rölde, ɣɔn jiëëm En keek ë Mothe thok ë piny nɔm eenë poth taitai! Yak tak duɛ̈ɛ̈rkï poth të rɛɛc wek Yecu raan jiëëm week paannhial!

Ɣeberuu 3:13

Ku yak wepiɔ̈ɔ̈th riit wapäc aköölnyïïn kedhie. Ke bï ciën raan töŋ bï nɔm riɛl ë weyiic të cïï kërac e math. Në luɔi ŋoot En ke cöt “Ee köölë.”

Juda 1:5

Ku yɛn de piɔ̈u luɔi täk ɛn wenïïm, ciɛk an, cäk kënë kɔn ŋic, näŋ cïï Bɛ̈nydït kɔc reec gäm nɔ̈k, acakaa yen ë cï kɔc kɔn kony bïï ke bei paan ë Rip.

1 Tham 6:6

Eeŋö duɛ̈ɛ̈rkï wenïïm tɔ ril cï melik de Rip kekë kɔcke? Wään bïï Nhialic ke luöi këtuc acïk kɔc ke Yithriɛl bɛ̈n pɔ̈l ajäl ë Rip.