Diɛt 95:3 - JAM DE NHIALIC 2011

³ Në biäk ye Bɛ̈nydït Nhialic Awärjäŋ, ku Ye Meliŋ dïït wär yiëth kedhie.

Diɛt 95:3 ပူးပေါင်းရင်းမြစ်များ

Neɣe 8:6

Go Edhera lueel an, “Lɛckï Bɛ̈nydït, Nhialic dït!” Go kɔc kecin jat nhial kedhie, gamkï an, “Amiin! Amiin!” Ku guŋkï ke ke läŋ abïk piny jak në kenïïm.

Diɛt 104:1

Wek wëikï, thiɛikï Bɛ̈nydït! Yïn Bɛ̈nydït, Nhialinydï, eeŋa thöŋ ke Yïn! Yïn cï kuöm piny në bääny ku dhuëëŋ,

Diɛt 135:5

Aŋiɛc Bɛ̈nydïïtda adït awär yiëth kɔ̈k ëbɛ̈n.

Diɛt 145:3

Bɛ̈nydït adït, ku abï dhil aa piɔɔny aläl, ku dïtde acïï duëërë yök yic.

Diɛt 47:2

Bɛ̈nydït, Awärjäŋ Yen abï ë riɔ̈ɔ̈c, Yen ee melik dït, bɛ̈ny mac pinynɔm ëbɛ̈n.

Diɛt 47:3

Acï wo tɔ tiam kɔc, ayï juöör abïk nu në wocök.

Diɛt 96:4

Bɛ̈nydït adït ku abï dhil piɔɔny aläl, abï dhil riëëu awär yiëth kedhie.

Diɛt 97:9

Bɛ̈nydït Awärjäŋ, ee Yïn ceŋ pinynɔm ëbɛ̈n, ku Yïn dït aläl awär yiëth kedhie.

Bɛ̈n 12:12

“Ee Yɛn Bɛ̈nydït, paan ë Rip abä caathic ëbɛ̈n në ee wɛ̈ɛ̈rë yic, ke ya näk mɛwä kɛ̈ɛ̈i ëbɛ̈n, kɛ̈i ë raan, ku kɛ̈i ë läi. Ku kuööm yiëth ke Rip kedhie në kuöm tuc. Ee Yɛn Bɛ̈nydït.

Bɛ̈n 18:11

Acä jɔ ŋic nɔn Yen Bɛ̈nydït Yen dït awär yiëth kedhie. Në luɔi cï yen kɔc ke Yithriɛl luök ɣɔn luui ë kɔc ke Rip keek në dhääl.”

Yith 44:8

Duökï riɔ̈c, kɔckï! Aŋiɛckï ɣɔn gɔl ë käŋ aɣet cï ënɔɔnë yɛn cï këriëëc bï tuöl ëbɛ̈n caar, ku wek ee cätɔɔkï. De yanh däŋ nu? De yanh ril däŋ nu kɛ̈n ɛn këde piŋ?”

Jeremia 46:18

Yɛn Bɛ̈nydït de rɛm, Yɛn ee melik. Yɛn ee Nhialic Pïïr. Cït man bɛ̈ɛ̈r ë kuur ë Tabor ë kur nïïm, ku kääc kuur ë Karmel ke bäär ë wɛ̈ɛ̈r yɔu, yen abï ciët riɛl de raan bï we mak.

Jeremia 48:15

Mowap kekë pɛ̈ɛ̈nydïtke acï keek riɔ̈ɔ̈k, dhuökkɛn piɛth acï keek tɛm röt. Ee Yɛn melik, Bɛ̈nydït de rɛm, ku Yɛn cï jam.

Danyel 4:37

“Ku ënɔɔnë, yɛn Nebukadnedhar, yɛn piɔny, ku riëëu, ku gäm Melik de paannhial dhuëëŋ. Këriëëc ye looi ëbɛ̈n ee yic ku adöt, ku aduëër raan ëbɛ̈n, raan ee rɔt leec kuɔɔr piny.

Malakai 1:11

Juöör ke piny nɔm ëbɛ̈n, gɔl të lɔ aköl amiäk lee të lɔ aköl athɛ̈i, adhuëŋkï rinkï. Yɛn ye nyuöp wal ŋïr, ku yïnë ya miɔ̈c lɔ wai në piny nɔm ëbɛ̈n. Në biäk ye rinkï dhuëëŋ në juöör ke piny nɔm kedhie, kë lueel ë Bɛ̈nydït de rɛm ka.

Malakai 1:14

ku lueel ë Bɛ̈nydït de rɛm an, Aciɛɛn abï tɔ̈u kekë raan ee mɛth. Raan de nɔm nyɔk, ku nɔn yen miɔɔr në lunyde yic, nyɔɔŋ ë cï yen kuëëŋ an bï gam, ke be pɔ̈l ku gëm Ɛn thɔ̈ɔ̈k de guöp tëdak. Wek ŋic Ɛn nɔn yan Meliŋ dït, ka juöör ke pinynɔm ëbɛ̈n ariɔ̈ckï në Yɛn.

Math 5:35

Ku du ë lueel ë piny aya, ee kë ye Nhialic ecök dhɔ̈ɔ̈r, ayï Jeruthalem, du ë lueel, ee pänydïït ë Melik dït.

Nyöŋ 7:21

Ka duökï riɔ̈c ee kɔckë Bɛ̈nydït Nhialicdun atɔ̈u ke week, Ee Nhialiny dït Raan duëërë riɔ̈ɔ̈c.