Diɛt 93:1 - JAM DE NHIALIC 2011

¹ Bɛ̈nydït ee melik, acï kum në riɛl ku bääny. Pinynɔm atɔ̈u ëdïu tëde ku acïï duëërë nyaai.

Diɛt 93:1 ပူးပေါင်းရင်းမြစ်များ

1 Lëk 16:30

takï röt lɛthë ë yenɔm, wek kɔc ke piny nɔm! Piny nɔm acï riɛɛt piny ku acïï duëërë nyaai.

1 Lëk 16:31

Miɛtkï piɔ̈ɔ̈th wek yï paannhial wekë piny! Lɛ̈kkï juöör an, Bɛ̈nydït ee Melik!

1 Lëk 29:12

Kuɛth ku riëëu kedhie ayek bɛ̈n tëde Yïn, ku ee Yïn ee bɛ̈ny de kɔc kedhie. Ku ciindu ade yic riɛldït, ku ciindu abï Yïn göök dït looi, ku Yïn ee riɛl gäm kɔc kedhie.

Jop 40:10

Na ee yen, ë yï tiëŋ ke yï dhuëŋ guöp, ku lec yïn.

Diɛt 103:19

Bɛ̈nydït acï thönyde tääu piny paannhial. Yen ë meliŋ de ciɛɛŋ ëbɛ̈n.

Diɛt 145:13

Ciɛɛŋdu ee ciɛɛŋ tɔ̈u athɛɛr, ku yïn ee melik aɣet athɛɛr. Bɛ̈nydït adöt në gutguutde yic ëbɛ̈n, ku ee piɔ̈u kok në luɔide yic ëbɛ̈n.

Diɛt 18:32

Nhialic ee yɛn gël në riɛl, ku tɔ kueerdï piathic.

Diɛt 59:13

Riɔ̈ɔ̈r keek në ŋeenydu, riɔ̈ɔ̈r keek taitai. Ago raan ëbɛ̈n jɔ ŋic nɔn mɛc ë Nhialic Yithriɛl, ku riɛlde ee ɣet ë piny thar ëbɛ̈n.

Diɛt 65:6

Yïn cï kur tääu tëden në riɛldu, nyooth Yïn riɛlduön dït.

Diɛt 65:7

Yïn cï awuɔɔu de pïïu miɛɛm, ku miɛɛmë awuɔɔu de apiöök, ku Yïn ee awuɔɔu de kɔc tɔ kääc.

Diɛt 75:3

Cakaa nɔn lɛthë këriëëc pïïr ëbɛ̈n, ku nieŋë piny guöpde, Yɛn bï këërkëërde muk aril.

Diɛt 96:10

Lɛ̈kë juöör ëbɛ̈n an, “Bɛ̈nydït ee Melik! Piny acï tääu tëde ku acïï duëërë nyaai, abï löŋ de kɔc guiir në yic.”

Diɛt 97:1

Pinynɔm jɔ piɔ̈u miɛt! Bɛ̈nydït ee Yen ee Melik! Jakï piɔ̈ɔ̈th miɛt we tuöör nu wïïr!

Diɛt 99:1

Bɛ̈nydït ee melik, kɔc abï ke lath ë këde. Ee nyuc ë cerubiim nɔm ago piny rɔt nieeŋ.

Yith 11:5

Abï kɔcke mac në piathëpiɔ̈u ku yic.

Yith 45:12

Ee Yɛn ee raan ë cak piny, ku cak mɛnh ë raan bïï rëër ëtɛ̈ɛ̈n. Në riɛldï, yɛn cï paannhial thieth, ee yɛn mac akɔ̈l, ku pɛɛi ku kuɛl.

Yith 45:18

Bɛ̈nydït yen aa cak paannhial, ee yen cɔl Nhialic! Aa kïït piny ku ciɛk, go looi ke ril ëtör ku bï tɔ̈u athɛɛr. Akën looi ke ye kë cï riääk cïn yic kɔc, aa looi ke ye të bïï ë kɔc cieŋ thïn. Ee yen ë luel en an, “Yɛn ee Bɛ̈nydït, ku acïn yanh däŋ nu.

Yith 49:8

Aye Bɛ̈nydït lɛ̈k kɔcke an, “Të le ë kööl bïï ë we luök bɛ̈n, wek bä nyuöth piath, ku yɛn bï dhiëndun kaar wek kuɔɔny bɛ̈ɛ̈r. Wek bä tiit ku gɛ̈l week ku në kueerdun yɛn bï mät looi wo kɔc kedhie. Wek bä bɛ tɔ ɣap pinyduön cï tɔ ye kë cï pɔ̈l ënɔɔnë.

Yith 51:16

Yɛn aa thiëth paannhial ku tääu këërkëër de pinynɔm piny, ku lëk Jeruthalem an, ‘Wek ee kɔckï! Wek cä gäm wëëtdï, ku wek cä gël në yaciin.”’

Yith 51:9

Pääcë Bɛ̈nydït ku luäk wook! Loi riɛldu ku kony wo, loi cït man ɣɔn looi yïn en ɣɔn thɛɛr. Aa ye yïn ë tem ŋuäldït Raɣab de wɛ̈ɛ̈r në thïïm.

Yith 52:7

Ee kë piɛth cït ŋö bä raan toc tïŋ ke bɔ̈ ke cath ë kur nïïm, ke bïï wëlpiɛth, wël ke mät, wël ke piath! Ee thoŋ de tiëm caal, ku lɛ̈k Dhiɔn an, “Nhialicdu ee melik!”

Yith 59:17

Yen abï piathëpiɔ̈u cieŋ cï lupɔ de yɔu, ku cieŋ akup de kunydewëi në yenɔm. Abï rɔt kuöm piny në luɔi bï yen käŋ cök piny, ku lui kɔc këtuc, ku guur guöm wään cïï kɔc kɔn kum.

Yith 63:1

“Eeŋa ë kë bɔ̈yë në pänydïït de Bothera nu ë Edom? Ku eeŋa kë ceŋ lupɔ amujuŋë, raan ril laath ë riɛl.” Ee Bɛ̈nydït, raan dïït ril ee kɔc kony, abɔ̈ bïï tiëmde bɛ̈n lɛ̈k kɔc.

Math 6:13

Ku du wook ë lɛɛr ë themic, Ye wo luök në kërac, Ciɛɛŋ ee këdu, riɛl ee këdu, Dhuëëŋ ee këdu, aɣet athɛɛr. Amiin.

Ɣeberuu 1:8

Ku acï Nhialic lueel në biäk de Wënde an, “Yïn ee Nhialic, Yïn bï rëër ë thöönydu nɔm ke Yï ye melik aɣet athɛɛr! Yïn bï kɔcku cieŋ në löŋ yic.

Nyuuth 19:6

Guɔ röl piŋ röl cït röl ë kut dïït ë kɔc, ku cït awuööu de piëëu, ku cït röl dïït ë deŋ të mɛ̈ɛ̈r en arëët, ke luelkï, an, “Aleluya! Bɛ̈nydït Nhialicda Awärjäŋ, ee Melik!