Diɛt 92:6 - JAM DE NHIALIC 2011

⁶ Ee kë cïï raan piɔlpiɔ̈u duëër ŋic, raan dhɔ̈n acïn kë duëër yökic:

Diɛt 92:6 ပူးပေါင်းရင်းမြစ်များ

Diɛt 104:24

Bɛ̈nydït, Yïn cï kajuëc looi! Acï ke looi kedhie në pɛlënɔm! Pinynɔm acï thiäŋ kekë läiku.

Diɛt 139:14

Yïn bä leec në biäk bï ë kɔc aa riɔ̈ɔ̈c ë Yïn, ka ye looi kedhie ayek göök ku kake gäi. Aŋiɛc ke ëbɛ̈n në yapiɔ̈u.

Diɛt 14:1

Aye dhän lueel në kepiɔ̈ɔ̈th an, “Acïn Nhialic!” Ayek kɔc cï riääk kedhie, ku acïk kanhiany looi, acïn raan töŋ ee këpiɛth looi në keyiic kedhie.

Diɛt 32:9

Du rɔt tɔ cït jöŋgör ku nɔn ee mul, ka cïï käŋ ee yök yiic, ka ye thel në wïïn cï duööt ë kethook, agokï jɔ gam.”

Diɛt 49:10

Të tïŋ wok en raan pelnɔm, ee thou, ku raan piɔlpiɔ̈u kekë dhɔ̈n ayek thou aya. Keek kedhie ayek kakɛn juëc nyäŋ mïth ke mïthken.

Diɛt 73:22

Yɛn aa cï dhɔ̈n cït man ë läi, yɛn kën jamdu yök yic.

Diɛt 75:4

Yɛn bï kɔc ee karɛc looi yɔ̈ɔ̈k cïkï röt bï leec,

Diɛt 94:8

Kɔckï, yak käŋ yökiic kɔc piɔl piɔ̈ɔ̈th, dhän ee nɛn yen bä wek pɛl?

Kɛ̈ŋ 1:22

“Amawoou në week wek kɔc piɔl piɔ̈ɔ̈th! Bäk pial ë piɔ̈u jɔ cuuth agut cï nɛn? Ku wek kɔc ee kɔc bui gup, bäk bui jɔ cuuth agut cï nɛn? Ku wek dhän wek man ŋïnydekäŋ.

Kɛ̈ŋ 24:7

Pɛlënɔm ee këdïït thiëk tëde raan piɔl piɔ̈u, ka ye röördït kiëët acïï keek ë bɛ̈ɛ̈r.

Kɛ̈ŋ 30:2

Yɛn ee raan töŋ de kɔc kuc käŋ aläl, yɛn cïn yöŋ de käŋiic cït man ë kɔc,

Yith 1:3

Ɣɔ̈k aŋickï raan de keek, ku ŋic mul të ye wuönden ke cääm. Ku acïï kɔckiën ke Yithriɛl ee ŋic aya. Acïkï ee yökic taitai.”

Yith 28:29

Pɛlënɔmë ëbɛ̈n aa bɔ̈ tëde Bɛ̈nydït de rɛm. Kiɛɛr ye Nhialic looi ayek kake pɛlënɔm, ku ayek tiam ananden.

Yith 55:9

Ameckï cït man mec ë paannhial ke piny, yen acït mɛc de kueerdï në kuɛɛrkun ku ee yen ee mɛc mec ë täŋdï ke täŋdun.

Jeremia 10:14

Ku të cï ee kakë tïŋ, kɔc ayek aa dhän ku cïnkï nïïm, kɔc ee yiëth looi ayek gup yäär, në biäk ye yiëth yek looi lueth ku cïnkï yiic wëi.

Jeremia 32:19

Yïn ee kïït ë pɛlënɔm looi ku loi kadït, Yïn ee këriëëc looi ë raan ëbɛ̈n woi, ku aye ke thieei në kë röŋ ke luɔiden.

Luk 12:20

Na wën, ke yöök ë Nhialic an, ‘Yïn dhɔ̈n! Ëlëwakɔ̈u wëiku abï ke cɔɔl tëde yïn: ku kakuön cï guik bïk guɔ aa ka ke ŋa?”’

1 Kor 2:14

Ku raan ë yepiɔ̈u tuöm ka ke piny acïï ka ke Wëi ke Nhialic ee dɔm, aye keek tɔ ye kaɣäär yiic, ku acïï keek duëër ŋic, luɔi ye ke yök yiic në Wëi.