Diɛt 92:2 - JAM DE NHIALIC 2011

² Wok bï nhiëërduön agɔk aa luɛɛl miäk rial ku lueelku piɔ̈nduön adöt wakɔ̈u,

Diɛt 92:2 ပူးပေါင်းရင်းမြစ်များ

1 Lëk 25:1

Go melik Debid ku bäny ke Lebai, gokï Lebaikë kuany, bïk läm aa wat yï Athap, ku Ɣeman, ku Jeduthun. Abïk jam de Nhialic aa wɛ̈ɛ̈t, ke ke kuany diɛt cök në thom ku aruöör. Kakë ayek rin ke kɔc cï kuany bïk läm aa wat, cït man ye kuut luɔide looi.

Jop 35:10

Ku cïkï röt puk Nhialic Aciëŋden, Raan ee ke tɔ ŋäth në akööl ke nuandït.

Diɛt 101:1

Yɛn bï din de riëëu ku yic kiit, abä kɛ̈t Yïn, Yïn Bɛ̈nydït.

Diɛt 145:2

Akööl yiic ëbɛ̈n Yïn bä aa leec. Yïn bä aa thieei aɣet athɛɛr ku athɛɛr.

Diɛt 147:1

Lɛckï Bɛ̈nydït! Ee këpiɛth buk Nhialinyda aa piɔɔny ë diɛt, ee këde miɛtëpiɔ̈u ku ee yic buk aa piɔɔny.

Diɛt 42:8

Në Bɛ̈nydït nyooth nhiëërdɛn agɔk aköl, ku wakɔ̈u dinde ee tɔ̈u kekë yɛn, ke ya läŋ Nhialic de pïïrdï.

Diɛt 71:15

Yɛn bï jam në biäk de läkdu. Aköölnyïïn kedhie yɛn bï ya jam në biäk de kuɔɔnydu, cakaa nɔn dïït ë yöŋ de yen yic.

Diɛt 77:2

Në akööl ke nuan yɛn ee Bɛ̈nydït lɔ̈ŋ, në wɛ̈ɛ̈ric wakɔ̈u yɛn ee yacin yaak nhial ke ya läŋ, ku yɛn cïï luŋ de piɔ̈u ee yök.

Diɛt 9:3

Kɔc ke aterdï ayek kenïïm puk të cï Yïn tïc, ayek wïïk ku thoukï.

Yith 63:7

Yɛn bï jam në biäk de nhiëër agɔk de Bɛ̈nydït, Abä piɔɔny në biäk de kajuëc cï luöi wook ëbɛ̈n. Acï baai de Yithriɛl thieei aläl në biäk de kok de yen piɔ̈u ku nhiëërdɛn agɔk.

Jɔn 1:17

Löŋ aa gëmë Mothe, ku dhuëëŋdepiɔ̈u ku yic aake bɔ̈ në Yecu Kërtho.

Luɔi 16:25

Na wën, ë wɛ̈ɛ̈ric cil, ke Paulo ku Thila ke ke läŋ ku kitkï diɛt leec kek ke Nhialic, ku piŋ kɔc kɔ̈k cï mac ë keek ëtök.