Diɛt 91:15 - JAM DE NHIALIC 2011

¹⁵ Të cɔɔl kek Ɛn, Yɛn bï cɔ̈tden piŋ, tëde yen nuan cï ke yök, yɛn bï tɔ̈u wo keek. Ku abä keek luäk bei, ku dhuɛ̈ɛ̈ŋ keek gup.

Diɛt 91:15 ပူးပေါင်းရင်းမြစ်များ

Jop 12:4

Yɛn dɔl guöp në määthkï, ku yɛn aaye Nhialic lɔ̈ŋ, ku aaye këdï piŋ, raan piɛth cïn kërɛɛc cï wööc yen adɔl guöp.

Jop 5:19

Abï yï luäk bei në nuanic ëbɛ̈n, dhetem ayï dhorou abï ciën kë jak yï guöp.

Diɛt 10:17

Yïn bï lɔ̈ŋ de kɔc cï miɛn aa piŋ Bɛ̈nydït, ku abä keek riit piɔ̈ɔ̈th.

Diɛt 138:7

Të cïï nuɛɛn ya gɛɛu cil, Yïn ee yɛn döt apiɛth. Yɛn cïï karɛc ee yök, Yïn ee kɔc ke aterdï göth jɔ̈ɔ̈ny ku gël yɛn ë riɛldu.

Diɛt 18:15

Ago lil de Abäpdit thar tïc, ku tiëc këërkëër de piny, të cï Bɛ̈nydït kɔc ke aterde rël yiic, ku të cï yen ke ŋɛ̈ny në agɔ̈th.

Diɛt 23:4

Na ya cak cath në wak de mɔ̈ɔ̈th dïït lɔcɔ̈t yic, yɛn cie riɔ̈ɔ̈c në kërac, në luɔi tɔ̈u ë Bɛ̈nydït ke yɛn. Thienydu ku waidu ayek ɛn tɔ mit piɔ̈u.

Diɛt 37:40

Aye ke kuɔny ku luɛ̈k keek, aye ke kony në kɔc rac, në luɔi ye kek lɔ tëde yen bïï ke gël.

Diɛt 50:15

Ye ya cɔɔl në kööl cïï nuan bɛ̈n, yïn bä kony, ka yïn bï Ya dhuëëŋ guöp.”

Yith 41:10

Duökï riɔ̈c, Yɛn tɔ̈u wo week! Yɛn ee Nhialicdun, në cïn kë riääc wek! Wek bä ke tɔ ye kɔc ril ku kuɔny week, wek bä ke gël, ku kuɔny week.

Yith 58:9

Ku të läŋ wek, Yɛn bï lɔ̈ŋdun bɛ̈ɛ̈r. Të caal wek ɛn, Yɛn bï cɔ̈tdun dɔk nɔm. “Të la wek yaaŋ pɔ̈l, ku pälkï agöth, ku jam rac ëbɛ̈n,

Yith 65:24

Aɣet të ŋoot kek ke ke läŋ ɛn, yɛn bï lɔ̈ŋden puk nɔm.

Jeremia 33:3

“Calkï Yɛn, ku Yɛn bï këdun bɛ̈ɛ̈r, wek bä lɛ̈k göök ku kake gäi cïn kë ŋiɛckï ë baŋden.

Dhek 13:9

Ku biäk thiin cï döŋë abä dhiim apiɛth, cït man ye ateek dhiim në mac, dhiɛɛm keek në dhiëm adhääp. Ku ëtɛ̈ɛ̈n, abïk ɛn jɔ aa lɔ̈ŋ, ku abä keek aa piŋ thook. Abä nyuöth keek nɔn ye kek kɔckï, ku abïk jɔ gam nɔn yan Nhialicden.

Math 28:20

ku yak keek wɛ̈ɛ̈t, bïk käŋ aa döt kedhie ka cä thɔ̈n week, ku ya kï, yɛn ee cool ë tɔ̈u wo week ë aköölnyïïn kedhie, aɣët thök bï piny thök. Amiin.

Jɔn 12:26

Të de yen raan ë kakï looi, në ye ya biɔɔth cök, ago bɛ̈n të nuö yɛn, yen abï raan ee kakï looi nu thïn ayadäŋ: të de yen raan ee kakï looi, yen abï Wäär ŋic.

Jɔn 12:43

aake nhiaar lɛc de kɔc awär lɛc de Nhialic.

Jɔn 16:32

Wɔikï, kööl abɔ̈, yeka bɔ̈yë ënɔɔnë, kööl bï we thiäi wei, lɔ ŋɛk tëde ku lɔ ŋɛk tëde, ku nyääŋkï ya piny yatök: ku yɛn cïï tɔ̈u a tök, luɔi nu Wäär kekë ɛn.

Jɔn 5:44

Duɛ̈ɛ̈rkï gäm lëu wäkdï, wek kɔc ë lɛc gam lɛc aa wek röt leec wapäc, ku cäkï lɛc ee kɔɔr lɛc bɔ̈ tëde Nhialic etök?

2Tim 4:17

Ku Bɛ̈nydït yen aa kääc ë yalɔ̈ɔ̈m, ago a tɔ ril piɔ̈u, luɔi bï jam thök ë guiëër ë yathok, ago Juöör piŋ ëbɛ̈n: ku yɛn cï luäk bei ë köör thok.

Ɣeberuu 5:7

Ɣɔn nu Yecu ë piny nɔm, acï Nhialic lɔ̈ŋ ku dhiɛɛu në röldït, lɛ̈ŋ Nhialic Raan duëër en kuöny bei në thuɔɔuwic. Aye lɔ̈ŋ në riëëu ku kuur yen rɔt kuɔɔr piny në Nhialic nɔm, go Nhialic lɔ̈ŋde piŋ.

1 Pet 1:21

wek kɔc cï Nhialic gam në yen, Nhialic wään jɔt en nhial ë kɔc cï thou yiic, ku jɔ gäm dhuëëŋ, ke gämdun ku aŋäthdun ke ke bï aa tɔ̈u ë Nhialic.

1 Pet 3:22

raan cï lɔ paannhial, ku ye tɔ̈u ë ciin cuëëny de Nhialic, ku tuucnhial ku bäny ku riɛl acï ke tɔ piŋ këde.

1 Pet 5:4

Na ëlëmiäk të cï Tïndïït ë Thök tuöl, Tïn nu ë tïït nïïm, ke we bï göl ë dhuëëŋ yök göl cïï bï biɔɔr anande.

Nyuuth 3:21

Raan ee tiam, abä tɔ nyuc kekë yɛn ëtök ë thöönydï nɔm, cït man cän tiam aya, aguɔ jɔ nyuc wokë Wäär ëtök ë thöönyde nɔm.

1 Tham 2:30

Yɛn, Bɛ̈nydït Nhialic de Yithriɛl, Yɛn cï gutguut looi ɣɔn thɛɛr wokë kɔc paandu ku dhiëndun, nɔn bän yïn looi ke yï ye bɛ̈ny de kake Nhialic anandu. Ku ënɔɔnë acä lueel, nɔn cän yen bï bɛ looi ë kööl däŋ! Ku kë bä looi, Yɛn bï kɔc ee Yɛn riëëu guöp riëëu, ku Yɛn bï kɔc ee Yɛn biɔɔn guöp luöi këtuc.