Diɛt 9:20 - JAM DE NHIALIC 2011

²⁰ Tɔ ke riɔ̈c Bɛ̈nydït, ku tɔ ŋic ë juöör nɔn ye kek kɔc tei.

Diɛt 9:20 ပူးပေါင်းရင်းမြစ်များ

2 Lëk 14:10

Go melik Atha lɔ biic bï lɔ piɔ̈t kekë yen, ku jɔ kuut kedhie kɔ̈ɔ̈c ë ɣäänken, në Wak de Dhepatha yic të thiääk kekë Mareca.

Diɛt 3:8

Tiëm ee bɛ̈n tëde Bɛ̈nydït, Bɛ̈nydït abï kɔcke thieei.

Diɛt 62:9

Kɔc kedhie acïtkï wëi, në pial, röördït ku kɔc kor acïnkï naamden. Na them ke në athëm, acïnkï kuën, keek apiɔlkï awär wëi.

Diɛt 76:12

ee wɛ̈ɛ̈t meliik ee röt lɛɛc kuɔɔr piny, ku tɔ meliik dït riɔ̈c.

Bɛ̈n 15:16

Aake tïŋ riɛldu Bɛ̈nydït, gokï riɔ̈ɔ̈c arëët, ku kɛ̈ɛ̈ckï ke ke thany kethäär atëëk ë kɔcku. Kɔc ɣɔn lunyë bei në lïïmic.

Bɛ̈n 23:27

“Kɔc ee week kaaŋ nïïm abä keek aa riääc, ku nuɔɔn kɔc gɔ̈m në week. Ku kɔc de ater në week abä keek aa tɔ kɔt në week.

Yith 31:3

Kɔc ke Rip acïkï ee yiëth, ayek kɔc tei. Ku jöŋgöörken acïnkï riɛl bɔ̈ nhial. Të le Bɛ̈nydït lɔ lui, ke jur ril abï kuɛɛm, ku jur kɔ̈c ye kony abï wïïk. Keek kedhie abï keek riɔ̈ɔ̈k.

Jeremia 32:40

Ku Yɛn bï löŋ cï mac athɛɛr looi wo keek. Yɛn bï luɔi piɛth aa luöi keek ëceŋ, ku abä keek tɔ rïïu Yɛn në kepiɔ̈ɔ̈th ëbɛ̈n, agokï röt cïï be wɛl wei në yanɔm.

Edhekiɛl 28:2

“Mɛnh ë raan, lɛ̈kë melik de Tayer, kë lɛ̈k en yɛn Bɛ̈nydït Awärjäŋ: yïn cï rɔt gap nhial në lɛc ku ye lueel an ye yath. Aye lueel an cï nyuc në thöny cï tuɔɔk ë wɛ̈ɛ̈r cï yath. Yïn duëër rɔt kac an ye yath, ku ei, yïn ee raan, yïn cie tɔ̈u athɛɛr.

Edhekiɛl 28:9

Të lee kek bɛ̈n bïk we bɛ̈n nɔ̈k, bäk bɛ ŋoot ke luɛl kï an ee yath? Të la wek kɔc näk we tïŋ, we bï aa kɔc tei ku we cïï bï bɛ aa ka tɔ̈u athɛɛr.

Edhekiɛl 30:13

Aye Bɛ̈nydït Awärjäŋ lueel an, “Yɛn bï yiëth riɔ̈ɔ̈k ku nyaai yiëth alueth në Mempeth. Abï ciën wën melik bï Rip mac, ku yɛn bï kɔc riääc ëbɛ̈n ë Rip.

Nyöŋ 2:25

ë kööl manë guöp yɛn bï riɔ̈ɔ̈cdït tääu në juöör ke pinynɔm piɔ̈ɔ̈th agokï aa riɔ̈ɔ̈c në week. Abïk käŋ aa piŋ në biäkdun ago keek lath ku rem keek piɔ̈ɔ̈th në këdun.