Diɛt 9:10 - JAM DE NHIALIC 2011

¹⁰ Bɛ̈nydït kɔc ŋic Yïn, abïk Yïn ŋɔ̈ɔ̈th, Yïn cïï raan cï bɛ̈n tëde Yïn ee rɛɛc,

Diɛt 9:10 ပူးပေါင်းရင်းမြစ်များ

2 Tham 22:3

Nhialicdï Yen ee kuurdï. Yɛn duëër kat ke ya lɔ tëde Yen ke bï ya kony. Yen ee köndï ku Ye konydiën ril, Yen ee ya gël ku Yen ee tëdiën ee kuɔɔny. Ku Bɛ̈nydït acï yɛn luök në akuöörkuööric.

1 Lëk 28:9

Ku yïn Tholomon wëndï, ye Nhialic de wuur ŋic, ku ye luööi në yïpiɔ̈u ëbɛ̈n, ku në piɔ̈n awai. Në biäk ye Bɛ̈nydït kɔc kɔɔr piɔ̈ɔ̈th kedhie, ku ŋic guiɛɛr ëbɛ̈n ku täk ëbɛ̈n. Na lɔ lɔ kɔɔr abä yök ke nu në yïlɔ̈ɔ̈m, ku na lɔ lɔ rɛɛc, abï yïn cuɔp wei aɣet athɛɛr.

Diɛt 37:28

në biäk nhiɛɛr ë Bɛ̈nydït yic, acïï kɔckɛn cï gam bï pɔ̈l. Kɔc piɛthpiɔ̈ɔ̈th abïk tɔ̈u athɛɛr, ku mïth ke kɔc rac abïï ke cuɔp wei.

Diɛt 37:39

Kuɔɔny de kɔc piɛthpiɔ̈ɔ̈th ee bɛ̈n tëde Bɛ̈nydït, ee Yen ee ke gël në akööl ke nuan.

Diɛt 5:11

Ku tɔ kɔc ee kuɔɔny yök tëde Yïn kedhie mit piɔ̈ɔ̈th, aduëërkï aa ket ë ceŋ në miɛtëpiɔ̈u. Kony kɔc nhiaar Yïn, në biäkdu ee yen amit kek piɔ̈ɔ̈th ë yic.

Diɛt 57:1

Nhialic kokëpiɔ̈u në yɛn, kokëpiɔ̈u në yɛn, në luöi ee yɛn luääk kɔɔr tëde Yïn, ee riɛldu yen ee ya gël, agut të le amaŋ de riääk wan.

Diɛt 91:14

Acï Nhialic lueel an, “Yɛn bï kɔc nhiaar Ɛn luök, ku gɛ̈l kɔc ee Ya gam nɔn Yan Bɛ̈nydït.

Kɛ̈ŋ 18:10

Rin ke Bɛ̈nydït acïtkï alooc bäär, ye raan piɛthpiɔ̈u kɔt thïn ku yök kuɔɔny.

Yith 25:4

Kɔc kuanynyïïn ku kɔc cïn käŋ acïk kɔt të nu Yïn ku acï ke kony në akööl ke nuan. Acï ke gäm gëlgël në amaŋ ku atïm gël keek në atuöc kɔc ke akuöörkuöör ayek kɔc mak cït man amaŋ de rut ë ɣöt kɔ̈u.

Yith 45:19

Yɛn kën kɔn jam ke Ya thiaan, ku mɔ̈k këdiën kaar bä looi ke thiaan. Yɛn kën kɔc ke Yithriɛl thiëëc bïk A kɔɔr të cïn yic kɔc. Yɛn ee Bɛ̈nydït, ku Yɛn jam në yic, Yɛn ee yic tɔ ŋic.”

Jeremia 29:13

Yïn bï ya kɔɔr, ku yïn bï Yɛn yök, në biäk bï yïn Yɛn kɔɔr ë piɔ̈ndu ëbɛ̈n.

Naɣum 1:7

Bɛ̈nydït apiɛth, ee kɔcke gël në akööl ke kërac, ee kɔc ŋäth En döt apiɛth.

Jɔn 17:3

Ku kënë yen aye pïïr athɛɛr an, Ŋïny bï kek yïn ŋic, yïn Nhialic yic, yïn yïtök, ku ŋickï Yecu Kërtho raan ë yïn ë toc en.

2 Kor 4:6

Luɔi ee yen Nhialic, Raan ɣɔn yöök ɣɛɛrëpiny, an, “Bä bei tëcol, ye piny riaau!” Yen aa riau wopiɔ̈ɔ̈th, agoku riau de ŋïny de dhuëëŋ de Nhialic yök, riau nu ë Yecu Kërtho nyin.

2Tim 1:12

En aa guööm ɛn ee kakë aya: ku acä keek guum, ke yɛn kën yäär, në biäk ŋiɛc yɛn raan cä gam, ku aŋiɛc ëgɔk nɔn duëër en këdäŋ ŋiëc tiit kë cä kuɛ̈i yen aɣet kööl bï bɛ̈n.

1 Jɔn 2:3

Ku dön ee wo lööŋke döt, en aŋic wok en nɔn cï wok e ŋic.

1 Jɔn 5:20

Ku aŋicku nɔn cï wën ë Nhialic bɛ̈n, bï ku gɛ̈m wook ŋïnydekäŋ, buk raan yic ŋic, ku wok tɔ̈u ë raan yicic, yen aye Wëndɛn Yecu Kërtho. Nhialic yic kï, ku pïïr athɛɛr ka.