Diɛt 89:41 - JAM DE NHIALIC 2011

⁴¹ Kɔc ee tɛ̈ɛ̈k ëtɛ̈ɛ̈n ëbɛ̈n ayek kake kual, ku kɔc thiääk në yen ëbɛ̈n ayek yen dɔl guöp.

Diɛt 89:41 ပူးပေါင်းရင်းမြစ်များ

Neɣe 5:9

Ë tɛ̈ɛ̈n guɔ lɛ̈k keek an, “Kë luɔikï aa wäc! Wek duëër Nhialic riëëu ku luɔikï yic, ku ëtɛ̈ɛ̈n wek cïï kɔc ke aterda wën ee juöör bï gäm kë bïï kek wo geet gup.

Diɛt 74:10

Ee run kadï Bɛ̈nydït yen bïï kɔc ke ater Yïn aa dɔl gup? Bïk rinku ya läät aɣet athɛɛr?

Diɛt 79:4

Juöör thiääk në wook ayek wook läät, abiɔnkï wook ku yek wook dɔl gup.

Diɛt 80:13

aye kuöl roor duöm piny në kecök, ku ciɛm ë läi roor.

Yith 10:6

Yɛn cï Athiriya tooc bïï jur kuc Nhialic lɔ mak, kɔc cï Ya tɔ göth. Acä tooc bïï lɔ yak ku kuël ku dum kɔc yiic cït kë cath ë dhuur nɔm kueer.”

Yith 5:5

“Kë bä luöi domdiën enap kï, yɛn bï thɔc cän e geeu nyaai, ku thuöör kal wään cän e gël piny, ku ta ciɛm ë läi roor ku dumkï.

Jeremia 24:9

Yɛn bï riääk dït bɛ̈ɛ̈i në kegup, ka juöör ke pinynɔm kedhie abïk riɔ̈ɔ̈c. Abïï kɔc ke biɔɔn gup, ku dɔl kɔc ke gup, ku bui keek gup, ku rinken abïï keek tɔ ee këde aciɛɛn në piny nɔm ëbɛ̈n, piny bän keek thiäi thïn.

Jeremia 29:18

Abä keek cop cök ë tɔŋ, ku cɔk, ku jɔɔk, ku juöör ke piny nɔm kedhie abïk riɔ̈ɔ̈c në kë yek tïŋ. Të cän keek thiäi thïn ëbɛ̈n, kɔc abïk aa gäi ku riɔ̈ckï në kë cï tuöl tëde keek. Abïï kɔc ke biɔɔn gup ku tɔ rinken ee këde aciɛɛn.

Jeremia 42:18

“Acïï Bɛ̈nydït de rɛm, Nhialic de Yithriɛl lueel an, ‘Cït man cï agönhdiën tuc wäl ë kɔc ke Jeruthalem gup, yen abï agönhdiën tuc wäl ë wegup aya të la wek lɔ lɔ Rip. We bï aa kɔc ye kɔc riɔ̈ɔ̈c të tïŋ ë we, kɔc abïk we aa luööi në abiaan, ku ye rinkun tɔ aa ciɛɛn. Wek cïï ee tënë bï bɛ tïŋ taitai.’ ”

Jeremia 44:12

Ku në biäk de kɔc ke Juda cï döŋ, ku acïk dhel nɔn bï kek lɔ ceŋ ë Rip, abä dhil kiëët nɔn bïï ë keek riɔ̈ɔ̈k kedhie. Abïk thou kedhie ë Rip, röördït, ku kɔc kor, abïk thou ë tɔŋ, ku nɔn ee cɔk. Kɔc abïk aa riɔ̈ɔ̈c në tïŋden, abï kɔc keek aa luööi në abiaan, ku tɔ rinken ee këde aciɛɛn.

Jeremia 44:8

Eeŋö ya wek Yɛn tɔ göth, në läm ya wek yiëth lam, ku yak yiëth kɔ̈k nyuöp wal ŋïr ë Rip eenë, të cä wek bɛ̈n ceŋ thïn? Ë we loi ee kënë ke we bï we röt riɔ̈ɔ̈k, ago juöör ke piny nɔm ëbɛ̈n, week aa luööi në abiaan, ku yek rinkun tɔ ee kë de aciɛɛn?

Jeremia 50:17

Aye Bɛ̈nydït lueel an, “Kɔc ke Yithriɛl acïtkï amɛ̈l cïï ë köör ke cop ku thiɛ̈i ke wei. Wään tueŋ, acï melik de Athiriya keek mak, ku be Nebukadnedhar melik de Babilonia yomken reem.

Dhiëëu 2:5

Bɛ̈nydït acï kɔc ke Yithriɛl riɔ̈ɔ̈k cï kɔc ke ater. Acï ɣään ril ku ɣöötdït nyääŋ piny ke ke cï riääk. Bɛ̈nydït acï jiɛthëpiɔ̈u cï bï thɔ̈k nyäŋ kɔc ke Juda.

Dhiëëu 5:1

Bɛ̈nydït, tak kë cï rɔt luöi wook. Woi wook, ku tïŋ ayärda.

Danyel 9:16

Yïn cï wook kony wään tueŋ, ku du piɔ̈u be diu wekë Jeruthalem. Ee pänydïïtdu, kuurduön ɣeric. Ee pänydïïtdu, kuurduön ɣeric. Kɔc kedhie kɔc ke wuöt thiääk ë wook, ayek Jeruthalem biɔɔn guöp, ku biɔnkï kɔcku gup, në biäk de karɛckuɔ, ku në biäk de luɔi rɛɛc cïï kuarkuɔ looi.

Nyöŋ 28:37

Në ee wuöt bïï Bɛ̈nydït week lɔ thiäi piny thïn, kɔc abïk aa gäi në kë cï rɔt luöi week, we bïï ë kääŋ aa yup, abïk we dɔl gup ku buikï we gup.