Diɛt 89:18 - JAM DE NHIALIC 2011

¹⁸ Yïn Bɛ̈nydït lɔ̈cë wook könda, Yïn Nhialic Ɣeric de Yithriɛl gämë wook meliŋda.

Diɛt 89:18 ပူးပေါင်းရင်းမြစ်များ

Cäk 15:1

Ku ëtɛ̈ɛ̈n, Abram ë jam de Bɛ̈nydït bɛ̈n piŋ në nyuöthic ke lueel an, “Abram du riɔ̈c, yɛn ee köndu. Yïn bä gël në kërac, ku yïn bä cuööt apiɛth.”

Diɛt 148:14

Acï jurde tɔ ril, ke bïï ë kɔcke jɔ leec kedhie, kɔc ke Yithriɛl apiɛthkï tëde yen. Lɛckï Bɛ̈nydït!

Diɛt 44:4

Yïn ee melikdï ku Nhialicdï raan ë gëm tiëm Jakop,

Diɛt 47:9

Bäny ke juöör acïk kenïïm kut, në kɔc ke Nhialic de Abraɣam. Raan ril wär rɛm ke tɔŋ kedhie ee Yen, Raandït nu ë kɔc nïïm kedhie.

Diɛt 62:6

Yen Yetök ee kuurdï ku Ye konydï, ku Ye tëdiën ë riɛl yɛn cïï duëër ë lath.

Diɛt 71:22

Yïn bä leec në thom, yɛn bï piɔ̈nduön adöt piɔɔny Nhialicdï. Yïn bä kiët diɛt në thomdï, Yïn Nhialic Ɣeric de Yithriɛl.

Diɛt 84:11

Bɛ̈nydït Nhialic ee akɔ̈l ku ee köt, ku ye meliŋ de dhuëëŋ, ee wo thiɛɛi në kok ë piɔ̈nde kekë riëëu. Acïn këpiɛth ee pɛ̈n, kɔc ee yic looi.

Yith 1:4

Amawoou në week, jur ee karɛc looi, kɔc ɣɛ̈ɛ̈c awɛ̈ɛ̈c thiek! Mïth ke kɔc ee karɛc looi! Wek cï Bɛ̈nydït rɛɛc, Nhialic Ɣeric de Yithriɛl ku wɛ̈lkï wekɔ̈ɔ̈th En.

Yith 12:6

Tɔ raan rɛ̈ɛ̈r ë Dhiɔn ëbɛ̈n moc kiɛɛu ku kët an! Nhialic Ɣeric de Yithriɛl adït, ku arɛ̈ɛ̈r ë kɔcke yiic.”

Yith 29:19

Kɔc kuanynyïïn ku kɔc ee röt kuɔɔr piny abïk miɛtëpiɔ̈u bɛ yök tëde Bɛ̈nydït, Nhialic Ɣeric de Yithriɛl.

Yith 30:11

Pätkï wo kueer, duökï kueerda thiɔ̈k. Wo cïï köör buk pïŋ ë wël ke Nhialicduön Ɣeric de Yithriɛl.”

Yith 33:22

Tɔŋdɛn biökkï në abëël wïïrken yiic acïnkï thaarden, acïn raan bï jam ë gɛ̈ɛ̈r luɛɛl! Wo bï kajuëc ke rem de tɔŋ de ater tɛ̈k röt, ku abïk juëc aläl ayï ŋɔl abïï tɛ̈k. Bɛ̈nydït guöp yen abï aa meliŋda, abï we mac ë Yen ku gël wook.

Yith 43:14

Nhialic Ɣeric de Yithriɛl, Bɛ̈nydït ee we luök, aye lueel an, “Yɛn bï rem de tɔŋ bï lɔ thɔ̈ɔ̈r ke Babilon tooc, aguɔ we luök, Yɛn bï athïïn ke pänydït dhuɔŋ piny, ku kiɛɛu de kɔcke abï rɔt puk ke ye dhiëëu.

Yith 43:3

Në biäk ee Yɛn Bɛ̈nydït Nhialicdu, Nhialic Ɣeric de Yithriɛl ɣɔn kony yïn. Yɛn bï Rip pɔ̈l ke bï yï tɔ lääu nɔm, Yɛn bï Ethiopia pɔ̈l kekë Theba.

1 Tham 2:1

Go Ɣana lɔ̈ŋ ayadäŋ ku lueel an: “Piɔ̈ndï amit në Bɛ̈nydïtic, yɛn mit piɔ̈u arëët në biäk de kë cïï Bɛ̈nydït luöi ɛn! Ee yɛn tɔ dɔl kɔc ke ater gup, yɛn mit piɔ̈u aläl në luääkde!