Diɛt 89:11 - JAM DE NHIALIC 2011

¹¹ Paannhial kekë piny ayek kaku, ku cak këriëëc nu ë pinynɔm ëbɛ̈n.

Diɛt 89:11 ပူးပေါင်းရင်းမြစ်များ

Cäk 1:1

Të ɣɔn thɛɛr gɔl ë käŋ, Nhialic ë tënhial cak kekë piny.

Cäk 2:1

Ku tënhial kekë piny, aake cï jɔ thök në cäk në ka tɔ̈u thïn kedhie.

1 Lëk 29:11

Bɛ̈nydït, Yïn dït, ku yïn ril, ku yïn de dhuëëŋ, ku yïn de tiëm, ku yïn de diɛk. Në biäk ye ka tɔ̈u paannhial kedhie ku ka tɔ̈u piny kedhie kaku, ku ciɛɛŋ ee këdu Bɛ̈nydït, ku Yïn tɔ̈u nhial në käŋ nïïm kedhie.

Jop 38:18

Dɛ nɔm täŋ duëër yïn wo lɛ̈k dït de pinynɔm? Dɔ̈kë nɔm ɛn të ŋic yïn en.

Jop 41:11

Eeŋa duëër en mak ku bï ŋoot ke poth? Acïn raan ë pinynɔm duëër e lëu.

Diɛt 115:16

Paannhial ee këde Bɛ̈nydït yetök, ku acï piny gäm mɛnh ë raan bï cieŋ.

Diɛt 50:12

“Na dɛ guöp cɔk, yïn cä duëër thiëëc në këcam, në baŋ ye pinynɔm ëbɛ̈n kekë ka nu thïn kedhie kakï.

Yith 51:9

Pääcë Bɛ̈nydït ku luäk wook! Loi riɛldu ku kony wo, loi cït man ɣɔn looi yïn en ɣɔn thɛɛr. Aa ye yïn ë tem ŋuäldït Raɣab de wɛ̈ɛ̈r në thïïm.

1 Kor 10:26

në kë ye piny këde Bɛ̈nydït, ayï ka ye piny thiɔ̈ɔ̈ŋ, ee kake ayadäŋ.

1 Kor 10:28

Ku na de raan lëkë week an, “Kënë aa nɛ̈kë yath,” ke we duökï cäm ë ye, në biäk de raan ë nyuth e week, ku në biäk de jam bïï raan yök ë yepiɔ̈u: në kë ye piny këde Bɛ̈nydït, ayï ka ye piny thiɔ̈ɔ̈ŋ, ee kake ayadäŋ: