Diɛt 86:12 - JAM DE NHIALIC 2011

¹² Bɛ̈nydït Nhialicdï, Yïn bä ya leec në piɔ̈ndï ëbɛ̈n, yɛn bï dhuëëŋdu luɛɛl aɣet athɛɛr.

Diɛt 86:12 ပူးပေါင်းရင်းမြစ်များ

1 Lëk 29:13

Ënɔɔnë Nhialicda, Yïn cuk leec, ku wok cï rinkuön ke dhuëëŋ piɔɔny.

1 Lëk 29:20

Na wën ke Debid ë jɔ amatnɔm ëbɛ̈n yɔ̈ɔ̈k an, “Lɛ̈kkï Bɛ̈nydït Nhialicdun thieithieei!” Ago amatnɔm ëbɛ̈n Bɛ̈nydït Nhialic de kuarken lɛc nɔm, ku jɔkï kenïïm guöt piny, në riëëu rïïu kek Bɛ̈nydït ku melik aya.

Diɛt 104:33

Yɛn bï Bɛ̈nydït kɛ̈t diɛt në pïïrdï yic ëbɛ̈n, yɛn bï Nhialicdï leec në akööl piëër ɛn ëbɛ̈n.

Diɛt 34:1

Yɛn bï Bɛ̈nydït aa thieei aköölnyïïn ëbɛ̈n, lɛcde abï tɔ̈u ë yathok ë ceŋ.

Diɛt 9:1

Yïn bä piɔɔny Bɛ̈nydït, në piɔ̈ndï ëbɛ̈n, yɛn bï kakuön ke gäi cï ke looi kedhie luɛɛl.

Diɛt 9:2

Yɛn bï ket ë miɛtëpiɔ̈u në biäkdu. Yɛn bï Nhialic Awärjäŋ leec në diɛt.

Yith 12:1

Ade kööl bɔ̈, kööl bïï ë kɔc ket an, “Yïn cä leec, Bɛ̈nydït! Yïn aa göth we yɛn, ku ënɔɔnë Yïn ë ya duut piɔ̈u ku cïï be gɔ̈th.

Luɔi 8:36

Na wën, të ciɛth kek kueer, ke ke jɔ ɣet të nu pïïu: go mony cï roc lueel an, “Tïŋ, pïïu kï, eeŋö pën a baptith?”

Romai 15:6

ke we bï Nhialic aa lɛc nɔm në piɔ̈n tök ku në thoŋ tök, yen aye Wun Bɛ̈nydan Yecu Kërtho.

1 Kor 10:31

Yen na yak cam, ku yak dek, ayï të de yen kë bäk aa looi, yak käŋ looi kedhie ke Nhialic bï dhuëëŋ yök.

1 Kor 6:20

We cï ɣɔɔc ë ɣööc tuc: yen aa wek Nhialic tɔ yök dhuëëŋ në guöpdunic ayï wëikun yiic, kek ka ke Nhialic ka.

Epethiei 5:19

Yak jam wapäc në diɛt ku diɛt kɔ̈k ke Nhialic ku diɛt ke ka ke Wëi, yak diɛt ket ku yak Nhialic piɔɔny ë wepiɔ̈ɔ̈th.

Nyöŋ 6:5

Nhiaar Bɛ̈nydït Nhialicdu në piɔ̈ndu ëbɛ̈n, ku në wëiku ëbɛ̈n ku në riɛldu ëbɛ̈n.