Diɛt 86:11 - JAM DE NHIALIC 2011

¹¹ Wɛ̈ɛ̈të ë yɛn Bɛ̈nydït, në kë kɔɔr bä looi. Ku Yïn bä riëëu në piɔ̈n adöt. Wɛ̈ɛ̈të ë yɛn bä Yïn luööi në piɔ̈n tök.

Diɛt 86:11 ပူးပေါင်းရင်းမြစ်များ

Jop 34:32

Cï Nhialic thiëëc bï yï nyuöth awɛ̈ɛ̈cku, ku cï gam nɔn bï yïn mɔ̈l në luɔi de karɛc?

Diɛt 119:30

Ee kueer de piɔ̈n adöt yen acä lɔc, ku yɛn cï luɔi bïï ë lööŋku muk tïŋ.

Diɛt 119:33

Bɛ̈nydït, wɛ̈ɛ̈të yɛn në ka tɔ̈u ë lööŋku yiic, ku abä keek riëëu në akööl yiic ëbɛ̈n.

Diɛt 119:73

Ee Yïn ë cak ɛn, ku kony yɛn gämë yɛn ŋïny de käŋ, aguɔ wëët ë lööŋku.

Diɛt 25:12

Raan ee Bɛ̈nydït riëëu, yen aye Bɛ̈nydït nyuöth kueer cï lɔc.

Diɛt 26:3

Në luɔi ye nhiëërduön agɔk ya wat, ku piɔ̈nduön adöt ee ya caath, yɛn rɛ̈ɛ̈r ë riëëudu yic ë ceŋ.

Diɛt 27:11

Wɛ̈ɛ̈t ë yɛn Bɛ̈nydït në kueerdu, ku tɛ̈ɛ̈kë yɛn në kueer piɛthic, në biäk de yɛn nɔm kɔc ke ater juëc.

Diɛt 5:8

Bɛ̈nydït, kɔc de ater në yɛn ajuëckï! Wat ɛn ë piathëpiɔ̈u, bä këde piɔ̈ndu looi, tɔ kueerdu tiëc ë yanɔm aguɔ kuany yic.

Ɣodh 10:2

Adekï yiic aguuk, ka abïk awänyden dhil thiëëp thok. Bɛ̈nydït abï yïïkken riäär piny, ku riëëk mënkɛn yaath.

Ɣodh 14:8

“Yïn Yithriɛl, eeŋö bä bɛ looi në yiëth? Ee Yɛn ee lɔ̈ŋdu gam, ku dɔ̈t yïn apiɛth. Ka Yɛn ë ciët tim de ameth tɔ̈c ëbɛ̈n, mïth yïnke luɔk abïkï tëde Yɛn.

Dhep 1:5

Yɛn bï kɔc riɔ̈ɔ̈k, kɔc ee kenïïm guöt piny në ɣööt nïïm nhial, ke ke lam akɔ̈l ku pɛɛi ku kuɛl, ku kɔc ee röt tɔ ye kɔc ee kuëëŋ në Yɛn ku ayek lɔ kuëëŋ në Molek yanhden,

Malakai 2:6

Aake ye wëët në yith, ku acïn lueth ë yek töör. Aake ye cath në Yɛn apiɛth, ku loikï yith. Agokï kɔc juëc tɔ päl karɛcken.

Luɔi 2:46

Agokï aa cool ë Luaŋdïtic aköölnyïïn kedhie në piɔ̈n tök, ku yek kuïn wääkic ɣönë ku ɣönë, ku yek këden cam në piɔ̈nmit cïnic ruëëny,

1 Kor 10:21

We cïï dëk bï lëu në bïny de Bɛ̈nydït kekë bïny de jɔɔk rac ëtök: we cïï duëër rɔm ëtök ë pam ee kɔc cam, pam ë Nhialic kekë pam ë jɔɔk rac.

1 Kor 6:17

Ku raan cï mat kekë Bɛ̈nydït kek aye wëi tök.

2 Kor 11:3

Ku yɛn riɔ̈c, luɔi bï en dɛ të bä wek piɔ̈ɔ̈th riääk, cït man cï kërac Ɣawa math në ruëënyde, aguɔkï piɔ̈ɔ̈th cuö bɛ aa tök, ku cäkï piɔ̈ɔ̈th be lɔ wai në Kërtho.

Epethiei 4:21

të cä wek jamde piŋ, ku të cï we wɛ̈ɛ̈t në yen, në wëët yic nu ë Yecu yic:

Kolothai 3:17

Ku na de kë luɔikï, nɔn ee yen jam ku nɔn ee yen luɔi, yak ke looi ëbɛ̈n në rin ke Bɛ̈nydït Yecu, ke we ye Nhialic Wääda yɔ̈ɔ̈k an, thieithieei, në këde.

2 Jɔn 1:4

Yɛn ë piɔ̈u miɛt aläl luɔi cän mïthkuön kɔ̈k yök aciɛthkï ë yicic, acït man cï wo löŋ yök tëde Wääda.