Diɛt 80:1 - JAM DE NHIALIC 2011

¹ Piŋ wo röt, Yïn Tïn de Yithriɛl, Ye wo piŋ röt wok bäny ke lunydu. Yïn raan rɛ̈ɛ̈r në thöönydu nɔm në wuök ke cerubiim lɔ bilbil kɔ̈u,

Diɛt 80:1 ပူးပေါင်းရင်းမြစ်များ

2 Tham 6:2

Go Debid kekë kɔckɛn cath ë yen kedhie lɔ Baala në Juda, bïk lɔ athänduŋ de Nhialic lɔ bɛ̈ɛ̈i ëtɛ̈ɛ̈n, athänduŋ de yic rin ke Bɛ̈nydït de rɛm, raan tɔ̈u ë thööcde në Cerubiim nïïm.

2 Mel 19:15

Ku läŋ Ɣedhekia an, “Bɛ̈nydït Awärjäŋ, Nhialic de Yithriɛl, thöönydu anu ë cerubiim kaarou nïïm nhial, ee Yïn ee Nhialic Yïtök, Yïn amac ciɛɛŋ ke piny nɔm. Yïn aa cak piny ku tënhial.

Jop 10:3

Duëër piath tëde Yïn yen yaaŋ, ku biɔ̈n biɔɔn Yïn luɔi de Yïciin, ku thieei kïït ë kɔc ee karɛc looi?

Diɛt 45:1

Piɔ̈ndï acï thiäŋ kekë wëlpiɛth, të la yɛn ke ya piɔny melik. Liemdï ë rɔt guiir cït man ë raan ŋic gäär aläl.

Diɛt 5:1

Bɛ̈nydït piŋ jamdï, ku tïŋ dhiën dhiaau ɛn.

Diɛt 50:1

Awärjäŋ Bɛ̈nydït Nhialic ajam, acɔl pinynɔm ëbɛ̈n, gɔl aköl amiäk le aköl athɛ̈i.

Diɛt 50:2

Nhialic ee riau në Dhiɔn, läk de pänydït ee dikëdik.

Diɛt 55:1

Piŋ lɔ̈ŋdï Nhialic, du rɔt yiɛl wei ë lɔ̈ŋdiënë.

Diɛt 60:1

Nhialic Yïn cï wo rɛɛc, ku tiam wook, Yïn aa cï piɔ̈u diu wekë wook, ku ënɔɔnë jɔ rɔt pɔ̈k wook.

Diɛt 69:1

Nhialic kony yɛn! Pïïu acïk ɣëët në ya yeth,

Diɛt 77:20

Yïn ee kɔcku wat cït man ë tïït, ku nu Mothe kekë Aron në kenïïm.

Diɛt 78:52

Na wën, ke jɔ kɔcke bɛ̈ɛ̈i bei cït man ë tiit, ku jɔ keek wat në jɔ̈ɔ̈ric.

Diɛt 78:67

Ku acï kuat de Jothep rɛɛc, ku akën dhiën de Eparaim lɔc.

Diɛt 80:19

Pɔ̈kë wonïïm ciëën. Bɛ̈nydït Nhialic Awärjäŋ. Nyuöthë wook kokdepiɔ̈ndu, ke wo bïï luök.

Diɛt 80:3

Pɔ̈kë wo nïïm täu wään kɔn wok tɔ̈u, Nhialic! Nyuöthë wook kokdepiɔ̈ndu, ke wo bïï luök!

Diɛt 80:7

Pɔ̈kë wo nïïm täu awään kɔn wok tɔ̈u, Nhialic! Nyuöthë wook kokdepiɔ̈ndu, ke wo bïï luök!

Diɛt 94:1

Bɛ̈nydït, Yïn ee Nhialic ee löŋ guiir, nyuɔɔthë agönhdu!

Diɛt 99:1

Bɛ̈nydït ee melik, kɔc abï ke lath ë këde. Ee nyuc ë cerubiim nɔm ago piny rɔt nieeŋ.

Yith 40:11

Ee lunyde tiit, cï raan ee thök tiit, abï amɛ̈lke määt yiic, 2 ku boom keek në ye kök ku abï märken wat apiɛth.

Yith 60:1

Jɔt rɔt, Jeruthalem ku jɔ piny riaau abä ciët ruɛl de akɔ̈l, dhuëëŋ de Bɛ̈nydït alɔ riauriau në yï kɔ̈u!

Yith 63:11

Ku ëtɛ̈ɛ̈n acïk kenïïm bɛ̈n tak në kathɛɛr, në akööl ɣɔn ke Mothe, awun de Bɛ̈nydït, gokï aa thiëëc an, “Tɔ̈u Bɛ̈nydït ë nou ënɔɔnë, raan ɣɔn kony bäny ke kɔc ke në wɛ̈ɛ̈r yic? Tɔ̈u Bɛ̈nydït ë nou, raan ɣɔn cï wëidït ɣerke gäm Mothe?

Edhekiɛl 1:13

Ade kë ye tïŋ ke dɛ̈p läi yiic ke cït many de kuthyui, ee rɔt pɔ̈ɔ̈k ke cïï kääc. Mac ee lɔ nhial ku rueet në wil de ɣɛɛr.

Edhekiɛl 10:4

Biöl ë many ë täu de Bɛ̈nydït lɔ nhial, tëde cerubiim ku jɔkï lɔ në kal thoŋ de Luaŋdït. Ëtɛ̈ɛ̈n go luät Luaŋdït thiɔ̈ɔ̈ŋ yic, ku jɔ kal yic riau në mac.

Edhekiɛl 34:23

Abä ke gäm melik cït awundiën Debid bï ya tïndɛn tök, ku abï ke gël.

Edhekiɛl 43:2

ku ëtɛ̈ɛ̈n guɔ ɣɛɛr dhuëëŋ de Nhialic de Yithriɛl tïŋ ke bɔ̈ në biäk të lɔ aköl amiäk. Awuööu de bɛ̈nde acït pïïu juëc, ku jɔ piny riau në dhuëëŋde.

Danyel 9:17

Nhialic jɔ lɔ̈ŋdï kekë cɔ̈tdï piŋ. Tɔ tëduön ɣeric de Bɛ̈nydït wään cï riɔ̈ɔ̈k be tɔ yïk, tɔ be ë yïk ago ë raan ëbɛ̈n ŋic nɔn ee yïn Nhialic.

Jɔn 10:14

Yɛn ee tïn piɛth, tïn ë thök, ku ŋiɛc kakï, ku yɛn ŋic kakï, acït man ŋic ë Wäär yɛn, ku ŋiɛc Wäär, ku yɛn ee wëikï gaam në baŋ de thök.

Nyöŋ 33:2

Bɛ̈nydït aa bɔ̈ në kuur de Thinai nɔm, aa jöt cït man ë akɔ̈l në Edom, go kɔcke riaau në kuur de Paran nɔm. Aa cath kekë aguum ke tuucnhial ɣeriic, ku muk many dɛ̈p në ciin cuënyde.

Ɣeberuu 13:20

Thieithieei Nhialiny de mät cï Bɛ̈nydan Yecu jat nhial në kɔc cï thouwiic. Ku Yecu acï ya tïndïït ë thök, ku riɛmde yen aa looiyë löŋ cï mac athɛɛr në biäk ë thökke. Yɛn läŋ Nhialic bï week miɔɔc në kapiɛth kaarkï, bï këde piɔ̈nde looi apiɛth ëbɛ̈n, ago Yecu wo kuɔny bï këmit ë Nhialic piɔ̈u tɔ loi në woyiic. Ëdhuëëŋ ëye tɔ̈u kekë Yecu Kërtho aɣet athɛɛr ya Amiin.

1 Pet 2:25

Wään wek ë cït thök ee tai, ku ënɔɔnë we cï wenïïm pɔ̈k Tïndun Raan ee wëikun tiit.

1 Pet 5:4

Na ëlëmiäk të cï Tïndïït ë Thök tuöl, Tïn nu ë tïït nïïm, ke we bï göl ë dhuëëŋ yök göl cïï bï biɔɔr anande.

Nyuuth 21:23

Ku pänydït acïï akɔ̈l ee kɔɔr, ayï pɛɛi, lek ruɛl thïn: dhuëëŋ de Nhialic yen aaye pinyde riaau, ku nyɔŋamääl yen aye maanyde.

1 Tham 4:4

Agokï kɔc tuɔɔc Cilo lek athänduŋ de män ë Bɛ̈nydït de rɛm nu në kɛm ke cerubiim lɔ bɛ̈ɛ̈i. Ago wɛ̈ɛ̈t ke Eli yï Ɣopni kekë Pineɣath lɔ në athänduŋ de män ë Nhialic.