Diɛt 79:4 - JAM DE NHIALIC 2011

⁴ Juöör thiääk në wook ayek wook läät, abiɔnkï wook ku yek wook dɔl gup.

Diɛt 79:4 ပူးပေါင်းရင်းမြစ်များ

1 Mel 9:7

ku Yɛn bï kɔc ke Yithriɛl nyaai piny wään cä gäm keek, ku Yɛn bï ë Luaŋdïïtë pɔ̈l, Luaŋdïït cä tɔ ɣeric ke ye të bïï Ya aa lɔ̈ŋ thïn. Ku Yithriɛl abï aa kääŋ tëde raan ëbɛ̈n, ku abïï yɔŋ.

Neɣe 1:3

Acïk bɛ̈n lɛ̈k ɛn an, kɔc wään cï döŋ apïr ɣɔn kënë peec, atɔ̈ukï në guöm dïtic, ku ye juöör rɛ̈ɛ̈r në kelɔ̈m ke dhɔɔt gup, ku kal ë pänydïït de Jeruthalem aŋoot ke tɔ̈u piny, ke cï riääk ku athïïn ke yen thok akënë ke tääu ëcaŋɣɔn nyopë keek.

Neɣe 2:19

Ku na wën aa cï Thanbalat ku Tobia raan de Ammon, ku raan de Arab cɔl Gecem kë kɔɔrku buk looi piŋ, agokï wo dɔl gup luelkï an, “Ee känŋö yak tak kë kaarkï bäk looi? Kaarkï bäk melik rɛɛc thok?”

Diɛt 80:6

Yïn cï juöör kɔ̈k thiääk ke wook tɔ tëër pinyda, kɔc ke aterda ayek wook läät.

Diɛt 89:41

Kɔc ee tɛ̈ɛ̈k ëtɛ̈ɛ̈n ëbɛ̈n ayek kake kual, ku kɔc thiääk në yen ëbɛ̈n ayek yen dɔl guöp.

Yith 43:28

ku jɔ bänykun tëdiën ɣeric tɔ rac, yen ayiɛ̈n Ɛn riääk Yithriɛl, Yɛn cï kɔckï tɔ lɛ̈ɛ̈të.”

Jeremia 24:9

Yɛn bï riääk dït bɛ̈ɛ̈i në kegup, ka juöör ke pinynɔm kedhie abïk riɔ̈ɔ̈c. Abïï kɔc ke biɔɔn gup, ku dɔl kɔc ke gup, ku bui keek gup, ku rinken abïï keek tɔ ee këde aciɛɛn në piny nɔm ëbɛ̈n, piny bän keek thiäi thïn.

Jeremia 25:18

Go Jeruthalem ku pɛ̈ɛ̈nydït ke Juda kedhie, ëtök në meliiken ku bänyken, gokï dek ë yeyic, agokï aa jɔ̈ɔ̈r, të rɛɛc ee kɔc tɔ gäi ë tïŋ, ku bï kɔc rin ke tɔ ee kë de aciɛɛn cït man ye kek ŋoot ke loikï.

Jeremia 42:18

“Acïï Bɛ̈nydït de rɛm, Nhialic de Yithriɛl lueel an, ‘Cït man cï agönhdiën tuc wäl ë kɔc ke Jeruthalem gup, yen abï agönhdiën tuc wäl ë wegup aya të la wek lɔ lɔ Rip. We bï aa kɔc ye kɔc riɔ̈ɔ̈c të tïŋ ë we, kɔc abïk we aa luööi në abiaan, ku ye rinkun tɔ aa ciɛɛn. Wek cïï ee tënë bï bɛ tïŋ taitai.’ ”

Jeremia 51:51

Ayak lueel an, ‘Wok cï yɔ̈ɔ̈r, ku tɔ wo yäär gup, wok ee röt yök ke wo cïn kony taitai, në biäk cï alɛi ɣään ɣer yiic nööm ë Luaŋdït yic.’

Dhiëëu 1:11

Kɔc ke Jeruthalem ayek teer ke ke kɔɔr kë bïk cam. Ayek wëuken waar në këcam bï ke muk apïïr. Pänydït ee cööt, an, “Bɛ̈nydït, tïŋ ɛn, woi ɛn në nuandï yic.

Dhiëëu 5:1

Bɛ̈nydït, tak kë cï rɔt luöi wook. Woi wook, ku tïŋ ayärda.

Edhekiɛl 22:5

Juöör thiɔ̈k ku juöör mec ayek week dɔl gup në biäk cä wek löŋ ee kuany yiic.

Edhekiɛl 35:12

Ku ëtɛ̈ɛ̈n abäk jɔ ŋic nɔn ee Yɛn Bɛ̈nydït Awärjäŋ, raan cï ye piŋ ke yak lueel në agɔ̈th an cï kur ke Yithriɛl pɔ̈l ku yek kakuön bäk cam.

Edhekiɛl 36:15

Piny acïï bï bɛ ŋoot ke piŋ ka lueel juöör dɔl kek yeguöp ku nɔn buikï guöp. Piny acïï bï bɛ ŋoot ke rum jur në mïthke. Acä lueel, Yɛn Bɛ̈nydït Awärjäŋ.”

Edhekiɛl 36:3

“Cäärë, ëtɛ̈ɛ̈n, ku caalë kë luɛɛl Yɛn Bɛ̈nydït Awärjäŋ. Të le juöör thiɔ̈k we peec ku rumkï kur ke Yithriɛl, keek kedhie acïk Yithriɛl läät.

Danyel 9:16

Yïn cï wook kony wään tueŋ, ku du piɔ̈u be diu wekë Jeruthalem. Ee pänydïïtdu, kuurduön ɣeric. Ee pänydïïtdu, kuurduön ɣeric. Kɔc kedhie kɔc ke wuöt thiääk ë wook, ayek Jeruthalem biɔɔn guöp, ku biɔnkï kɔcku gup, në biäk de karɛckuɔ, ku në biäk de luɔi rɛɛc cïï kuarkuɔ looi.

Dhep 3:18

abï ciët miɛtëpiɔ̈u de kɔc nu ë dhuëëŋic. Aye Bɛ̈nydït lueel an, “Yɛn ë riɔ̈ɔ̈c de thuɔɔu tɔ kääc, ku nyaai ayärdun.

Dhek 8:13

Cït man cä wek kɔn aa kɔc ke aciɛɛn në juööriic baai de Juda wekë baai de Yithriɛl, wek bä bɛ kony ku ta we ye athiɛɛi. Riɛtkï wepiɔ̈ɔ̈th, duökï riɔ̈c.

Nyöŋ 28:37

Në ee wuöt bïï Bɛ̈nydït week lɔ thiäi piny thïn, kɔc abïk aa gäi në kë cï rɔt luöi week, we bïï ë kääŋ aa yup, abïk we dɔl gup ku buikï we gup.