Diɛt 79:12 - JAM DE NHIALIC 2011

¹² Bɛ̈nydït riɔp juöör kɔ̈kë raandhorou, në biäk de lɛ̈ɛ̈t kedhie, lɛ̈ɛ̈t cï kek Yïn läät.

Diɛt 79:12 ပူးပေါင်းရင်းမြစ်များ

Cäk 4:15

Go Bɛ̈nydït puɔ̈k nɔm en an, “Ei, acie yeka. Të le raan yï nɔ̈k, ke kɔc kadhorou abï ke nɔ̈k guurë ke yïn.” Ku tɛ̈ɛ̈u ë Bɛ̈nydït kït në Kain nyin, kïn bï kɔc aa lɛ̈k ke ke cï ye bï nɔ̈k.

Diɛt 44:16

kɔ̈k ayek wo geet gup ku lɛ̈ɛ̈tkï wo, të tïŋ kek kɔc ke aterda ke ke guur röt në wook.

Diɛt 74:10

Ee run kadï Bɛ̈nydït yen bïï kɔc ke ater Yïn aa dɔl gup? Bïk rinku ya läät aɣet athɛɛr?

Diɛt 89:52

Pianykï Bɛ̈nydït aɣet athɛɛr! Amiin! Amiin!

Kɛ̈ŋ 6:31

Na cï dɔm ee kë cï kual cool nɔm raan dhorou, kake aye acuut ke jɔt ëbɛ̈n.

Jeremia 32:18

Yïn cï nhiëërduön agɔk nyuöth aguum ke kɔc, ku yïn ee kɔc luöi këtuc aya në biäk de awɛ̈ɛ̈c ke wärken. Yïn dït ku ye Nhialic ril, Yïn ee Bɛ̈nydït de rɛm.

Edhekiɛl 35:12

Ku ëtɛ̈ɛ̈n abäk jɔ ŋic nɔn ee Yɛn Bɛ̈nydït Awärjäŋ, raan cï ye piŋ ke yak lueel në agɔ̈th an cï kur ke Yithriɛl pɔ̈l ku yek kakuön bäk cam.

Edhekiɛl 36:7

Yɛn Bɛ̈nydït Awärjäŋ yɛn cï kuëëŋ an juöör thiɔ̈k në week abïk nuan ë yaaŋ.

Lebai 26:21

“Ku na lak ŋoot ke we loi ater në yɛn, ku cäkï jamdï piŋ. Yɛn bï nuɛɛnkun ŋuak nyïïn raan dhorou ku nɔm. Cït man ë kë röŋ kekë karɛckun.

Lebai 26:28

ëtɛ̈ɛ̈n në agönhdï, Yɛn bï ater luöi week, ku bɛ we luöi këtuc thok aläl raandhorou awär këtueŋ ë biäk de karɛckun.

Luk 6:38

Yak miööc, ke we bï aa miɔɔc, we bïï kɔc yiëk yöth käŋ në kë cï thiäŋ, ku cï cook, ku cï yiek, abï nɔm lɔ wei. Thëm thëm wek kɔc käŋ yen abï kɔc bɛ thëm week aya.”