Diɛt 78:6 - JAM DE NHIALIC 2011

⁶ ago rem bï bɛ bɛ̈n keek ŋic, ku bïk keek bɛ lɛ̈k mïthken.

Diɛt 78:6 ပူးပေါင်းရင်းမြစ်များ

Ethta 9:28

an bïk kenïïm dhil aa tak në aköölkë, ku bïk mukic në rɛm ëbɛ̈n, ku dhiën ëbɛ̈n, ku wuöt ëbɛ̈n, ku bɛ̈i ëbɛ̈n, kek akööl kaarou ke Purim, acïkï ke duëër kɔn tɔ mär kek kɔc ke Judai, ku täŋ ye kek kenïïm tak në keek kek aköölkë, acïï duëër kɔn thök tëde mïth ke mïthken.

Diɛt 102:18

Gäärkï kë cïï Bɛ̈nydït looi piny në biäk de rem bï lɔ̈ɔ̈k bɛ̈n ciëën, ago kɔc ŋoot ke ke kënë kɔn dhiëëth ye leec.

Diɛt 145:4

Kë cï looi abïï aa leec ë rem tɔ̈u ënɔɔnë ayï rɛm bï lɔ̈ɔ̈k bɛ̈n, abïk kadït cï looi aa luɛɛl.

Diɛt 22:31

Kɔc ŋoot ke ke kënë dhiëëth abïk kë cïï Nhialic looi piŋ an: “Bɛ̈nydït ee kɔcke kony.”

Diɛt 48:13

Tïŋ täu de kɛ̈l ke pänydït kekë ɣään cï gël, aguɔkï lɛ̈k rɛm kɔ̈k bï lɔ̈ɔ̈k bɛ̈n:

Diɛt 71:18

Ënɔɔnë yɛn cï dhiɔp ku yɛn cï nɔm lou, du ya nyiëëŋ piny Nhialic! Rɛ̈ɛ̈rë we yɛn të luɛɛl ɛn riɛldu kekë dhuëëŋdu, lëk rɛm bï lɔ̈ɔ̈k bɛ̈n kedhie.

Diɛt 90:16

Tɔ awuutku tïŋ luɔiduön dït, tɔ kuatda tïŋ dït de dhuëëŋdu.

Bɛ̈n 10:2

Gök ke gäi abä keek looi, ke bäk lɔ̈ɔ̈k aa lɛ̈ŋ mïthkun, ku mïth ke mïthkun, nɔn cän kɔc ke Rip leeŋ wëi. Abäk jɔ ŋic wedhie nɔn Yan Bɛ̈nydït.”

Jowɛl 1:3

Lɛ̈kkï mïthkun, ku takï lëk ë mïthkun mïthken, ku takï lëk ë mïth ke mïthken rem bï lɔ̈ɔ̈k bɛ̈n.

Nyöŋ 4:10

Abäk keek lɛ̈k kööl ë kääc wek ë Bɛ̈nydït Nhialicdun nɔm ë kuur ë Thinai nɔm, wään yɔ̈ɔ̈k En yɛn an, ‘Kut kɔc nïïm. Akaar bïk kë bä lɛ̈k keek piŋ, agokï piööc në riëëu bï kek Yɛn aa riëëu ë pïïrdenic, ku agokï mïthken aa wɛ̈ɛ̈t bïk yɛn aa riëëu.’