Diɛt 78:5 - JAM DE NHIALIC 2011

⁵ Acï lööŋ gäm kɔc ke Yithriɛl, ku mɛc löŋ ke kuat de Jakop. Acï kuarkuɔ yɔ̈ɔ̈k an, bïk mïthken wɛ̈ɛ̈t në lööŋke,

Diɛt 78:5 ပူးပေါင်းရင်းမြစ်များ

Cäk 18:19

Ei, në luɔi cän e lɔc nɔn bï yen mïthke yɔ̈ɔ̈k, ku yöök baaide, luɔi bï kek kueer ë Bɛ̈nydït lɔ̈ɔ̈k döt në yecök. Në luɔi bï kek kake piathëpiɔ̈u aa looi, ku loikï yith ë cieŋ. Ke Bɛ̈nydït ë bï Abraɣam yiɛ̈n kë cï thɔ̈n en.”

Diɛt 119:152

Yɛn cï piööc në wëëtdu ɣɔn thɛɛr, ku acï keek looi ke ke bï tɔ̈u aɣet athɛɛr.

Diɛt 147:19

Ee jamde lɛ̈k Jakop, ku lëk guiɛɛrde ku lööŋke Yithriɛl.

Diɛt 19:7

Löŋ de Bɛ̈nydït acï dikëdik, ee kɔc kɔ̈c bɛ tɔ ril. Yöök de Bɛ̈nydït alɔ gɔk, ee kɔc cïn nïïm tɔ pel nïïm.

Diɛt 81:5

Aa gëm kɔc ke Yithriɛl, wään mɛk En piny de Rip.

Bɛ̈n 12:27

Ke lɛ̈kkï keek an, ‘Ee miɔ̈c ë Winythok ye wok Bɛ̈nydït door, në baŋ cï En ɣöötkuɔ winythook ɣɔn piny ë Rip, ku pɛ̈l wook, ku nɛ̈k kɔc ke Rip.’ ” Go kɔc ke Yithriɛl kemiöl tuk ku lɛ̈ŋkï.

Bɛ̈n 25:16

Ku tääukï pam ke kuur kaarou bä ke gäm yïn në athändukic, pam cïï ë lööŋ gɔ̈ɔ̈r në kekɔ̈ɔ̈th.

Bɛ̈n 25:21

Tääuwë paam ke kuur kaarou athändukic thïn, ku kum nɔm në akum.

Bɛ̈n 40:20

Ku jɔ kur cï gɔ̈ɔ̈r kɔ̈ɔ̈th kaarou tääu në athänduŋ de mätic. Ku rïïu akum në athänduk nɔm.

Bɛ̈n 40:3

Ku tääuwë athänduŋ de mät thïn ke de yic lööŋ kathiëër. Ku gël në lupɔ.

Yith 38:19

Ee kɔc pïïr kek aye yïn leec, cït man lɛɛc ɛn Yïn ënɔɔnë. Wärken ke mïth ku märken ke mïth, ayek mïthken lɛ̈k piɔ̈nduön adöt.

Yith 8:20

Ku abä lɛ̈k keek an, “Piɛŋkï kë wëët ë Bɛ̈nydït week! Duökï jam de tït ee piŋ, kë yek lɛ̈k week acïkï nuɛɛn duëër nyaai.”

Romai 3:2

Piathden adït në cök ëbɛ̈n. Ku cöök dït, kï, tɛ̈ɛ̈u cï wël ke Nhialic tääu ë Judai cin.

Epethiei 6:4

Ku week, wek wärken ë mïth, duökï mïthkun ë cool ë juöt wek ke gup, abïk gɔ̈th, ku yak ke muk ë muŋ de Bɛ̈nydït ayï wëëtde.

Nyöŋ 11:19

Wɛ̈ɛ̈tkï mïthkun në keek. Yak jam në biäkden të täu wek baai, ayï të liɛɛu wek baai, ayï të läŋ wek, ayï të luööi wek.

Nyöŋ 31:13

Ku mïthkun kuc ee löŋë abïk dhil piŋ ku wëëtkï ë luɔi bï kek aa riɔ̈ɔ̈c ë Bɛ̈nydït Nhialicdun në akööl bä wek ke rëër piny bä wek lɔ thïn ë Jordan nɔm lɔɔk.

Nyöŋ 32:46

Go lueel, an, “Luɔikï apiɛth luɔi bä wek lööŋ ke Bɛ̈nydït riëëu kedhie kek lööŋ gäm ke week ëköölë. Yak ke nyɔ̈kiic mïthkun, agokï wëët de Nhialic ëbɛ̈n döt ku rïïukï.

Nyöŋ 4:45

Kakë ayek wëët ku lööŋ ku cök ke piööc, ë gëmë Mothe keek mïth ke Yithriɛl, wään bï kek bɛ̈n bei ë Rip.

Nyöŋ 6:7

Wɛ̈ɛ̈tkï mïthkun në keek, yakï ke nyɔ̈ɔ̈kiic të rɛ̈ɛ̈r wek baai ayï të rɛ̈ɛ̈r wek tëmec ayï të cä wek lɔ̈ŋ ayï të luööi wek.