Diɛt 78:15 - JAM DE NHIALIC 2011

¹⁵ Acï kuur rɛɛtic piny ë jɔ̈ɔ̈ric, ku gëm keek pïïu në kolic.

Diɛt 78:15 ပူးပေါင်းရင်းမြစ်များ

Diɛt 105:41

Ku liep kur yiic, go pïïu dhuŋ bei, ku jɔkï wat ë jɔ̈ɔ̈r yic cït man ë kiir.

Diɛt 114:8

raan ee kur puk ke ke ye awuöl de pïïu ku puk kuur ril ke ye nyin de pïïu ee wat.

Bɛ̈n 17:6

Yɛn bï lɔ kɔ̈ɔ̈c në yïnɔm në kuur ë Thinai. Lɔ tɔŋ kuur kɔ̈u, ku pïïu abïk bɛ̈n bei thïn në yeyic, ke kɔc ë ke bï dek.” Go Mothe looi aya në röördït ke Yithriɛl nïïm.

Yith 41:18

Yɛn bï kiɛɛr tɔ tëk në kɛm ke kur kor cïn ka ye cil thïn ku nyïïn ke pïïu tëk në wëk yiic. Yɛn bï jɔ̈ɔ̈r puk ke ye awuul ke pïïu ku pɔ̈k piny cï riɛl ke ye nyïïn ke pïïu.

Yith 43:20

Ayï läi roor abïk A dhuëëŋ guöp, kɔ̈ɔ̈rgɔl ku wuut abïk A piɔɔny, të le Yɛn kiɛɛr tɔ wat ë jɔ̈ɔ̈r yic, ke ya gëm kɔckiën cä lɔc pïïu.

Yith 48:21

Wään bïï ë Bɛ̈nydït kɔcke tëëk të tuc, ë jɔ̈ɔ̈ric, akënkï bɛ̈n nuan në rou. Acï pïïu bɛ̈n tɔ bɔ̈ bei në kuuric në biäkden, acï kuur bɛ̈n pakic abïï ɣɔ̈ɔ̈r, ku jɔ pïïu wɛ̈t bei.

Kuɛ̈n 20:11

Go Mothe thieec yɔɔk ku yum en kuur kɔ̈u raan rou, go pïïu juëc lɛ̈u. Go akutnɔm de kɔc dek kedhie ku dëk këriëëcden ëbɛ̈n.

1 Kor 10:4

ku aake ye dek ë pïïu töŋë pïïu ke wëi: kuur ë wëiyë kuur ë ke kuany cök yen aaye kek dek ë ye: ku kuurë yen aye Kërtho.

Nyuuth 22:1

Na wën, ke tunynhial nyuth ɛn kiir ë pïïu ke pïïr, kiir ee pïïuke lɔ kïr cït man ë kuruthalo, ke bɔ̈ bei ë thöönydïtic thöönydïït ë Nhialic kekë Nyɔŋamääl, tëëk ë kueerdeyic cil.

Nyuuth 22:17

Wëidït ku Nyɔŋamääl aluelkï, an, “Bä!” Ku raan pïŋ, ë lueel, an, “Bä!” Ku raan cï yal, ë bɔ̈, ayï raan de piɔ̈u keek, ë nöm pïïu ke pïïr youyou.