Diɛt 74:15 - JAM DE NHIALIC 2011

¹⁵ Yïn cï nyïïn ku liil tɔ de yic kuëër, ku tɔ kiɛɛrdït ril.

Diɛt 74:15 ပူးပေါင်းရင်းမြစ်များ

2 Mel 2:14

Go lupɔ wën cï lööny piny tëde Elija nööm ku be en pïïu yup yiic, ku lueel an, “Nu ënou ënɔɔnë yen Bɛ̈nydït Nhialic de Elija.” Go pïïu keyiic tek në rou, go Elica tëëk ke lɔ lɔŋ tui.

2 Mel 2:8

Na wën, ke Elija ë nöm lupɔde, ku dolic, ku jɔ pïïu yup yiic, ago pïïu keyiic tek tɛ̈n ku tɛ̈n, ago Elija kekë Elica tem kaarou tëkkï tëril.

Diɛt 105:41

Ku liep kur yiic, go pïïu dhuŋ bei, ku jɔkï wat ë jɔ̈ɔ̈r yic cït man ë kiir.

Diɛt 114:3

Ago Wɛ̈ɛ̈r Thith woi ku kɔt, ku kääc wɛ̈ɛ̈r de Jordan ke cïï be wat.

Diɛt 78:15

Acï kuur rɛɛtic piny ë jɔ̈ɔ̈ric, ku gëm keek pïïu në kolic.

Yith 11:16

Abï dɛ kueer dït ee jäl në Athiriya, bïï kɔckɛn ke Yithriɛl cï döŋ apïïr ëtɛ̈ɛ̈n tëëk ke ke bɔ̈, cït man ɣɔn de yen kueer ë bïï kuarken bei paan ë Rip.

Yith 44:27

Në wɛ̈t de yöök, Yɛn cï Abäpdit tɔ dëu.

Yith 48:21

Wään bïï ë Bɛ̈nydït kɔcke tëëk të tuc, ë jɔ̈ɔ̈ric, akënkï bɛ̈n nuan në rou. Acï pïïu bɛ̈n tɔ bɔ̈ bei në kuuric në biäkden, acï kuur bɛ̈n pakic abïï ɣɔ̈ɔ̈r, ku jɔ pïïu wɛ̈t bei.

Ɣabakuk 3:9

Yïn ë wiɛth ke dhaŋdu coc, ke kɔɔr bä kaku mɔc. Wildu abï piny ɣaar yic ku looi wɛ̈ɛ̈r

Kuɛ̈n 20:11

Go Mothe thieec yɔɔk ku yum en kuur kɔ̈u raan rou, go pïïu juëc lɛ̈u. Go akutnɔm de kɔc dek kedhie ku dëk këriëëcden ëbɛ̈n.

Jocua 2:10

Acuk piŋ luɔi ë cïï Bɛ̈nydït Abäpdit thith tɔ dëu, ɣɔn jäl wek ë Rip. Ku acuk piŋ ayadäŋ, luɔi cä wek meliik ke Amor riɔ̈ɔ̈k kaarou taitai, yï Thiɣon kekë Og, në wɛ̈ɛ̈r de Jordan kɔ̈u baŋ të lɔ aköl amiäk.

Nyuuth 16:12

Ku luuŋ dhetemden gulde ë wɛ̈ɛ̈r ë Yuparatic, go pïïuke dëu, ke kueer bï luöi meliik bɔ̈ të lɔ aköl amiäk.