Diɛt 73:27 - JAM DE NHIALIC 2011

²⁷ Kɔc ee Yïn nyääŋ piny abïk thou ë yic, Yïn bï kɔc cïn adöt tëde Yïn riɔ̈ɔ̈k.

Diɛt 73:27 ပူးပေါင်းရင်းမြစ်များ

1 Lëk 10:13

Thaulo acï thou në biäk cïï yen piɔ̈u adöt tëde Bɛ̈nydït. Akën lööŋ ke Bɛ̈nydït riëëu, aaye kɔɔr bïï käŋ ŋic në luɔi yen jam ke tït ke yiëth,

Ethta 9:30

Awerek gɛ̈ɛ̈rë Judai nu wuöt ka bɔt ku thiërrou ku dhorou tɔ̈u ë bääny de Melik Athuwereth yic, ajiëëm keek në mät ku rëër adïu,

Diɛt 106:39

Keek acïk kegup tɔ rac ë biäk de luɔiden, ku cïnkï piɔ̈ɔ̈th adöt tëde Nhialic.

Diɛt 119:155

Kɔc ee kërac looi acïï keek bïï kony wëi, në biäk cïï kek lööŋku ee riëëu.

Bɛ̈n 34:15

Duökï mät loi në kɔc de pinyë, ke ke cïï week bï cɔɔl në kööl lɛm kek yiëth, ayï kööl miɔɔc kek yiëth. Ke we cïï röt bï mat thïn, ku bäk piɔ̈ɔ̈th dɛ cäm de kacaam cïk näk yiëth.

Yith 29:13

Acï Bɛ̈nydït lueel an, “Kɔckë ayek röt tɔ ye kɔc lam ɛn, ku jamden ee ɣɔ̈ric, ku piɔ̈ɔ̈thken anukï tëdäŋ pei. Ka yek theek ee lööŋ ke kɔc tei, ku ciɛɛŋ thɛɛr, ka cïk keek tääu ë kenïïm.

Jeremia 12:2

Aye keek com, ku ayek ɣet piny, ayek luɔk, ku dhiëthkï mïth. Ayek jam apiɛth ë biäkdu, ku acïkï Yïn ee riëëu guöp ëyic.

Jeremia 17:13

Bɛ̈nydït yïn aye aŋäth de Yithriɛl, kɔc cï yïn rɛɛc kedhie abïï keek tɔ yäär. Abïk määr cï rin cï gɔ̈ɔ̈r ë abuui yic, kɔc cï lɔ paan ë thuɔɔu, në biäk cï kek Yïn pɔ̈l, Yïn Bɛ̈nydït, Yïn awaŋ de pïïu piɛth.

Kuɛ̈n 15:39

Yen ee buɔnë yen abï week aa täk nïïm në lööŋkï, ku dɔ̈tkï keek. Yen acä wek Ɛn bï puɔ̈l ku luɔikï këde piɔ̈ndun.

Epethiei 2:13

Ku ënɔɔnë në Kërtho Yecu yic, wek kɔc wään nu tëmec, we cï bɛ̈ɛ̈i tëthiɔ̈k në riɛm de Kërtho.

Epethiei 2:17

Na wën, ke bɔ̈, bï jam de mät bɛ̈n guiëër week, wek kɔc ë nu tëmec, ku guïïr kɔc ë nu tëthiɔ̈k aya:

Jakop 4:4

Wek röör akɔɔrdiäär ku diëër akɔɔrröör, kuöckï määth ë ka ke pinynɔm nɔn ee yen ater lueel kekë Nhialic? Yen na de raan kɔɔr nɔn bï en määth kekë ka ke piny nɔm, ka ye rɔt tɔ ye raan de ater kekë Nhialic.