Diɛt 73:26 - JAM DE NHIALIC 2011

²⁶ Nɔmdï, kekë guöpdï aduëërkï kɔ̈c, ku Nhialic ee riɛldï, ee yen ya kɔɔr aläl.

Diɛt 73:26 ပူးပေါင်းရင်းမြစ်များ

Jop 13:15

Të ciɛk ë Nhialic a nɔ̈k ku ciën nɔm aŋäth, ke yɛn ŋoot ke ya kääc ke ya gööny në Yenɔm.

Diɛt 119:57

Ee Yïn akaar yïtök Bɛ̈nydït, yɛn cï gutguut lueel bä lööŋku riëëu.

Diɛt 138:3

Yïn cï lɔ̈ŋdï piŋ wään caal yɛn Yïn, në riɛldu yïn cï yɛn bɛ̈n të ril ayadäŋ.

Diɛt 142:5

Bɛ̈nydït, yɛn dhiëëu kuɔɔny tëde yïn, Bɛ̈nydït ee yïn ee ya gël, ee yïn akaar në pïïrdï yic.

Diɛt 18:2

Bɛ̈nydït yen aye kuurdï, Yen aye ya gël, ku raan ee yɛn luök, ku ye Nhialicdï, ku kuurdiën de thiaan. Ku Nhialic ee köndï, ku ye tuuŋ de kuɔɔnydï, ku ye tëdiën de riɛl.

Diɛt 27:14

Tit kuɔɔny de Bɛ̈nydït. Rit yïpiɔ̈u ku tɔ rɔt ril, ku tit kuɔɔny de Bɛ̈nydït.

Diɛt 40:12

Yɛn cïï ë nuɛɛn juëc gɛɛu cil, nuɛɛn juëc cïï duëërë lëu ë kuɛ̈n! Yɛn cïï awɛ̈ɛ̈ckï gïth, ka yɛn cïï daai ee bɛ lëu, ajuëckï awärkï nhïm ke yanɔm, ku yɛn cï piɔ̈u ŋɛɛr.

Diɛt 63:1

Nhialic, Yïn ee Nhialicdï, Yïn kaar. Guöpdï ëbɛ̈n akɔɔr Yïn, yɛn cï yal në Yïn cït man ë piny ril cïn yic pïïu, piɔ̈ndï ë yal në Yïn.

Diɛt 84:2

Anhiaar adï ja tɔ̈u ëtɛ̈ɛ̈n! Akaar bä rëër në ɣön de Bɛ̈nydït. Në piɔ̈ndï ëbɛ̈n yɛn bï Nhialic pïïr, piɔɔny në diɛt ke miɛtëpiɔ̈u.

Dhiëëu 3:24

Bɛ̈nydït ee yen ee biäkdï, ka yɛn bï aŋäthdï tääu në yeguöp.

Pilipoi 1:21

Ku tëde yɛn, pïïr piëër ɛn ee Kërtho, ku thon thuɔu ɛn ee këmit bä yök.

2 Pet 1:14

Në ŋïny ŋiɛc ɛn en, an, kööl bän dhil pɔ̈k wokë guöpdï ë guɔ thiɔ̈k, cït man cï Bɛ̈nydan Yecu Kërtho e nyuöth ɛn.

Nyuuth 21:7

Raan ë tiam abï käŋ lɔ̈ɔ̈k lak kedhie, ku yɛn bï aa Nhialicde, ku abï aa wëndï.