Diɛt 73:23 - JAM DE NHIALIC 2011

²³ Ku ŋuɔɔt ke ya rɛ̈ɛ̈r ke ya thiääk wokë Yïn, ku Yïn ee yɛn muk ciin.

Diɛt 73:23 ပူးပေါင်းရင်းမြစ်များ

Cäk 17:1

Ɣɔn cï run ke Abram aa thiërdhoŋuan ku dhoŋuan, ke Nhialic Awärjäŋ ë tul tëde yen, ku lëk en an, “Yɛn ee Nhialic Awärjäŋ lëu këriëëc ëbɛ̈n, ye kë cä lɛ̈k yïn piŋ, ku ye yic looi ë cieŋ.

Diɛt 139:18

Të kuɛɛn yɛn keek, ajuëckï awärkï liɛɛt. Na jat rɔt, ke Yï yɔ̈k ke Yï tɔ̈u we yɛn.

Diɛt 16:8

Yɛn ee luɔi tɔ̈u ë Bɛ̈nydït ke yɛn ë ceŋ ŋic, Yen atɔ̈u ë yalɔ̈ɔ̈m, ka acïn kë duëër ɛn jak.

Diɛt 23:4

Na ya cak cath në wak de mɔ̈ɔ̈th dïït lɔcɔ̈t yic, yɛn cie riɔ̈ɔ̈c në kërac, në luɔi tɔ̈u ë Bɛ̈nydït ke yɛn. Thienydu ku waidu ayek ɛn tɔ mit piɔ̈u.

Diɛt 37:17

në biäk bïï ë Bɛ̈nydït riɛl de kɔc rac dhoŋ kɔ̈u, ku abï kɔc piɛthpiɔ̈ɔ̈th kony.

Diɛt 37:24

Na cakaa kɔ̈thkï acïkï bï wïïk, në luɔi muk ë Bɛ̈nydït kecin.

Diɛt 63:8

Yɛn cï rɔt nöök ë Yïn, ku ciindu ee yɛn muk aril.

Yith 41:10

Duökï riɔ̈c, Yɛn tɔ̈u wo week! Yɛn ee Nhialicdun, në cïn kë riääc wek! Wek bä ke tɔ ye kɔc ril ku kuɔny week, wek bä ke gël, ku kuɔny week.

Yith 41:13

Yɛn ee Bɛ̈nydït Nhialicdun, wek bä tɔ ril, ku yɔ̈ɔ̈k week an, ‘Duökï bï riɔ̈ɔ̈c, wek bä ke kony.’”

Yith 42:1

Aye Bɛ̈nydït lueel an, “Awundï kï, raan cä gäm riɛl raan cä lɔc, raan miɛt ɛn piɔ̈u wo yen, acä thiɔ̈ɔ̈ŋ në wëikï, ku abï löŋ ŋiëc guiëër juöör ëbɛ̈n.

Math 1:23

“Tiëŋkï, dhueny kën kɔn yök kekë moc abï meth yök, ago mɛwä dhiëëth, ku abïk meth cäk rin, an, Emanwɛl, (të pukë yen ë thoŋda, yen aye, “Nhialic ee tɔ̈u kekë wook”).

Math 28:20

ku yak keek wɛ̈ɛ̈t, bïk käŋ aa döt kedhie ka cä thɔ̈n week, ku ya kï, yɛn ee cool ë tɔ̈u wo week ë aköölnyïïn kedhie, aɣët thök bï piny thök. Amiin.

Ɣeberuu 13:5

Duökï piɔ̈ɔ̈th ee dït në nhiëër ë kajuëc kaarkï, yak piɔ̈ɔ̈th miɛt në ka tɔ̈u në week. Në luɔi cïï Nhialic e lueel an, “Yïn cä bï nyääŋ piny aya ku yïn cä bï kɔn pɔ̈l anandï.”