Diɛt 72:18 - JAM DE NHIALIC 2011

¹⁸ Pianykï Bɛ̈nydït, Nhialic de Yithriɛl! Ee Yen Yetök Yen ë kake gäiyë looi.

Diɛt 72:18 ပူးပေါင်းရင်းမြစ်များ

1 Lëk 29:10

Ëtɛ̈ɛ̈n Debid ë Bɛ̈nydït bɛ̈n leec ke amatnɔm ë tɔ̈u thïn ëbɛ̈n, ku lueel an, “Thieithieei në Yïn Bɛ̈nydït, Nhialic de kuɛɛrëda Jakop, Yïn bï aa leec aɣet athɛɛr!

1 Lëk 29:20

Na wën ke Debid ë jɔ amatnɔm ëbɛ̈n yɔ̈ɔ̈k an, “Lɛ̈kkï Bɛ̈nydït Nhialicdun thieithieei!” Ago amatnɔm ëbɛ̈n Bɛ̈nydït Nhialic de kuarken lɛc nɔm, ku jɔkï kenïïm guöt piny, në riëëu rïïu kek Bɛ̈nydït ku melik aya.

Jop 5:9

Yen Raan ee ka gɛ̈iyë ke looi, ka cïï duëërë lëu në yöŋë yic, ku kapiɛth gɛ̈iyë ke cuku ke duëër lëu në kuɛ̈n.

Jop 9:10

Ee kadït gɛ̈ɛ̈iyë ke looi, ka cïï raan ke duëër yökiic, ku cïke lëu në kuën.

Diɛt 106:48

Pianykï Bɛ̈nydït, Nhialiny de Yithriɛl, pianykï ënɔɔnë ku aɣet athɛɛr! Në lueel ë raan ëbɛ̈n, “Amiin!” Lɛckï Bɛ̈nydït!

Diɛt 136:4

Yen Yetök Yen e kagɛ̈iyë looi nhiëërdɛn agɔk atɔ̈u athɛɛr.

Diɛt 41:13

Pianykï Bɛ̈nydït, Nhialic de Yithriɛl! Pianykï ënɔɔnë aɣet athɛɛr! Amiin! Amiin!

Diɛt 68:35

Nhialic arïïuwë të bïï yen tëɣeric, Nhialic de Yithriɛl! Ee riɛl ku dït gäm kɔcke. Pianykï Nhialic!

Diɛt 77:14

Yïn ee Nhialic ee kake gäi looi, Yïn cï riɛldu nyuɔɔth ë juööriic.

Diɛt 77:15

Në riɛldu Yïn cï kɔcku luök, kuat de Jakop kekë Jothep.

Diɛt 86:10

Yïn dït aläl ku ye kadït ke gäi looi. Yïn Yïtök Yïn aye Nhialic.

Diɛt 98:1

Kɛ̈tkï Bɛ̈nydït din ë piac cak, në biäk cïï Yen kake gäi looi! Në riɛlde ku në köŋdɛn ɣeric acï Yen tɔ tiëm.

Bɛ̈n 15:11

“Eeŋa kït ke Yïn Bɛ̈nydït, në yiëthiic ëbɛ̈n? Eeŋa kït ke yïn në dhuëëŋ de ɣɛɛrë piɔ̈u? Eeŋa duëër ka dït ke gäi looi cït man ë Yïn?