Diɛt 72:17 - JAM DE NHIALIC 2011

¹⁷ Në rin ke melik ë ke cïï mär ë kɔc nïïm, tɔ lɛcde tɔ̈u në täu tɛ̈u ë akɔ̈l. Tɔ juöör ëbɛ̈n thiëëc Nhialic bïï keek thieei, cït man cïï yen melik thieei, ku tɔ ke köör yen miɛtëpiɔ̈u.

Diɛt 72:17 ပူးပေါင်းရင်းမြစ်များ

Cäk 12:3

Kɔc ee yï thieei, abä keek aa thieei. Ku kɔc ee yï cieen, abä keek aa cieen. Ku juöör ke piny nɔm, abä keek thieei në yïyic.”

Cäk 22:18

Juöör ke piny nɔm kedhie abïk athiɛɛi aa lip tëde Yɛn, an thiɛɛi keek cït man cän mïthku thieei. Në luɔi cïn löŋdï döt.”

2 Tham 7:13

Yen abï Yɛn yiëk ɣöt, ku thööny de ciɛɛŋde yen abï tɔ̈u athɛɛr.

2 Tham 7:16

Ku dhiëndu ku ciɛɛŋ de melik acïï kɔ̈u bï tɛɛm tëde yïn, thöönydu abï cieŋ aɣet athɛɛr.’ ”

1 Lëk 17:12

Ee yen bï Yɛn yiɛ̈k ɣöt, ku Yɛn bï thöönyde muk aɣet athɛɛr.

Diɛt 21:7

Melik ee Bɛ̈nydït Awärjäŋ ŋɔ̈ɔ̈th, ku në biäk de nhiëër agɔk de Bɛ̈nydïït Awärjäŋ, abï rëër ke cïï wuuk.

Diɛt 45:17

Yɛn bï rinku tɔ ye luöi dhuëëŋ në rɛm ëbɛ̈n, kɔc kedhie abïk Yïn aa leec në nïn bï bɛ̈n kedhie aɣet athɛɛr.

Diɛt 89:36

Yen abï nɔm dɛ kuatde ë bääny yic, yɛn bï ciɛɛŋde aa woi në run nyïïn kedhie.

Bɛ̈n 3:15

lɛ̈kë kɔc ke Yithriɛl an, Ee Bɛ̈nydït Nhialic de kuarkun, Nhialic de Abraɣam kekë Yithaak, ku Jakop yen ë tuc ɛn week. Kek rinkï ka anandï, rin bï rɛm Ya aa cɔɔl në rɛm bɔ̈ ciëënë yiic ëbɛ̈n.

Yith 7:14

Apiɛth tei, Nhialic guöpde, abï yï nyuöth kë bï yïn en ŋic: Nyan dhuec abï mɛwä dhiëëth ku abïï cäk an, Emanwɛl, të lueelë yen në thoŋda, ee “Nhialic atɔ̈u ke wook.”

Jeremia 4:2

ke aduëër piath bäk röt kuëëŋ në rinkï. Ke juöör kedhie abïk athiɛɛi aa thiëëc tëde Ɛn ku abïk Ɛn aa piɔɔny.”

Math 1:21

Ku abï mɛwä dhiëëth, ku abä cäk rin, an, Yecu, luɔi bï en kɔcken kony në karɛcken.”

Math 1:23

“Tiëŋkï, dhueny kën kɔn yök kekë moc abï meth yök, ago mɛwä dhiëëth, ku abïk meth cäk rin, an, Emanwɛl, (të pukë yen ë thoŋda, yen aye, “Nhialic ee tɔ̈u kekë wook”).

Luk 1:48

Luɔɔi cï en nyanlïmde woi në kuany cï en nyin kuany: Tiëŋkï, gɔl ënɔɔnë aɣet wadäŋ rɛm ëbɛ̈n abïk a tɔ ye nyan cï thieei.

Luɔi 3:16

Ku rin ke yen, në gäm cï wo rinke gam, yen aa tɔ raanë ril, raan wɔikï ku ŋiɛckï: yeka, gäm bɔ̈ tëde yen acï raanë gäm guöp cï dikëdik ë wenyïïn wedhie.

Galatai 3:14

Ë luɔi bï athiɛɛi de Abraɣam bɛ̈n ë Juöör gup në Yecu Kërtho, ku luɔi bï wo käŋ yök ka cï kɔn lueel an, bï ke gäm wook, kek aye Wëidït, në gäm gɛ̈m wok.

Epethiei 1:3

Thieithieei ë Nhialic, Wun Bɛ̈nydan Yecu Kërtho, Raan cï wo thieei ë athiɛɛi de wëi ëbɛ̈n, athiɛɛi de ka ke paannhial, në Kërtho yic.

Epethiei 3:14

Yen atuök ɛn a miɔl ë Wääda nɔm Wun Bɛ̈nydan Yecu Kërtho,

Pilipoi 2:10

Ku bïï miɔl tuk kedhie në rin ke Yecu, miɔl ke ka nu paannhial, ku ka nu ë piny nɔm, ku ka nu ë piny thar,

Kolothai 1:3

Ayok cool ë luelku an, Thieithieei Nhialic Wun Bɛ̈nydan Yecu Kërtho, tën ee wok lɔ̈ŋ në biäkdun.

1 Pet 1:3

Thieithieei Nhialic Wun Bɛ̈nydan Yecu Kërtho, Raan ë be wo tɔ dhiëth në kok kook en piɔ̈u arëët, ku yïn wook aŋäth pïïr në jön cï Yecu Kërtho rɔt jɔt ë kɔc cï thou yiic,

Nyuuth 15:4

Eeŋa cïï duëër riɔ̈ɔ̈c ë yïn, ku cïï rinku e leec, yïn Bɛ̈nydït? Yïn yïtök yïn aɣeric. Juöör abïk bɛ̈n kedhie bïk bɛ̈n lam ë yïnɔm, në tïc cï luɔiduön piɛth guɔ tïc.”