Diɛt 72:16 - JAM DE NHIALIC 2011

¹⁶ Tɔ pinynɔm de rɛɛp juëc ëbɛ̈n, tɔ kur nïïm thiäŋ në rap, ku bïk juëc në luɔk cït ka nu ë Lebanɔn. Tɔ pɛ̈ɛ̈nydït thiäŋ yiic në kɔc juëc cït man ë duum thiäŋ yiic në wal.

Diɛt 72:16 ပူးပေါင်းရင်းမြစ်များ

1 Mel 4:20

Kɔc ke Juda ku Yithriɛl aake cï juëc abïk ciët liɛɛt ë wɛ̈ɛ̈r yɔu, aake ye cam ku dëkkï ku mitkï piɔ̈ɔ̈th.

Jop 5:25

Ku abä jɔ ŋic ayadäŋ nɔn bï kuatdu juëc, ku abïk ciët wäl cï roor thiɔ̈ɔ̈ŋic ëbɛ̈n.

Jop 8:7

Ka lik wään kɔn tɔ̈u në yïn, acïkï duëër kɔn kït në këriëëc ëbɛ̈n bï Nhialic bɛ gäm yïn ciëën.

Diɛt 104:16

Tiim ke Bɛ̈nydït aye ke piɔɔk në pïïu, tiim ke thidar de Lebanɔn wään cï ke com.

Diɛt 72:6

Tɔ melik cït deŋ tueny ë duumiic, ku cït nyieer ee lööny piny.

Yith 29:17

Në kaam thiin bï bɛ̈n, roor ë Lebanɔn abï rɔt puk ke ë tëde duum, ku tëde duum abï rɔt puk ke ye roor.

Yith 30:23

Të la wek kɔ̈thkun com, Bɛ̈nydït abï deŋ tuööc bï ke tɔ goŋ ku tɔ kakun lok abäk kajuëc tem, ku ɣɔ̈kkun abïk dɛ wal juëc nyuäthkï.

Yith 32:15

Ku Nhialic abï wëike bɛ tuööc. Ago jɔ̈ɔ̈r ɣɔn cï riääk luɔk bɛ nyɔk, ku lok duum në rɛɛp juëc, ku jɔ duum ee luɔk aa roor dït.

Yith 32:20

Ee miɛtëpiɔ̈u cït ŋö bï tɔ̈u ke raan ëbɛ̈n në biäk de pïïu juëc bï kɔ̈th tɔ lok, ku wal bï piny thiɔ̈ŋ ëbɛ̈n në biäk de mul ku ɣɔ̈k.

Yith 35:2

Jɔ̈ɔ̈r abï ket ku moc kiɛɛu de miɛtëpiɔ̈u. Abï läk cï läk de kuur ke Lebanɔn ku abïk ŋiëc luɔk cï luɔk de duum ë Karmel ku Caron. Raan ëbɛ̈n abï diɛk de Bɛ̈nydït tïŋ ku tïŋ riɛlde ku dïtde.

Jeremia 33:22

Yɛn bï kuën de käu de awundï Debid ŋuak nyïïn ku ŋuak kuën de bäny de kakë Nhialic ke dhiën ë Lebi, ago yic riɛl në kuën bï ë keek kueen, cït man cïï ë raan kuɛl nhial duëër kueen, ku nɔn ee rap ku liɛɛt nu ë wɛ̈ɛ̈r yɔu.”

Luɔi 1:15

Ë aköölkë ke Petero jɔt rɔt ë kɔc yiic cil kɔcpiööcë (kuën ë rinken kedhie acït bɔt tök ku thiërrou),

Luɔi 2:41

Go kɔc cï wëlke gam ë piɔ̈nmit ago ke baptith, aake cït aguum kadiäk de kɔc.

Luɔi 4:4

Ku ade kɔc juëc cï gam kɔc wën cï jam piŋ, go kuën ë röör cï gam go ciët aguum kadhïc.

Nyuuth 7:14

Guɔ lueel, an, “Bɛ̈ny, aŋic yïn.” Ago pɔ̈k nɔm ɛn, an, “Kɔckë ee kɔc ë bɔ̈ bei ë këtucdïït ë ke dhalic, ku acïk lupɔɔken waak, tɔkï ke ɣer ë riɛm de Nyɔŋamäälic.

Nyuuth 7:9

Na wën, aacï kakë thök, ke ya jɔt anyin, ku ja kut dïït ë kɔc tïŋ, ku cïn raan duëër e lëu ë kuɛ̈n, kɔc ë bɔ̈ bei ë juööriic ëbɛ̈n, ku dhiëën yiic ëbɛ̈n, ku thäi yiic ëbɛ̈n, ku liëp yiic ëbɛ̈n, ke ke kääc ë thöönydït nɔm ku Nyɔŋamääl nɔm, ke ke ceŋ lupɔɔ ɣer, ku mukkï yïth ke akööt ë kecin.