Diɛt 71:15 - JAM DE NHIALIC 2011

¹⁵ Yɛn bï jam në biäk de läkdu. Aköölnyïïn kedhie yɛn bï ya jam në biäk de kuɔɔnydu, cakaa nɔn dïït ë yöŋ de yen yic.

Diɛt 71:15 ပူးပေါင်းရင်းမြစ်များ

1 Lëk 16:23

Kɛ̈tkï Bɛ̈nydït diɛt, wek kɔc ke piny nɔm, yakkï wëlpiɛth cï yen wo kony luɛɛl aköölnyïïn kedhie.

Diɛt 145:2

Akööl yiic ëbɛ̈n Yïn bä aa leec. Yïn bä aa thieei aɣet athɛɛr ku athɛɛr.

Diɛt 30:12

Yɛn cïï thok bï mim, yïn bä leec. Bɛ̈nydït Nhialicdï, yïn bä leec aɣet athɛɛr.

Diɛt 35:28

Ku liemdï abï kake piathëpiɔ̈ndu luɛɛl, ku Yïn bä ya leec aköölnyïïn ëbɛ̈n.

Diɛt 40:12

Yɛn cïï ë nuɛɛn juëc gɛɛu cil, nuɛɛn juëc cïï duëërë lëu ë kuɛ̈n! Yɛn cïï awɛ̈ɛ̈ckï gïth, ka yɛn cïï daai ee bɛ lëu, ajuëckï awärkï nhïm ke yanɔm, ku yɛn cï piɔ̈u ŋɛɛr.

Diɛt 40:5

Yïn cï kajuëc luöi wook Bɛ̈nydït Nhialicda. Acïn raan cït Yïn! Yïn cï kïït ke gäi juëc luöi wook. Yɛn cïï duëër jam ë biäkden ëbɛ̈n, kuënden adït aläl!

Diɛt 40:6

Yïn cie köör në miɔ̈c gëmë yïn, yïn cïï län ye nyop ëbɛ̈n në yïk nɔm ee kɔɔr, ku cïï miɔ̈c de kërac ee thiëëc. Yïn aa gëm ɛn yïth bän kë lueel aa piŋ,

Diɛt 51:16

Yïn cïï piɔ̈u ee miɛt ë miɔ̈c näk, aduɛ̈ɛ̈r keek bɛ̈ɛ̈i, yïn cïï piɔ̈u ee miɛt në miɔ̈c ye nyop ëbɛ̈n.

Diɛt 71:24

Yɛn bï aa jam në piathëpiɔ̈ndu ë aköölnyïïn ëbɛ̈n, në biäk cïï e kɔc kɔɔr bïk ya yiëk guöp buɔ̈t tɔ yäär ku tɔ keek riɔ̈c gup.

Diɛt 71:8

Akööl yiic kedhie Yïn aa leec, ku guiɛɛr dhuëëŋdu.

Diɛt 73:28

Ku në biäkdï ee këpiɛth aläl bä thiääk wo Nhialic, Bä kuɔɔny aa yök tëde Bɛ̈nydït Nhialic, ku bä kakɛn cï looi ëbɛ̈n luɛɛl!

Diɛt 89:16

Në biäkdu ayek piɔ̈ɔ̈th miɛt aköölnyïïn, ku yek yï piɔɔny në biäk de piathëpiɔ̈ndu.

Kɛ̈ŋ 5:2

Ku ëtɛ̈ɛ̈n, yïn bï rɔt ŋiëc kiɛm piny, ku kë ye lueel abï kë ŋic nyuɔɔth.

Bäny 5:11

Piɛŋkï! Kuut dïït looi awuɔɔu në yïth lɔ̈m Alueelkï tiëmdïït de Bɛ̈nydït, ku tiëmdïït de kɔc ke Yithriɛl! Go kɔc ke Bɛ̈nydït jɔ cath në wuötdïtken yiic.