Diɛt 69:36 - JAM DE NHIALIC 2011

³⁶ abïï kuat de awuutke lɔ̈ɔ̈k lak, ku kɔc nhiaar Yen abïk rɛ̈ɛ̈r ëtɛ̈ɛ̈n.

Diɛt 69:36 ပူးပေါင်းရင်းမြစ်များ

Diɛt 102:28

Mïth ke awuutku, abïk rëër ë nɔm lääu, ku Yïn abï keek gël. Ku kuatden abïï ke kony.

Diɛt 37:29

Kɔc piɛthpiɔ̈ɔ̈th abïk piny lɔ̈ɔ̈k lak, ku abïk rëër thïn aɣet athɛɛr.

Diɛt 91:14

Acï Nhialic lueel an, “Yɛn bï kɔc nhiaar Ɛn luök, ku gɛ̈l kɔc ee Ya gam nɔn Yan Bɛ̈nydït.

Yith 44:26

Ku të cɔ̈ɔ̈r awundï, të tuɔɔc ɛn tuc bïï kïïtdï lɔ nyooth, yɛn ee ka cï caarë, ku ka cï kiëëtë tɔ ee yic. lɛ̈kë Jeruthalem an kɔc abïk bɛ lɔ rëër ëtɛ̈ɛ̈n, ku pɛ̈ɛ̈nydït ke Juda bïk bɛ lɔ nyɔk në yïk. Kek ee pɛ̈ɛ̈nydïtkë abïk röt bɛ jɔt në riääkic.

Yith 61:9

Abïk dɛk kɛk në juööriic ëbɛ̈n, raan ëbɛ̈n raan lɔ keek tïŋ abïï ŋic nɔn ye kek kɔc cä keek thieei.”

Jɔn 14:23

Go Yecu bɛ̈ɛ̈r, yöök an, “Të nhiɛɛrë raan ɛn, ka bï wëlkï muk: go Wäär nhiaar, agoku bɛ̈n të nu yen, rëërku në yen ëtök.

Luɔi 2:39

Kë cï lueel an, bï gäm kɔc, ee këdun week, ku ye këde mïthkun, ku ye këde kɔc nu tëmec kedhie, kɔc bïï Bɛ̈nydït Nhialicda cɔɔl.”

Romai 8:28

Cöök ŋicku kï, an, Këriëëc ëbɛ̈n ee mat ëtök, bï kɔc nhiaar Nhialic bɛ̈n luöi këpiɛth, kɔc cï cɔɔl ë këde piɔ̈nde.

Jakop 1:12

Thieithieei raan ee thëm guum, të cï en thök ë thëm, ka bï göl ë pïïr yök, göl cïï Bɛ̈nydït kɔn lueel, an, bï gäm kɔc nhiaar en.

Jakop 2:5

Piɛŋkï wek mïthëkɔckuɔn nhiaar! Kën Nhialic kɔc kuanynyïïn lɔc, kɔc kuanynyïïn në kakë piny nɔm, bïk aa kɔc dïït ë gäm, ku yek kɔc bï ciɛɛŋ lɔ̈ɔ̈k lak, ciɛɛŋ cïï Nhialic kɔn lueel an, bï gäm kɔc nhiaar en?

Nyuuth 21:27

Ku acïn kënhiɛɛny bï lɔ thïn ëliŋliŋ, ayï raan ee kënhiany looi, ayï raan ee lueth töör: ee kɔc cï gɔ̈ɔ̈r rin në awerek de Nyɔŋamäälic awerek de pïïr keek kapäc kek abï lɔ thïn.