Diɛt 69:13 - JAM DE NHIALIC 2011

¹³ Ku në biäkdï, Bɛ̈nydït, ee Yïn bä ya lɔ̈ŋ, gam lɔ̈ŋdï Nhialic, në köölduön cï lɔc. Bɛ̈ɛ̈rë lɔ̈ŋdï në biäk de nhiëërduön agɔk, në biäk ee Yïn gutguutduön de kuɔɔny döt.

Diɛt 69:13 ပူးပေါင်းရင်းမြစ်များ

Cäk 24:27

lueel an, “Athiɛɛi ë tɔ̈u kekë Bɛ̈nydït, Nhialic de bɛ̈nydiën Abraɣam, raan kën nɔm määr në nhiëërdɛn agɔk. Ku kën nɔm määr në thöndɛn cï thɔ̈n bɛ̈nydï. Bɛ̈nydït ë ya caath ëgɔk, bïï ɛn baai de yï bɛ̈nydiën Abraɣam.”

Ethta 5:2

Na wën ke Melik ë tïŋ tiiŋ Melik Ethta ke kääc biic, ago piɔ̈u kok ke yen ku nyooth ë wai de adhääp muk ë yecin, ago tik rɔt cuöt ku jiɛk wai nɔm.

Ethta 5:6

Na wën aa cïk thök ë cäm ku jɔkï bɛ rëër ke ke dëk ë mɔ̈u, go Melik tiiŋdɛn Ethta thiëëc an, “lɛ̈kë yɛn kë kɔɔr ke bï gäm yïn, yïn bä gäm kë cï thiëc ɛn, na yï cak a thiëëc në biäk de piny macë, abï gäm yïn.”

Ethta 7:2

Të wën jɔ kek dek ë mɔ̈u wën cï kek thök në cäm në kööl ee kek rou, go Melik Ethta nyɔk në lop an, “Yïn Ethta, tiiŋ Melik, lɛ̈kë yɛn kë kɔɔr ke bï gäm yïn, yïn bä gäm kë cï thiëc ɛn, na yï cak a thiëëc në biäk de piny macë, abï gäm yïn.”

Diɛt 32:6

Yen aduëër ë raan cï yï gam ëbɛ̈n Yïn aa lɔ̈ŋ në akööl ke nuan, të bïï amool de riääk ke riŋ, acïï ke bï gïth.

Diɛt 51:1

Kokëpiɔ̈u we yɛn, në biäk ë nhiëërduön agɔk. Në biäk de kokdepiɔ̈ndu, nyaaiyë awɛ̈ɛ̈ckï wei!

Diɛt 91:15

Të cɔɔl kek Ɛn, Yɛn bï cɔ̈tden piŋ, tëde yen nuan cï ke yök, yɛn bï tɔ̈u wo keek. Ku abä keek luäk bei, ku dhuɛ̈ɛ̈ŋ keek gup.

Diɛt 98:3

Ee Yenɔm tak në nhiëërdɛn agɔk ku piɔ̈ndɛn adöt në biäk de baai de Yithriɛl. acï piny thar ëbɛ̈n tïŋ, yen tiëm de Nhialinyda.

Yith 49:8

Aye Bɛ̈nydït lɛ̈k kɔcke an, “Të le ë kööl bïï ë we luök bɛ̈n, wek bä nyuöth piath, ku yɛn bï dhiëndun kaar wek kuɔɔny bɛ̈ɛ̈r. Wek bä tiit ku gɛ̈l week ku në kueerdun yɛn bï mät looi wo kɔc kedhie. Wek bä bɛ tɔ ɣap pinyduön cï tɔ ye kë cï pɔ̈l ënɔɔnë.

Yith 55:6

Pukkï röt Bɛ̈nydït ku läŋkï, ënɔɔnë yen athiɔ̈k.

Dhiëëu 3:63

Gɔl miäk rial agut cï thëën ayek a jääm guöp.

Maika 7:20

Yïn bï piɔ̈nduön adöt nyuöth Jakop, ku nyuöthë Abraɣam nhiëërduön agɔk, cït man wään cï Yïn gutguut lɛ̈k kuarkuɔ ɣɔn thɛɛr.

Luk 1:72

Bï kok ee yen piɔ̈u kok ke kuarkuɔ thöl, Ku be yenɔm tak në löŋ wään cï mac löŋ ɣeric,

Luk 22:44

Na wën, aacï piɔ̈u jiɛth arëët, ke jɔ lɔ̈ŋ arëët awär man awën: arëk abï tunyde aa thuat cït man ë rim dït kɔ̈ɔ̈th ke ke lööny piny.

2 Kor 6:2

Nɔn cï en e lueel an, “Yɛn ë këdu piŋ ëkööl piɛth, Ku yïn cä luök ëkööl ë kunydewëi. Ëköölë kï, yen aye kööl piɛth, tiëŋkï, ëköölë kï, yen aye kööl ë kunydewëi!”

Ɣeberuu 5:7

Ɣɔn nu Yecu ë piny nɔm, acï Nhialic lɔ̈ŋ ku dhiɛɛu në röldït, lɛ̈ŋ Nhialic Raan duëër en kuöny bei në thuɔɔuwic. Aye lɔ̈ŋ në riëëu ku kuur yen rɔt kuɔɔr piny në Nhialic nɔm, go Nhialic lɔ̈ŋde piŋ.

1 Pet 2:23

raan wään lɛ̈ɛ̈të, ku cïï be lat, wään guum en kërac, ke cïï kɔc wai, ku cï këde tääu ë Raan cin Raan ee löŋ ŋiëc guiir ëgɔk.

1 Tham 25:8

Thiëc lïïmku ku abïk lɛ̈k yïn. Ka ënɔɔnë jɔ piɔ̈u kok wekë dhuökiën thiikë, cït man cï wok bɛ̈n tëde yïn ë kööl de dhuëëŋ ënɔɔnë yïn liɛm miɔc lïïmku kekë wëndu Debid ë këduön duëërë gäm keek!”