Diɛt 68:25 - JAM DE NHIALIC 2011

²⁵ Kɔc ee kët anukï tueŋ, ku kɔc gut thom anukï ciëën, ku diäär kor anukï ë ciɛɛlic ke ke koth aruöör.

Diɛt 68:25 ပူးပေါင်းရင်းမြစ်များ

1 Lëk 13:8

ku jɔ Debid ke kɔc kedhie cɔ̈ŋ ë riɛlden ëbɛ̈n ke ke dhuëŋ Nhialic guöp. Gokï ket ku thuëëckï, ke ke gut thoom, ku lɔ̈r, ku kɛŋ.

Diɛt 63:3

Nhiëërduön agɔk aŋuän në pïïr, Yïn bä leec në yathok.

Diɛt 77:14

Yïn ee Nhialic ee kake gäi looi, Yïn cï riɛldu nyuɔɔth ë juööriic.

Diɛt 87:7

Abïk aa cɔ̈ŋ ku kitkï an, “Dhiɔn ee tën ë gɔl athiɛɛida rɔt thïn ëbɛ̈n.”

Bɛ̈n 15:20

Go tiët Mariam, nyankënë Aron lɔ̈ɔ̈rdɛn de kɔ̈u joth nööm, ku nöm diäär lɔ̈rkɛn de kɔ̈ɔ̈th joth kedhie, ku kuanykï Mariam cök ke ke cɔ̈ŋ.

Jeremia 31:13

Ka diäär kor abïk aa cöŋ ku mitkï piɔ̈ɔ̈th, ku röördït ku dhuök abïk dhuëëŋ looi. Abä keek luk piɔ̈ɔ̈th, ku pɔ̈k dhiënden ke ye miɛtëpiɔ̈u, ku pɔ̈k jiɛthëpiɔ̈nden ke ee piɔ̈n mit.

Jeremia 31:4

Ku wek bä bɛ nyɔk ë yïk. Ku wek bï göölkun bɛ nööm ku cäŋkï ë miɛtëpiɔ̈u.

Bäny 11:34

Na wën ke Japetha ë puk rɔt paanden Midhpa, ku ëtɛ̈ɛ̈n nyande acï bɛ̈n ku loor nɔm, aa bɔ̈ ke cɔ̈ŋ në röl ë kaaŋ maläŋ! Ku aaye mɛnh tök tei.

1 Tham 18:6

Na wën, aa lɔ Debid enɔm puk tɔɔŋ kekë rem de tɔŋ, të wën cï en Goliath lɔ nɔ̈k, go diäär ke Yithriɛl Thaulo lɔ loor nɔm, diëër cï guëër në wuöt ke Yithriɛliic kedhie. Loorkï nɔm ke ke kït në miɛtëpiɔ̈u ku cöŋkï, ku gutkï lɔ̈ɔ̈r ku thom.