Diɛt 66:15 - JAM DE NHIALIC 2011

¹⁵ Yɛn bï amɛ̈l ke miɔ̈c ye nyop ëbɛ̈n gam në yïk nɔm Yïn bä näk miöör ku thök bɔɔth, ku tol abï lɔ nhial.

Diɛt 66:15 ပူးပေါင်းရင်းမြစ်များ

2 Tham 6:13

Na wën aacï kɔc ɣɛ̈ɛ̈c athänduŋ de män lɔ të cït akɛɛth kadhetem, go Debid keek tɔ kääc, ku nɛ̈k Bɛ̈nydït thɔn ë weŋ kekë dan cuai ke ee miɔ̈c.

Edhr 8:35

Ku ëtɛ̈ɛ̈n kɔc ë lɔ döök ciëën kedhie ë pɛ̈cic acïk miɔ̈c ye nyop ëbɛ̈n bɛ̈n näk Nhialic de Yithriɛl, näkkï miöör kathiëër ku rou tëde dhiëën ke Yithriɛl kedhie, ku nyök amɛ̈l kathiërdhoŋuan ku dhetem, ku nyök amɛ̈l kor kathiërdhorou ku dhorou. Ku näkkï nyök bɔɔth aya kathiëër ku rou ke ke ye miɔ̈c de kërac, kek läikë kedhie acïk ke nyop ke ke ye miɔ̈c de Bɛ̈nydït.

Diɛt 51:19

Ëtɛ̈ɛ̈n Yïn bï piɔ̈u jɔ miɛt në miɔ̈c de piathëpiɔ̈u kekë miɔ̈c ye nyop ëbɛ̈n, ku miöör abï ke nɔ̈k në yïïŋdu nɔm.

Jeremia 41:5

go röör kathiërbɛ̈t bɛ̈n në Cekem, ku Cilo, ku Thamaria. Acïk nhïm de kethook muut, ku retkï lupɔɔken yiic, ku ŋuëëtkï kegup. Aake bïï rap ku wal ŋïr bïk bɛ̈n gam ë Luaŋdït yic.

Kuɛ̈n 6:14

Ku gëm Bɛ̈nydït nyɔɔŋ amääl ë run tök ke cïn guöp të dak, ke ye miɔ̈c ye nyop ëbɛ̈n. Ku gëm Bɛ̈nydït nyɔɔŋ bou ee run tök cïn guöp tëdak, ke ye miɔ̈c de kërac. Ku gɛm nyɔɔŋ amääl ke ye miɔ̈c de mät.