Diɛt 60:5 - JAM DE NHIALIC 2011

⁵ Luäk wook në riɛldu, bɛ̈ɛ̈rë lɔ̈ŋda, ago kɔckuön nhiaar keek kony wëi.

Diɛt 60:5 ပူးပေါင်းရင်းမြစ်များ

Diɛt 127:2

Acïn naamde bï raan aa lui aläl ë biäk de pïïr bï raan aa pääc miäk rial ku le tɔ̈c ke cï gääu. Bɛ̈nydït ee kɔc nhiɛɛr gäm këcam, ke ke nin.

Diɛt 17:7

Nyuöthë ya nhiëërduön agɔk gɛ̈ɛ̈iyë ku kony ɛn, në luɔi Yïn kɔc cï gam kony në riɛldu në kɔc ke aterden.

Diɛt 18:35

Yïn cï yɛn gäm kön de kuɔɔnydu, ku ciin cuënydu ee yɛn muk, ku kuɔɔnyduön piɛth ee yɛn tɔ dït.

Diɛt 20:6

Ënɔɔnë aŋiɛc luɔi bïï Bɛ̈nydït melikdɛn cï lɔc luök, abï këde bɛ̈ɛ̈r paannhialdɛn ɣeric, ku abï gäm tiëmdït ë riɛlde.

Diɛt 22:8

Ayek lɛ̈k ɛn an, “Puɔ̈kë rɔt Bɛ̈nydït, na de të bï en ye kony. Na nhiaar Bɛ̈nydït yïn eeŋö cï Yen yï luök?”

Diɛt 60:12

Të tɔ̈u ë Nhialic në biäkda wok bï tiam, Yen abï kɔc ke aterda tiaam.

Diɛt 71:20

Yïn cï nuɛɛn ku tɔ̈ɔ̈k yiɛ̈n yɛn, ku Yïn bï riɛldï bɛ bɛ̈ɛ̈i, Yïn bï yɛn pɛ̈n lɔ rɛɛŋ.

Diɛt 74:11

Eeŋö reec Yïn luöi bï Yïn wook kony? Eeŋö ee Yïn Yïcin muɔ̈k ciëën në Yïkɔ̈u?

Diɛt 75:9

Ku yɛn cï bï mɔ̈l ë jam, në biäk de Nhialic ë Jakop, ayï luöi bän yen piɔɔny ë diɛt.

Bɛ̈n 15:6

“Ciin cuënydu Bɛ̈nydït, acath ke riɛl dïït agök, ee kɔc de wek ater riäär piny.

Yith 41:10

Duökï riɔ̈c, Yɛn tɔ̈u wo week! Yɛn ee Nhialicdun, në cïn kë riääc wek! Wek bä ke tɔ ye kɔc ril ku kuɔny week, wek bä ke gël, ku kuɔny week.

Yith 51:17

Jeruthalem jɔ pääc! Jɔt rɔt ku kääcë! Yïn cï dek në abïny de këtuc kë cï Bɛ̈nydït gäm yïn bä dek në agönhde, guɔ ë thölic ëbɛ̈n go yï tɔ cath ke yï tuëk.

Jeremia 11:15

Aye Bɛ̈nydït lueel an, “Kɔckiën nhiaar aloikï karɛc. Ee yic ŋö nu tëde keek bï kek rëër ë ɣöndiën ë Bɛ̈nydït yic? Yek tak bïk riääk pëën, në luɔi ye kek gutguut lueel, ku në gɛm ye kek miɔ̈c näk de läi gam? Bï ee kënë keek tɔ mit piɔ̈ɔ̈th?

Math 17:5

Na wën, të ŋoot en ke jam, ke luän ɣer ëwic kum ke piny, ku jɔ röl bɛ̈n ë luätic röl luel en an, “Wëndiën nhiaar kï, wëndiën mit ë yapiɔ̈u arëët, yak kake piŋ!”

Math 3:17

ku bɔ̈ röl paannhial, röl lueel en an, “Wëndiën nhiaar kï, ee kënë, wën miɛt ɛn piɔ̈u wo yen.”

Nyöŋ 33:12

Ku lueel jamë në biäk de dhiën de Benjamin, an: “Kënë ee dhiën nhiɛɛr Bɛ̈nydït ku ye göl, aye tiit aköölnyïïn kedhie, ku ee rëër në keyiic cil.

Nyöŋ 33:3

Bɛ̈nydït anhiaar kɔcke, ku ee kɔc ke nɔmde gël Agoku wonïïm guöt piny në yecök, ku rïïuku lööŋke.