Diɛt 60:3 - JAM DE NHIALIC 2011

³ Yïn cï kɔcku tɔ nuan aläldïïtë, wok ee tuëk cït kɔc cï miɔ̈l ë mɔ̈u.

Diɛt 60:3 ပူးပေါင်းရင်းမြစ်များ

Neɣe 9:32

“Ënɔɔnë Yïn Nhialicdït lëu këriëëc ëbɛ̈n! Ee piny riääc nɔm ëbɛ̈n, ku Yïn de kokdepiɔ̈u, ku Ye löŋduön cï mac döt. Gɔl ɣɔn yɔŋ ë meliik ke Athiriya wook, agut cï ënɔɔnë në Meliikkuɔ, ku bänykuɔn ke kake Nhialic ayï tït ke Nhialic, ku kuarkuɔ ku kɔc kedhie. Tak Yïnɔm në wook në guömdïït cïï wok yaaŋ guum!

Diɛt 71:20

Yïn cï nuɛɛn ku tɔ̈ɔ̈k yiɛ̈n yɛn, ku Yïn bï riɛldï bɛ bɛ̈ɛ̈i, Yïn bï yɛn pɛ̈n lɔ rɛɛŋ.

Diɛt 75:8

Bɛ̈nydït amuk cup në Yeciin, acï thiäŋ kekë mɔ̈n ril de agönhde. Aye wäl wei, ku dek ë kɔc ee karɛc looi kedhie, ayek dek ëbɛ̈n abïk liil yic.

Diɛt 80:4

Agut cï nɛn Bɛ̈nydït Nhialic Awärjäŋ, yen bïï Yïn gɔ̈th wekë lɔ̈ŋ de kɔcku?

Diɛt 80:8

Yïn cï enap bɛ̈ɛ̈i bei ë Rip, Yïn cï juöör kɔ̈k ciëëc bei ku com kɔcku pinyden.

Diɛt 85:5

Bä piɔ̈u aa diu we wook aɣet athɛɛr? Cï agönhdu bï bɛ kɔ̈ɔ̈c?

Diɛt 89:39

Yïn cï löŋduön cï mac wekë awundu dhoŋ kɔ̈u, ku dɛɛnyë gölde në dhuur nɔm.

Yith 51:17

Jeruthalem jɔ pääc! Jɔt rɔt ku kääcë! Yïn cï dek në abïny de këtuc kë cï Bɛ̈nydït gäm yïn bä dek në agönhde, guɔ ë thölic ëbɛ̈n go yï tɔ cath ke yï tuëk.

Yith 51:22

Bɛ̈nydït Awärjäŋ ee we kony ku lueel an, “Yɛn bï abïïny nyaai abïïny wään cä gäm week në agönhdï. Wek cïï bï bɛ dek ë mɔ̈n ee week tɔ tuëk.

Jeremia 25:15

Acï Bɛ̈nydït Nhialic de Yithriɛl Lueel an, “Kënë ee cum de mɔ̈u cä thiɔ̈ɔ̈ŋ në agönhdï. Yiɛ̈në juöör ëbɛ̈n, juöör tuɔɔc Yɛn yïn tënu kek, ku tɔ keek dëk në ye.

Dhiëëu 4:21

Dalkï kɔc ke Edom ku Udh, miɛtëpiɔ̈u të lëu wek en ënɔɔnë. Riääkdun abɔ̈ ayadäŋ, yïn bï tuëk aya ke yï cïn kɔ̈u lupɔ në ayäär.

Danyel 9:12

Yïn cï ka wään bä lueel an bä ke luöi wook në bänykuɔ looi. Yïn cï Jeruthalem luöi këtuc aläl awär këtuc cï luöi pänydït kɔ̈k ë pinynɔm,

Ɣabakuk 2:16

Agönh ë Bɛ̈nydït abɔ̈ të nu wek gupkun ka bäk yök aya, ka we bï ciët ka cï wiɛɛt ku kɔc abïk we bɛ aa dɔl gup. Ku luɔi duëër kek we dhuëëŋ gup ke abïk we bɛ biɔɔn gup ka we bï yäär.

Nyuuth 16:19

Go pänydït e yic tek ë diäk, ku wiëëk pɛ̈ɛ̈nydït ke juöör: go Nhialic Babilon dït tak ë yenɔm, bï gäm bïny de yic mɔ̈n ë tuöc ë agönhdɛn dït.

Nyuuth 18:16

“Amawoou, gök de pänydïït oou, pänydït wään ye lupɔ piɛth lɔ mot cieŋ, ku ceŋ lupɔ thiith amujuŋ, ku lupɔ thith ëgoi, ku ye rɔt kiir ë adhääp, ku kɔi lɛ̈k tuc ë ɣööcden, ku margariti!