Diɛt 60:2 - JAM DE NHIALIC 2011

² Yïn cï piny tɔ lɛthë ku tɔ retë yic, ënɔɔnë nuat ɣään cï dhuɔɔŋ, në baŋ kɔɔr en kuɛɛm.

Diɛt 60:2 ပူးပေါင်းရင်းမြစ်များ

2 Tham 22:8

Go piny lath ku nieeŋ rɔt, ku dhoŋ këërkëër ke tënhial ku kuemkï, në biäk cïï Nhialic göth.

2 Tham 8:1

Na ɣɔn, ke melik Debid ë be Pilithiin mak, ku tiɛɛm keek, ku nööm wun cɔl Methek Amma.

1 Lëk 18:12

Go Abicai wën de tiiŋ cɔl Dheruia kɔc ke Edom tiaam ë Wak de Amilɔ yic, ku nɛ̈k aguum kathiëër ku bɛ̈t 18,000 ë ke yiic.

1 Lëk 18:3

Na lee rɔt nyɔk ke Debid ë mɛk Ɣadadedher melik de Athiriya de piny cɔl Dhoba, athiääk ke piny de Ɣamath, në baŋ ë kɔɔr Ɣadadedher bï biäk nhial të lɔ wɛ̈ɛ̈r ë Yuparat nööm.

1 Lëk 18:5

Na ɣɔn aa lɔ kɔc ke Thiriya tɔ̈u ë Damathko rem de tɔŋ tooc bïk Melik Ɣadadedher lɔ kony, go ë Debid keek mak ku nɛ̈k aguum kathiërrou ku rou 22,000 de kɔc.

2 Lëk 7:14

na lɔ kɔckiën cï cɔɔl ë rinkï röt kuɔɔr piny, ku pukkï kepiɔ̈ɔ̈th, ku lɛ̈ŋkï ke ke kɔɔr yɛn, ku pɛ̈lkï awɛ̈ɛ̈cken, abä piŋ paannhial, ku yɛn bï awɛ̈ɛ̈cken päl keek, ku ta duumken lok në rap.

Jop 5:18

Ee raan luöi tëtöök ku deer ke nyïïn ee raan yup ku aye tɔ dem.

Jop 9:6

Raan ee mëën ke piny lath abï piny tieŋ ku wuuk tëde.

Diɛt 104:32

Ee pinynɔm woi, go piny rɔt nieeŋ, ee kur jak, agokï tol ŋɔ̈k bei.

Diɛt 114:7

Ago piny rɔt nieeŋ në riɔ̈ɔ̈c de bɛ̈n ë Bɛ̈nydït, de bɛ̈n ë Nhialic de Jakop,

Diɛt 18:7

Ago piny rɔt nieeŋ ku lɛthë, ku lɛthë këërkëër ke kur ku kuemkï röt, në luɔi cï Bɛ̈nydït piɔ̈u diu.

Diɛt 89:40

Yïn cï kal de pänydɛndït thuöör piny, ku nyääŋë ɣööt piny ke ke cï riääk.

Bɛ̈n 15:11

“Eeŋa kït ke Yïn Bɛ̈nydït, në yiëthiic ëbɛ̈n? Eeŋa kït ke yïn në dhuëëŋ de ɣɛɛrë piɔ̈u? Eeŋa duëër ka dït ke gäi looi cït man ë Yïn?

Yith 30:26

Pɛɛi abï ruɛl cï akɔ̈l, ku akɔ̈l abï ruɛlde matic raandhorou, ka bï ciët ruɛl de nïn kadhorou matiic. Kënë abï rɔt looi të le Bɛ̈nydït tëtöök ke kɔcke duut nyïïn, ku tɔ ke dem, tëtöök ɣɔn cï gäm keek.

Yith 5:25

Bɛ̈nydït agöth ke kɔcke, ku ë Yecin jɔ̈t keek bï ke luöi këtuc, kur abï ke lath, ku gup ke kɔc cï thou abïï ke nyääŋ piny në kuɛɛriic ëbɛ̈n cït man ë nuöön. Cakaa yen ë tɔ̈u aya, agönh de Bɛ̈nydït abï ŋoot ke cïï thök, abï ŋoot ke nu ciin biic ke kɔɔr bï këtuc looi.

Yith 7:8

Në biäk de ŋö? Thiriya acïï be riɛl awär pänydïïtde Damathko, ku Damathko acïï be riɛl awär melik Redhin. Ku në biäk de Yithriɛl, në run kathiërdhetem ku dhïc yiic, abï dhiac ka bï riääk ka cï bï bɛ aa jur.

Jeremia 10:10

Ku Yïn Bɛ̈nydït, Yïn aye Nhialic yic, Yïn ee Nhialic pïïr, ku ye Melik athɛɛr. Të cï Yïn gɔ̈th, piny nɔm aye lath, juöör acïkï agönhdu duëër guum.

Jeremia 14:17

Bɛ̈nydït acï yɛn yɔ̈ɔ̈k bä kɔc lɛ̈k jiɛthëpiɔ̈ndï, ku guɛɛr an: “Në ya wat nyin në pïïu aköl ku wakɔ̈u, në ya cïï kääc ë dhiëëu, në biäk cïï kɔckï yiëk gup bɔ̈ɔ̈tdït, ku acï ke gäm gup tëtöök.

Jeremia 30:17

Wek bä bɛ tɔ piath, ku ta bɔ̈ɔ̈tkun dem, cakaa nɔn ye kɔc ke aterdun ye lueel an, ‘Ye Dhiɔn kë cï cieen, acïn ee ye kuɔny.’ Acä lueel, Yɛn Bɛ̈nydït.”

Jeremia 4:24

Ku tiëŋ kur ke ke lɛthë, ku kur kor ayek röt jäp ciëën ku tueŋ.

Jeremia 48:38

Dhiëëu atɔ̈u në ɣööt ke Mowap nïïm ëbɛ̈n ayï për ke Mowap yiic kedhie, në biäk cän Mowap dhoŋ cït man ë gul cïn raan kɔɔr en.

Dhiëëu 2:13

Jeruthalem oou, Jeruthalemdiën nhiaar, eeŋö duɛ̈ɛ̈r lueel? Duɛ̈ɛ̈r yïn tɔ dut piɔ̈u adï? Acïn raan cï kɔn nuan cït man ee kënë? Riääk de nyan de Dhiɔn acïn pëk, acït wɛ̈ɛ̈r, acïn kuɔɔny thiɔ̈k bïï ë yï kony.

Edhekiɛl 34:16

“Yɛn bï ka cï määr lɔ kɔɔr, ku pɔ̈k ka cï tai roor nïïm ciëën, ku dɛɛr ɣään töök ke thök de gup bɔ̈ɔ̈t, ku ta ka de gup jɔɔk dem, ku ka cuai ku rilkï abä keek riɔ̈ɔ̈k, në biäk ee Yɛn tïn ee kë yic looi.

Ɣodh 6:1

Aye kɔc ke Yithriɛl lueel an, “Bä wëlku wopiɔ̈ɔ̈th Bɛ̈nydït. Acï wook yiëk gup tëtöök, ku ee Yen abï wook tɔ waar. Acï wook gäm gup bɔ̈ɔ̈t, ku ee Yen abï ŋoot ke tɔ bɔ̈ɔ̈tkuɔ dem.

Amoth 8:8

Ku piny abï rɔt nieeŋ, ka raan nu pinyden ëbɛ̈n abï dhiau. Ku këriëëcde ëbɛ̈n abï miakic, abï aa laŋ nhial ku lɛŋë piny cït man ë pïïu ke Kiir de Rip.

Ɣabakuk 3:10

Të cïï kur Yïn tïŋ aye ke lath, Yïn ë pïïu wäl piny nhial. Piääu dït riŋ piny ayek roor, ku moc apiöŋ ë wɛ̈ɛ̈r rɔ nhial ya.

Math 27:51

Ku ja lupɔ dïït nu Luaŋdït rɛɛt ërou, gɔl nhial ɣeet piny, go piny rɔt niɛŋ, go kuurdït yiic pak,