Diɛt 6:8 - JAM DE NHIALIC 2011

⁸ Jälkï në yalɔ̈ɔ̈m kɔc rac! Bɛ̈nydït acï dhiëndï piŋ,

Diɛt 6:8 ပူးပေါင်းရင်းမြစ်များ

Jop 17:7

Jiɛthëpiɔ̈u acïï nyïïnkï ee bɛ tɔ daai apiɛth, ku yaguöp ëbɛ̈n ë nɔl ka yɛn ë thui cït atïm athɛ̈i.

Diɛt 116:8

Bɛ̈nydït acï ya kony në thuɔɔu, acï dhiëndï tɔ kääc ku gël yɛn ke ya cïï bïï tiaam.

Diɛt 119:115

Jälkï ë yalɔ̈ɔ̈m, wek kɔc ee kërac looi. Yɛn bï lööŋ ke Nhialicdï riëëu.

Diɛt 139:19

Nhialic, Yïn ŋääth nɔn bïï yïn kɔc rac nɔ̈k! Kɔc ke akuöörkuöör adï pɛ̈lkï yɛn!

Diɛt 145:18

Athiɔ̈k ke kɔc ee ye cɔɔl, kɔc ee yen cɔɔl ë piɔ̈nden ëbɛ̈n.

Diɛt 3:4

Yɛn ee Bɛ̈nydït cɔɔl, go ya piŋ thok në kuurdɛn ɣeric nɔm.

Diɛt 31:10

Pïïrdï ë thök ke ya dhiau piɔ̈u, ku runkï acïk thök në kiɛɛu nɔm. Katuc cï ya yök acïk riɛldï thöl, ka yomkï acïk nyïïn lääu.

Diɛt 56:8

Yïn ŋic luöi cän nuan, yïn muk kuën de dhiëndï. Kën ë ke gɔ̈ɔ̈r në awerekdu yic?

Yith 30:19

Wek kɔc rɛ̈ɛ̈r ë Dhiɔn, kɔc ceŋ Jeruthalem, wek cïï dhiëëu bï bɛ nyɔk anandun. Bɛ̈nydït ee piɔ̈u kok, ku të la wek dhiau ke we kɔɔr kuɔɔny, abï këdun bɛ̈ɛ̈r.

Yith 38:3

“Tak Yïnɔm Bɛ̈nydït në luɔi ë yan ye them anandï bä aa raan adöt ku bä aa raan ee këde piɔ̈ndu looi.” Ku jɔ Ɣedhekia dhiau arëët.

Yith 38:5

bïï yenɔm pɔ̈k tëde Ɣedhekia, ku lɛ̈k yen an, “Kë lueel Bɛ̈nydït Nhialic de kuaar Debid kï: Yɛn ë lɔ̈ŋdu piŋ ku tiëŋ pïïu ke yïn nyin. Yïn bä ŋuak në run kathiëër ku dhïc kɔ̈k bï yïn ke bɛ pïïr.

Dhiëëu 3:56

Ku wën cän Yïn lɔ̈ŋ bä lɔ̈ŋdï piŋ, acï bɛ̈n piŋ.

Math 25:41

Na ëlë, ka bï kɔc yɔ̈ɔ̈k aya kɔc nu ë baŋ cam an, ‘Jälkï të nuö yɛn, wek kɔc de gup aciɛɛn, lakï mɛɛc, many ë dëp athɛɛr, many cï looi në këde jɔŋdït rac kekë tuucke!

Math 7:23

Ku abä keek yɔ̈ɔ̈k an, “Wek kuöc anandï, jatkï ë yalɔ̈ɔ̈m, wek kɔc ee kërac looi.”

Luk 13:27

Ku abï lueel an, ‘Wek yɔ̈ɔ̈k an, wek kuöc të bä wek thïn, jälkï ë yalɔ̈ɔ̈m, wek kɔc ë kërac looi wedhie!’

Ɣeberuu 5:7

Ɣɔn nu Yecu ë piny nɔm, acï Nhialic lɔ̈ŋ ku dhiɛɛu në röldït, lɛ̈ŋ Nhialic Raan duëër en kuöny bei në thuɔɔuwic. Aye lɔ̈ŋ në riëëu ku kuur yen rɔt kuɔɔr piny në Nhialic nɔm, go Nhialic lɔ̈ŋde piŋ.