Diɛt 6:6 - JAM DE NHIALIC 2011

⁶ Yɛn cïï dhiën ë piɔ̈u tɔ bäp, biöŋdï ee ruu ke mɔɔl nɔm ë wɛ̈ɛ̈ric ëbɛ̈n në pïïu ke dhiëëu, ku kɔmdï ee wac në pïïu ke yanyin.

Diɛt 6:6 ပူးပေါင်းရင်းမြစ်များ

Jop 10:1

Pïïrdï acä maan, yɛn bï jam në kɛc de piɔ̈ndï, në nɔm lääu yɛn bï rɔt gɔ̈ɔ̈ny bei.

Jop 16:20

kɔc man get a guöpë ayek määthkï, ka yɛn ë pïïu lɔ̈ny Nhialic,

Jop 23:2

“Aɣet cï ëköölë yɛn ŋoot ke ya jai ku ŋoot göönydï wo Nhialic, yɛn ee teer arɛɛm guööm ku acïï rɔt ee lëu.

Jop 7:3

Yɛn cï tɔ thöl pɛɛiyë ku pɛɛiyë ke cïn kë ee nɔm ɛn, ku thɔ̈l wɛ̈ɛ̈rë ku wɛ̈ɛ̈rë ke ya nuan.

Diɛt 115:17

Bɛ̈nydït acie leec në kɔc cï thou, ayï raan cï lɔ piny paan ë thuɔɔu.

Diɛt 30:10

Piŋ këdï Bɛ̈nydït ku kokëpiɔ̈u we yɛn! Kony yɛn Bɛ̈nydït!”

Diɛt 38:9

Yïn ŋic kë kaar Bɛ̈nydït, ku Yïn ee teerdï piŋ.

Diɛt 39:12

Piŋ lɔ̈ŋdï Bɛ̈nydït, ku piŋ dhiëndï, bä kony ɛn të dhiaau ɛn. Yɛn ee kamandu në akööl liiakäŋ, cït man cïï kuarkuɔ kɔn keny.

Diɛt 42:3

Pïïu ke yanyin acïk aa këcamdï aköl ku wakɔ̈u, të ye kɔc ke aterdï a yɔ̈ɔ̈k aköölnyïïn an, “Nu Nhialicdu ë nou?”

Diɛt 69:3

Yɛn cï bäp në cɔ̈t kaar en kuɔɔny, ka röldï arem. Nyïïnkï acïk tuööp, ke ya kɔɔr kuɔɔny tëde Nhialic.

Diɛt 88:11

Ye nhiëërduön agɔk lueel në raŋic? Ku ye piathëpiɔ̈ndu lueel tëde riääk?

Diɛt 88:9

Yɛn cï nyin nyuin wokë dhiëëu, yen aye yɛn cool ë cɔl Yïn Bɛ̈nydït, ku ya yacin jat nhial ke Yï läŋ.

Yith 38:18

Acïn raan duëër Yï leec paan ë thuɔɔu, kɔc cï thou acïkï piɔ̈nduön adöt duëër ŋɔ̈ɔ̈th.

Jeremia 14:17

Bɛ̈nydït acï yɛn yɔ̈ɔ̈k bä kɔc lɛ̈k jiɛthëpiɔ̈ndï, ku guɛɛr an: “Në ya wat nyin në pïïu aköl ku wakɔ̈u, në ya cïï kääc ë dhiëëu, në biäk cïï kɔckï yiëk gup bɔ̈ɔ̈tdït, ku acï ke gäm gup tëtöök.

Dhiëëu 1:16

“Yeka wat yɛn nyin wokë pïïu. Acïn raan dut ɛn piɔ̈u, ku acïn raan riit ɛn piɔ̈u. Raan de ater acï yɛn rum, kɔckï acïn kë cï döŋ tëde keek.

Dhiëëu 1:2

Ee ruu ke dhiau wakɔ̈u, ku jɔ pïïu wat ë yegëm. Määthkɛn wäänë kedhie, acïn raan cï döŋ bïï yen bɛ̈n duut piɔ̈u. Kɔc wään mät në yen acïk yen nyiɛɛn, ku ënɔɔnë acïk aa kɔc de ater në yen.

Dhiëëu 2:11

Nyïïnkï acï ke but në dhiëëu, ku rem a piɔ̈u. Yɛn cï bäp wokë dhiënëpiɔ̈u në riääk cïï ë kɔckï riɔ̈ɔ̈k. Mïthkor ku mïththii ateteet ayek thɔ̈ɔ̈k në kuɛɛr ke pänydït yiic.

Luk 7:38

bï ku kɛ̈ɛ̈c ë yecök ciëën ke dhiau, ku gɔl ë wɛ̈k ëcök ë pïïu ke nyin, ku jɔ ke weec ë nhïm ke yenɔm, ku ciim cök, ku tɔc keek ë miök cï tumëtum.