Diɛt 59:5 - JAM DE NHIALIC 2011

⁵ Jɔt rɔt Bɛ̈nydït Nhialic Awärjäŋ, ku kony ɛn, tïŋ ë Yïnyin Nhialic de Yithriɛl! Jɔt rɔt ku luöiyë juöör ëbɛ̈n këtuc, du kɔc rac ee kɔc yɔŋ nyuth kokëpiɔ̈u.

Diɛt 59:5 ပူးပေါင်းရင်းမြစ်များ

Cäk 33:20

Ku yïk yïk ëtɛ̈ɛ̈n, ku ciëk an El, Nhialic de Yithriɛl.

Diɛt 54:3

Kɔc ee röt lɛɛc abïk ya bɛ̈n mak, kɔc rac piɔ̈ɔ̈th akɔɔrkï bïk ya nɔ̈k, kɔc cie diɛɛr në Nhialic.

Diɛt 55:15

Tɔ thuɔɔu jɔt kɔc ke aterdï ëthiäu, tɔ ke lɔ piny paan ë thuɔɔu ke ke pïïr, tɔ ke lɔ ë rɛ̈ŋken yiic në riɔ̈ɔ̈c!

Diɛt 7:7

tɔ amatnɔm de kɔc guëër ë Yïnɔm, ku jɔ nyuc në thöönydu nɔm, ke Yïn nu nhial.

Diɛt 80:4

Agut cï nɛn Bɛ̈nydït Nhialic Awärjäŋ, yen bïï Yïn gɔ̈th wekë lɔ̈ŋ de kɔcku?

Diɛt 84:8

Bɛ̈nydït Nhialic Awärjäŋ piŋ lɔ̈ŋdï, piëŋë Nhialic de Jakop.

Diɛt 9:15

Juöör ke pinynɔm acïk pul wec ku acïk wïïk thïn, acïï wïïnkɛn ke dɛ̈p keek dɔm.

Bɛ̈n 20:5

Du yïnɔm kɔn guöt piny në yath nɔm, ku du läŋ. Yɛn aye Bɛ̈nydït Nhialicdun, ku Yɛn ee mantil. Kɔc man ɛn aya ke luöi këtuc, ayï mïthken agut cï rem ye rɛm diäk, ayï ŋuan, rɛm man Ɛn.

Bɛ̈n 3:15

lɛ̈kë kɔc ke Yithriɛl an, Ee Bɛ̈nydït Nhialic de kuarkun, Nhialic de Abraɣam kekë Yithaak, ku Jakop yen ë tuc ɛn week. Kek rinkï ka anandï, rin bï rɛm Ya aa cɔɔl në rɛm bɔ̈ ciëënë yiic ëbɛ̈n.

Yith 1:10

Piɛŋkï jam de Bɛ̈nydït, wek kɔc ke Thɔdom! Yak wëët de Nhialicda piŋ, wek kɔc ke Gomoora.

Yith 27:11

Kër ke tiim acïk biɔɔr ku dhoŋkï, go diäär ke kuany ke ke ye tiim ke thät. Në biäk kën ë kɔc e yökic, Nhialic Aciëŋden acïï piɔ̈u bï kok ke keek, acï ke bï nyuöth kokdepiɔ̈u.

Jeremia 18:23

Ku Bɛ̈nydït, Yïn ŋic kiɛɛrdɛn kɔɔr kek bïk a nɔ̈k. Du ke pɛ̈l awänyden, ku du kërɛɛcden päl. Wiɛtë keek piny në tiëm cïn ke tiaam, ku luööiyë keek ke yï cï göth.”

Danyel 6:7

Wook wodhie wok kɔc lui ë ciɛɛŋdu yic, kɔc ee bääny tiit, ku bäny ke wuöt, ku bäny ke tɔŋ ke wuöt, ku bäny kɔ̈k, wok cï gam në luɔi bï yïn löŋ tääu piny ku mac aril. Tääuwë löŋ piny an, në nïn yiic kathiërdiäk (30), acïn raan bïï tɔ de kë lɛ̈ŋ tëde yanhdäŋ, ayï raandäŋ, ee tëde yïn, yïn melik. Ku raan lɔ ee löŋë rɛɛc gam, abïï cuat adhumic, adhum cï thiäŋ ke kɔ̈ɔ̈r.

Amoth 9:7

Aye Bɛ̈nydït lueel an, “Wek kɔc ke Yithriɛl cäkï kït në kɔc ke Ethiopia tëde Yɛn? Ku kɛ̈n kɔc ke Yithriɛl bɛ̈ɛ̈i bei në Rip. Ku jat kɔc ke Pilithiin në Kerete, ku jat kɔc ke Thiriya në Kir?

Romai 9:6

Ku akɛ̈n lueel, nɔn cïn en kë cïï wël ke Nhialic lëu, acie yen. Ku acïkï ee Yithriɛl nïïm kedhie, kek kɔc ke Yithriɛl,

Jakop 2:13

Raan ee käŋ looi ë giɛɛŋ, ke löŋde abï guiir ë giɛɛŋ, ku acïn kokdepiɔ̈u bï yök, ku kokdepiɔ̈u ee rɔt leec ë kööl ë guiëërëlöŋ.