Diɛt 55:17 - JAM DE NHIALIC 2011

¹⁷ Miäk rial ku akɔ̈l ku wakɔ̈u, göönydï kekë teerdï ayek lɔ nhial të nu yen, ku abï ya piŋ röl.

Diɛt 55:17 ပူးပေါင်းရင်းမြစ်များ

Jop 19:7

Tiëŋkï, yɛn aa cöt an, ‘Ë ya luäk’ ku acïn raan cï ya bɛ̈ɛ̈r röl, ayï të cak ɛn kiɛɛu moc arëët, acïn raan piŋ kiɛɛudiën kaar ɛn yinydï,

Diɛt 119:62

Yɛn ee pääc ë wɛ̈ɛ̈ric wakɔ̈u, bä Yïn bɛ̈n leec në biäk de lööŋkuön ke piathëpiɔ̈u.

Diɛt 141:2

Nöm lɔ̈ŋdï cï wal ŋïr, ku cinkiën cä taar yiic cï miɔ̈c athɛ̈i.

Diɛt 72:12

Ee kɔc kuanynyïïn ee yen cɔɔl luök, kekë kɔc cïn käŋ kɔc ye rɛɛc.

Diɛt 77:2

Në akööl ke nuan yɛn ee Bɛ̈nydït lɔ̈ŋ, në wɛ̈ɛ̈ric wakɔ̈u yɛn ee yacin yaak nhial ke ya läŋ, ku yɛn cïï luŋ de piɔ̈u ee yök.

Diɛt 88:13

Bɛ̈nydït yɛn ee kuɔɔny cɔɔl tëde Yïn, Yïn ya lɔ̈ŋ aköölnyïïn të ruu piny.

Diɛt 92:2

Wok bï nhiëërduön agɔk aa luɛɛl miäk rial ku lueelku piɔ̈nduön adöt wakɔ̈u,

Dhiëëu 3:8

Yɛn cï lɔ̈ŋ në röldït ke ya kɔɔr kuɔɔny, ku Nhialic acï pïŋ rɛɛc.

Danyel 6:10

Na ɣɔn aacï Danyel ye ŋic nɔn cïï ë rin gäär thïn, go lɔ baai. Le ɣöndɛn nu nhial, ku awëërnyïïn ke ɣönde aake wel röt të lɔ Jeruthalem. Në awëërnyin ëtɛ̈ɛ̈n ee yemiɔl tuk, ku lɛ̈ŋ Nhialic raan diäk ë kööl tök, cït man yen e looi ë ceŋ.

Danyel 6:13

Agokï ja lɛ̈k melik, an, “Danyel, raan töŋ ë kɔc wään pec ë Juda, acïï yïn ee riëëu ku acïï löŋ cï tääu piny ee theek. Ee cool ë läŋ raan diäk ë kööl tökic.

Mak 1:35

Na ɣɔn amiäk, aŋoot piny ke col, ke jɔt rɔt, le biic, ku jël le jɔ̈ɔ̈ric të cïn kɔc, le lɔ̈ŋ ëtɛ̈ɛ̈n.

Mak 6:46

Na wën, aacï kɔc tɔ̈ɔ̈ŋ, ke jël le ë kuurdït nɔm le lɔ̈ŋ.

Mak 6:48

Go keek tïŋ, acïk duɛ̈ɛ̈r län ë gɛ̈ɛ̈r, luɔi bï yom ë kenïïm tueŋ. Na wën, të kɔɔrë piny nɔn ŋeep en rɔt, ke bɔ̈ tëde keek, ke cath ë pïïu nïïm, bï ku an, bɛɛric:

Luɔi 10:3

Na wën, të cït thaar kadhoŋuan aköl, ke tïŋ tunynhial ë Nhialic ke tiëc ëgɔk, ke bɔ̈ tëde yen, bï ku yöök an, “Korunelio!”

Luɔi 10:30

Go Korunelio lueel, an, “Nïn wäänë kaŋuan, yɛn ë këcam theek aɣet të cït ee kaamë, ku thaar kadhoŋuan yɛn aa läŋ Nhialic, na wën, ke raan kääc ë yanɔm ke ceŋ lupɔ lɔ riauriau,

Luɔi 10:9

Na ɣɔn amiäk, të ŋoot kek kueer, ku cïk thiääk ë pänydït, të cï akɔ̈l kɔ̈ɔ̈c cil, go Petero lɔ nhial ë ɣöt nɔm le lɔ̈ŋ.

Luɔi 3:1

Na wën, ke Petero kekë Jɔn ke ke lɔ ë Luaŋdïtic ëtök ë thaar ë lɔ̈ŋ, yen aye thaar ë dhoŋuan.

Epethiei 6:18

Ku yak cool ë lɔ̈ŋ ë aköölnyïïn kedhie në lɔ̈ŋ ëbɛ̈n ku pal ë Wëi yiic, ku yak cök ë tiɛɛt wek röt ë keyiic, në ŋäŋ aa wek wenïïm ŋak arëët ku pal aa wek pal në biäk de kɔc ɣerpiɔ̈ɔ̈th kedhie.

1 Theth 5:17

yak cool ë lɔ̈ŋ acïn pëk.

Ɣeberuu 5:7

Ɣɔn nu Yecu ë piny nɔm, acï Nhialic lɔ̈ŋ ku dhiɛɛu në röldït, lɛ̈ŋ Nhialic Raan duëër en kuöny bei në thuɔɔuwic. Aye lɔ̈ŋ në riëëu ku kuur yen rɔt kuɔɔr piny në Nhialic nɔm, go Nhialic lɔ̈ŋde piŋ.