Diɛt 54:7 - JAM DE NHIALIC 2011

⁷ Yïn cï ya luök në nuɛɛnkï yiic kedhie, ku yɛn cï kɔc ke aterdï tïŋ ke ke cï tiaam.

Diɛt 54:7 ပူးပေါင်းရင်းမြစ်များ

Cäk 48:16

Abï tunynhial ke thieei, tunynhial ɣɔn luäk ɛn në karɛciic ëbɛ̈n. Ku abïk ŋoot ke ke ye cɔ̈l ɛn, ku cɔ̈lë ke wärkuɔ: yï Abraɣam kekë Yithaak. Ku abïk nïïm dɛ mïth juëc arëët, ku dekï nïïm mïth ke mïthkɛn juëc!”

2 Tham 4:9

Go Debid puɔ̈k nɔm Rekap kekë Baana mänhë, wɛ̈ɛ̈t ke Rimon, raan wum ë Beeroth an, “Yɛn cï kuëëŋ në rin ë Bɛ̈nydït pïïr, raan cï yɛn luäk bei në karil yiic ëbɛ̈n!

Diɛt 112:8

Acie diɛɛr ku acie riɔ̈ɔ̈c, aŋic nɔn bïï ë kɔc ke aterde dhil tiaam.

Diɛt 118:7

Ee Bɛ̈nydït Yen ë kony ɛn, ku yɛn bï kɔc ke aterdï tïŋ atiam.

Diɛt 143:12

Ku në biäk de nhiëërduön agɔk, näk kɔc ke aterdï ku riäk kɔc ee kɔc yɔŋ, në biäk ee yɛn awundu.

Diɛt 34:19

Kɔc piɛthpiɔ̈ɔ̈th aye nuɛɛn juëc ke yök, ku aye Bɛ̈nydït ke kony në keek kedhie.

Diɛt 34:6

Raan kuany nyin ee Bɛ̈nydït cɔɔl, go Bɛ̈nydït këde bɛ̈ɛ̈r, ku kony në këriëëcdɛn cï ye nuaan ëbɛ̈n.

Diɛt 37:34

Ye Bɛ̈nydït ŋɔ̈ɔ̈th, ku ye lööŋke riëëu, abï yïn biɔɔl në piny, ka yïn bï kɔc ee karɛc looi tïŋ acopë wei.

Diɛt 59:10

Nhialicdï tɔ nhiëërduön agɔk yök ɛn, abï yɛn tɔ tïŋ kɔc ke aterdï ke ke cï tiaam.

Diɛt 91:8

Yïn bï jɔ daai ë yïnyin, në luɔi ye kɔc ee karɛc looi luöi këtuc.

Diɛt 92:11

Yɛn cï tiëm cïï ë kɔc ke aterdï tiaam tïŋ, ku piɛŋ dhiën de kɔc ee karɛc looi.

2Tim 4:18

Ku Bɛ̈nydït abï a luök ë luɔi racyic ëbɛ̈n, ku jɔ a muk aɣet ciɛɛŋdɛn nu paannhial. Ë dhuëëŋ ë ye tɔ̈u kekë yen aɣet athɛɛr ya! Amiin.

1 Tham 26:24

Cït man cän yï luök wëi ee köölë, Bɛ̈nydït abï yɛn luöi kë cït ee kënë ku gëm a nɔm lääu në këriëëc nuan ɛn ëbɛ̈n!”