Diɛt 51:7 - JAM DE NHIALIC 2011

⁷ Nyaaiyë karɛckï në ɣathop, ke ya bï guöp dik, wak ɛn, ke ya bï ɣɛɛr awär kɔɔi ë tueny ë deŋ.

Diɛt 51:7 ပူးပေါင်းရင်းမြစ်များ

Jop 14:4

Eeŋa duëër kë ɣeric bɛ̈ɛ̈i bei në kë cï dhiöök në këcol? Acïn raan.

Diɛt 58:4

Acïk thiäŋ në wurïï cï man ë karɛc, acïk yïth lɔ dïu cït lualdït cï miŋ,

Bɛ̈n 12:22

Ku nɔ̈mkï wal, në wal ke ɣathopiic, ku juɔɔlkï ke në riɛm de nyök nu abïny yic, ku wiɛ̈ɛ̈thkï riɛm në ɣööt thook, ɣöt thok baŋ cuëc, ku baŋ cam ku ɣöt thok nhial. Ku ë cïn raan lɔ biic ɣönde aruu piny.

Yith 1:18

Aye Bɛ̈nydït lueel an, “Ënɔɔnë, jɔku jam thöl ëtök. Na cak karɛckun thiɛth aläl, wek bä waak, abäk ɣɛɛr cït kɔi ke deŋ, na cäk thiɛth cït riɛm we bï ɣɛɛr abäk ciët alath. Acakaa nɔn cï yïn riɔk abä thiɛth aläl, yïn bï ɣɛɛr abä ciët alath.

Jɔn 13:9

Go Thimon Petero lueel an, “Bɛ̈nydït, acie a cök kapäc kek wak, wak a cin ayadäŋ ayïk a nɔm!”

Ɣeberuu 9:19

Aŋicku wään Mothe të cïï cök ke lööŋ ëbɛ̈n kuɛ̈n kɔc ago ke riëëu, ke jɔ rim ke miöör ku nyök bɔɔth cï liääp ë pïïu, ku nööm këër ë wɛ̈ɛ̈l cɔl ɣathop cï nhïm thith ke thök dɛɛr ë yenɔm ku joolë ke ku wïïthë ke në awerek de löŋ kɔ̈u ku kɔc gup kedhie.

1 Jɔn 1:7

ku na ciɛthku tëɣer, cït man nu yen tëɣer, ke wok ee abärɔ mat wapäc, ago riɛm ë Yecu Kërtho Wënde wook aa waak në kërac ëbɛ̈n.

Nyuuth 1:5

ku në kë bɔ̈ tëde Yecu Kërtho, ee cäätɔ adöt, ku ye raan cï dhiëëth ke ye kɛ̈ɛ̈i ë kɔc cï thou yiic, ku ye Bɛ̈nydïït nu ë Meliik ke piny nɔm nïïm. Raan ë wo nhiaar, ago wo waak në karɛckuɔ në riɛm de yenguöp,