Diɛt 51:6 - JAM DE NHIALIC 2011

⁶ Tïŋ, Yïn ee yic kɔɔr në raan yäc thïn, ku ënɔɔnë wɛ̈ɛ̈të yɛn në pɛlënɔm ë ya piɔ̈u thïn.

Diɛt 51:6 ပူးပေါင်းရင်းမြစ်များ

2 Tham 12:13

Go Debid lɛ̈k Nathan an, “Yɛn cï awäc luööi Bɛ̈nydït.” Go Nathan puɔ̈k nɔm Debid an, “Bɛ̈nydït acï yïn päl awɛ̈ɛ̈cku. Ka yïn cïï bï thou.

2 Mel 20:3

“Tak Yïnɔm Bɛ̈nydït në luɔi aa yan e them anandï, bä aa raan adöt, ku bä aa raan ee këde piɔ̈ndu looi, ku luɔi këpiɛth ë Yïnɔm.” Go Ɣedhekia dhiau në dhiën dït arëët.

1 Lëk 29:17

Ku aŋiɛc Nhialicdï nɔn Yïn kɔc them piɔ̈ɔ̈th, ku Yïn ee piɔ̈u miɛt wekë raan lɔ piɔ̈n wai. Në riëëu ku piɔ̈ndiën lɔ wai, yɛn cï ee kakë gäm yïn kedhie ë piɔ̈n mit, ku yɛn cï miɛtëpiɔ̈u de kɔckuön tɔ̈u ee tënë tïŋ, kɔc cï miɔ̈c gäm Yïn ke ke mit piɔ̈ɔ̈th.

Jop 32:8

Ku ee wëi ke Nhialic Awärjäŋ kek ee bɛ̈n ë mɛnh ë raanic, ku yek yen gäm pɛlënɔm.

Jop 38:36

Eeŋa tɔ luäät ŋic luɔi bï kek deŋ aa tɔ tueny, ku tɔ ruu ŋic luɔi yen rɔt jɔt.

Diɛt 125:4

Bɛ̈nydït luöiyë këpiɛth kɔc piɛth, kɔc lɔ piɔ̈ɔ̈th wai në kepiɔ̈ɔ̈th!

Diɛt 15:2

Ee kɔc ee Nhialic riëëu ë këriëëc yic ëbɛ̈n ku yek yic looi ëceŋ, kɔc ee yic lueel në piɔ̈nden ëbɛ̈n,

Diɛt 26:2

Them ɛn apiɛth Bɛ̈nydït, caar yapiɔ̈u ku them täŋdï.

Diɛt 32:5

Yɛn kën awɛ̈ɛ̈ckï thiaan, guɔ awänydï jɔ gam ë Yïnɔm. Acä keek gam ë yïnɔm, ago ya päl karɛckï ëbɛ̈n.

Diɛt 41:5

Kɔc de wok ater ayek ɛn cäk guöp karɛc. Akɔɔrkï nɔm bän thou, ago kɔc nïïm määr në yɛn.

Diɛt 5:9

Jam ye kɔc ke aterdï lueel acïï duëërë ŋɔ̈ɔ̈th, ee riääk yetök, yen kɔɔrkï. Jamden ee luenh täc, ku athiäŋ ke mɛth rac.

Kɛ̈ŋ 2:21

Kɔc piɛthpiɔ̈ɔ̈th kek abï pinyë cieŋ, kɔc de kë ŋickï.

Kɛ̈ŋ 2:6

Ee Bɛ̈nydït Yen ee pɛlënɔm gam, ku ŋïnydekäŋ ee bɛ̈n tëde Yen, ayï yöŋ de käŋiic.

Jeremia 12:1

Go Jeremia lueel an, “Bɛ̈nydït na luɛɛl göönydï wo Yïn, Yïn bïï yök ke yï de nɔm yic. Ku Yïn bä dhil luɔp në biäk de kake guiɛɛr de löŋ yic. Eeŋö ye kɔc ee karɛc looi kuɛth? Eeŋö ye kɔc ee ruëëny looi tiam?

Jeremia 31:33

Ku Löŋ cï piac mac bä looi wo baai de Yithriɛl yekï: Yɛn bï löŋdï tääu ë keyiic ku gäär ë kepiɔ̈ɔ̈th. Yɛn bï aa Nhialicden, ku abïk aa kɔckï.

Jeremia 32:40

Ku Yɛn bï löŋ cï mac athɛɛr looi wo keek. Yɛn bï luɔi piɛth aa luöi keek ëceŋ, ku abä keek tɔ rïïu Yɛn në kepiɔ̈ɔ̈th ëbɛ̈n, agokï röt cïï be wɛl wei në yanɔm.

Jeremia 5:3

Ee yic Bɛ̈nydït ee kɔc ee piɔ̈ɔ̈th adööt kɔɔr. Acï we luöi këtuc, ku akɛ̈nkï yök në wepiɔ̈ɔ̈th, acï we dum yiic, ku we kën wëët. Wek aake ril nïïm, ku wek cïï köör bäk röt puk në karɛckun yiic.

Luk 11:39

Go Bɛ̈nydït yɔ̈ɔ̈k an, “Wek Parithai ënɔɔnë, wek ee bïny coth kɔ̈u abï piath, ku cuɔthkï aduök kɔ̈u, ku weyiic thïn acïk thiäŋ ë wäth ku kërac.

Romai 7:22

Yɛn mit piɔ̈u wokë löŋ de Nhialic ë yayic thïn,

2 Kor 1:12

Miɛt ë wopiɔ̈ɔ̈th kï, an, jam ë yok yök ë wopiɔ̈ɔ̈th aye lueel an, yok cath ë piɔ̈n cïnic ruëëny ku ciɛthku në yic de Nhialic, wok aacïï rɛ̈ɛ̈r në pɛlënɔm de kɔc, ee dhuëëŋ de Nhialic piɔ̈u, en aa rëër wok ë piny nɔm, ku en aa rëër wok ë weyiic awärkï kɔc kɔ̈k

Jakop 4:8

Yak röt cuöt Nhialic, ke bï rɔt aa cuöt week. Wakkï wecin abïk piath, we kɔc ee kërac looi, ku takï wepiɔ̈ɔ̈th agɔk, wek kɔc ee piɔ̈ɔ̈th rou.

1 Pet 3:4

Yak kiëërdun tɔ ye raan cï thiaan ë wepiɔ̈ɔ̈th, raan lirpiɔ̈u ku cïn thok wël, yen aye kiëër cïï bï dhiap, kiëër de naamdɛn piɛth ë Nhialic nɔm.

1 Tham 16:7

Ago Bɛ̈nydït lɛ̈k Thamwɛl an, “Duk rɔt tɔ diir ë läkde, ayï bɛ̈ɛ̈rde, acie yen cä lɔc. Yɛn cie lɔc cït man ye raan lɔc. Raan ee raan woi guöp biic, ku Yɛn ee raan woi piɔ̈u thïn.”