Diɛt 51:14 - JAM DE NHIALIC 2011

¹⁴ Luäk ɛn në kɔc rac ee kɔc nɔ̈k, kony wëikï ku liemdï, ke ya bï konyduön ë wëi piɔɔny.

Diɛt 51:14 ပူးပေါင်းရင်းမြစ်များ

Cäk 42:22

Go Ruben lɛ̈k keek an, “Cie kë wään lɛ̈k week ka? An duökï meth lui kërac, guɔkï kɛ̈n gam. Kë ë nɛ̈kku yen yekï jɔ kääny bei në wogupë.”

Cäk 9:6

Ku raan lɔ raan nɔ̈k, abï nɔ̈k aya në raan däŋ. Në luɔi cï Nhialic raan cak ke thöŋ rɔt.

2 Tham 12:9

Eeŋö ee yïn jam de Bɛ̈nydït biɔɔn, abä kërac looi ë yenyin? Yïn cï Yuria raan ë Ɣit nɔ̈k në abätäu, ku nöm tiiŋde bïï aa këdu, ku acï tɔ lɔ näk në abätäu de kɔc ke Ammon!

2 Tham 21:1

Ɣɔn ye Debid melik, cɔŋdït acï bɛ̈n tuöl, abïï run kadiäk lɛɛr. Go Debid Bɛ̈nydït lɔ̈ŋ. Go ë Bɛ̈nydït lɔ̈ŋde piŋ, ku puk nɔm en an, “Thaulo kekë dhiënde adekï gup aciɛɛn, në biäk cï kek kɔc ke Gibiɔn nɔ̈k.”

2 Tham 3:28

Na ɣɔn aa lɔ Debid kë cï rɔt looi piŋ, go lueel an, “Yɛn wokë ciɛɛŋdï ku dhiën ë melik, wok liu në thon de Abener wën ë Ner yic në Bɛ̈nydït nɔm.

Edhr 9:13

Cak an cï kakë kedhie röt luöi wook, ke ye luɔi looiyë wonïïm në biäk de karɛckuɔ ku awɛ̈ɛ̈ckuɔ, ke Yïn Nhialicda, Yïn cï wo luöi këtuc thiin cïï nɔm duëër awɛ̈ɛ̈ckuɔ ku tɔ wo poth.

Neɣe 9:33

Ee yic yen cï looi bä wo luöi këtuc, cakaa ɣɔn cïï wok wäc ke Yïn ee piɔ̈u piath we wook.

Diɛt 25:5

Caathë yɛn në yicdu yic, në luɔi yïn Nhialicdï, ee yɛn kony, ee yïn ya ŋɔ̈ɔ̈th aköölnyïïn ëbɛ̈n.

Diɛt 26:9

Du ɛn näk wokë kɔc de gup awɛ̈ɛ̈c, luäk wëikï tëde kɔc ee kɔc nɔ̈k,

Diɛt 35:28

Ku liemdï abï kake piathëpiɔ̈ndu luɛɛl, ku Yïn bä ya leec aköölnyïïn ëbɛ̈n.

Diɛt 38:22

Dap bɛ̈n, bä luäk ɛn, Bɛ̈nydït, konydiën de wëi!

Diɛt 55:23

Ku yïn Nhialic, bɛ̈ɛ̈iyë kɔc ee kɔc nɔ̈k ku kɔc ee käŋ töör, tɔ ke lɔ në raŋic, ke biäk de runken ë kën kɔn thök. Ku në biäkdï, yɛn bï Nhialic ŋɔ̈ɔ̈th.

Diɛt 68:20

Nhialicda ee Nhialic de kuny de wëi, ku Bɛ̈nydït ee Bɛ̈nydïïtda, raan ë kony wook në thuɔɔuwic.

Diɛt 88:1

Bɛ̈nydït Nhialic konydï, yɛn dhiëëu kuɔɔny aköölnyïïn, ku yɛn ee bɛ̈n në Yïnɔm ë wɛ̈ɛ̈ric wakɔ̈u.

Yith 12:2

Nhialic ee konydï, abä ŋɔ̈ɔ̈th ku cä riɔ̈c. Bɛ̈nydït Nhialic ee ya gäm gök de riɛl, Yen ee konydï

Yith 45:17

Ku Yithriɛl abï Bɛ̈nydït kony, ku tiëmde abï tɔ̈u athɛɛr, kɔcke acïï ke bï kɔn yɔ̈ɔ̈r gup.”’

Edhekiɛl 33:8

Na luɛɛl en an raan ee karɛc looiyë abï thou, ku akënë lɔ jɔ̈ɔ̈ny bïï kueerdɛn ë pïïr waar yic ago kony wëi ke cïï bï thou, ke raanë abï thou ke ye de guöp awɛ̈ɛ̈c, ku yïn gɔ̈k në këde thon ee raanë.

Danyel 9:16

Yïn cï wook kony wään tueŋ, ku du piɔ̈u be diu wekë Jeruthalem. Ee pänydïïtdu, kuurduön ɣeric. Ee pänydïïtdu, kuurduön ɣeric. Kɔc kedhie kɔc ke wuöt thiääk ë wook, ayek Jeruthalem biɔɔn guöp, ku biɔnkï kɔcku gup, në biäk de karɛckuɔ, ku në biäk de luɔi rɛɛc cïï kuarkuɔ looi.

Danyel 9:7

Yïn Bɛ̈nydït, yïn ee piathëpiɔ̈u looi aköölnyïïn, ku wok aye ayäär bɛ̈ɛ̈i në wogup aköölnyïïn ëbɛ̈n. Ku ayärë ayadäŋ aduëër ë luɛɛl ë wogup wodhie, wok kɔc ceŋ Juda ku Jeruthalem, ku kɔc ke Yithriɛl kedhie, kɔc cï keek thiäi piny ë wuöt thiɔ̈k yiic ku wuöt mec yiic, në luɔi kën kek piɔ̈n adöt nyuöth yïn.

Ɣodh 4:2

Aciɛɛn yen aya wek röt cieen, ku tɔ̈ɔ̈rkï röt lueth, ku näkkï röt, ku cuɛ̈ɛ̈rkï röt, ku nɔ̈mkï diäär ë röt. Wek ee lööŋ mäc röt, ku gɔ̈thkï ku dhuööŋkï kekɔ̈ɔ̈th. Ku wek ee riɛm lëu ë cieŋ.

Ɣabakuk 3:18

ke yɛn bï ŋoot ke ya mit piɔ̈u në biäk konyë Nhialic ɛn.

Luɔi 18:6

Ku të cï kek ater cak ku lɛ̈ɛ̈tkï, ke Paulo teŋ lupɔde, ku jɔ keek yɔ̈ɔ̈k an, “Ë riɛmdun tɔ̈u ë weyiëth, yɛn liu thïn, ëlë ënɔɔnë, yɛn bï lɔ tëde Juöör.”

Luɔi 20:26

Yɛn cï guɔ aa cäätɔ ë wenïïm ee köölë an, Riɛm ë raan ëbɛ̈n aliu ë yayeth.

Romai 10:3

Ku keek, në kuny kuc kek piathëpiɔ̈u bɔ̈ tëde Nhialic, ku ŋäth ŋɛ̈ɛ̈th kek piathdɛn ë piɔ̈u etök, aake ye piathëpiɔ̈u bɔ̈ tëde Nhialic rɛɛc gam.