Diɛt 51:11 - JAM DE NHIALIC 2011

¹¹ Du ya nyiɛɛi në Yïlɔ̈ɔ̈m, du Wëidïtkuön ɣer jɔt tëde yɛn.

Diɛt 51:11 ပူးပေါင်းရင်းမြစ်များ

Cäk 4:14

Yïn ë ya pɛ̈n piny cä com nɔm, ku ciɛɛcë ya wei në yïnyin. Yɛn bï jɔ riäu ke ya cïn nɔm wut në ee pinyë nɔm. Ku raan lɔ ya yök abï ya nɔ̈k.”

Cäk 6:3

Ago Bɛ̈nydït lueel an, “Yɛn cïï raan bï bɛ aa tɔ pïïr aɣet athɛɛr, në luɔi ye kek gup ke thuɔɔu. Runken abïk aa kɔ̈ɔ̈c në bɔt ku thiërrou ë run.”

2 Tham 7:15

Ku Yɛn cï nhiëërdiën agɔk bï nyaai tëde yen, cït man cän e nyaai tëde Thaulo, ke we tɔ̈u thïn.

2 Mel 13:23

ku Bɛ̈nydït ee piɔ̈u adhuɛ̈ŋ ku ye piɔ̈u kok ke keek. Acïï keek duëër tɔ riäk, aye ke kuɔny në biäk de mände kekë Abraɣam, ku Yithaak, ku Jakop akën nɔm määr në kɔcke.

2 Mel 23:27

Acïï Bɛ̈nydït lueel an, “Yɛn bï Juda luöi kë cït kë wään bä luöi Yithriɛl: Yɛn bï kɔc ke Juda nyaai në Yanyin, ku rɛɛc Jeruthalem, wun cä lɔc, ku Luaŋdït, të wään luɛɛl an bïï Ya lam thïn.”

2 Mel 24:20

Go Bɛ̈nydït gɔ̈th arëët kekë kɔc ke Jeruthalem ku Juda, ago keek jäp wei në Yelɔ̈ɔ̈m. Go Dhedekia melik de Babilon rɛɛc.

Diɛt 43:2

Yïn ee Nhialic yan tëde thiaan yök. Eeŋö reec Yïn ɛn? Eeŋö duëër ɛn cath ke ya yɔŋ në kɔc ke ater cïn nïïm kokdepiɔ̈u?

Diɛt 71:18

Ënɔɔnë yɛn cï dhiɔp ku yɛn cï nɔm lou, du ya nyiëëŋ piny Nhialic! Rɛ̈ɛ̈rë we yɛn të luɛɛl ɛn riɛldu kekë dhuëëŋdu, lëk rɛm bï lɔ̈ɔ̈k bɛ̈n kedhie.

Diɛt 71:9

Du ya reec ënɔɔnë ë luöi cän dhiɔp, du ya reec ënɔɔnë ë luöi cän kɔ̈c.

Jeremia 7:15

Wek bä cuɔp wei në yalɔ̈ɔ̈m, cït man wään cuɔp Ɛn kɔckun, kɔc ke Yithriɛl. Acä lueel, Yɛn Bɛ̈nydït.”

Luk 11:13

Ku të ŋiɛc wek mïthkun miɔɔc në kapiɛth, wek kɔc rac, na Wuöörduön nu paannhial cïï kɔc lip en bï dhil miɔɔc në Wëidït ɣer!”

Jɔn 14:26

Ku Raan ee kɔc muk piɔ̈ɔ̈th, yen aye Wëidït ɣer, Wëi bïï Wäär tooc në rinkï, yen abï we wɛ̈ɛ̈t ë këriëëc ëbɛ̈n, ago we tɔ tak wenïïm ë ka cä lɛ̈k week kedhie.

Romai 1:4

ku cï tïc në riɛl dït nɔn ee yen Wën ë Nhialic, në këde Wëi ke ɣɛɛrëpiɔ̈u, në jön cï en rɔt jɔt ë kɔc cï thou yiic, yen Yecu Kërtho Bɛ̈nydïïtda,

Romai 8:9

Ku week, wek cie tɔ̈u ë täu de guöp, ee täu de wëi yen täu wek, të rëërë Wëi ke Nhialic ë weyiic ëyic. Ku na de raan nu raan cïï cath ke Wëi ke Kërtho, ka cie këde.

Epethiei 4:30

Duökï Wëidït ɣer ke Nhialic tɔ dhiau piɔ̈ɔ̈th, Wëi cï we gɔ̈ɔ̈r piɔ̈ɔ̈th ë keek aɣet kööl ë wɛ̈ɛ̈r wëërë kɔc bei ëliŋliŋ.

2 Theth 1:9

Kɔckë abïk këdɛn tuc yök, yen aye riääk bï ceŋ athɛɛr, riääk bɔ̈ ë Bɛ̈nydït nyin ku bï në dhuëëŋ de riɛlde,

Bäny 13:25

Ku jɔ Wëi ke Bɛ̈nydït meth tɔ ril në akööl ɣɔn rëër en ë kaam de Dhora ku Ecetawol wun ë Dan.

Bäny 15:14

Na wën aacï ɣëët Leɣi, go kɔc ke Pilithiin bɛ̈n të nu yen ke ke kïïu. Go Wëi ke Bɛ̈nydït guɔ bɛ̈n ë yeguöp ëthiäu ku tɔ ril. Go awiɛɛth ë tɔ̈u ë ye kök ku yecin guɔ ciët alanh cï dëp ë mac, ku jɔkï guɔ lööny wei.

Bäny 16:20

Na wën ke cööt an, “Thamthon! Pilithiin abïkï!” Go pääc ë nïnic, ku lueel, an, bï bɛ lɔ biic cït man yen e looi ë ceŋ, ku bïï yeguöp lɔ yïïr. Ku akuc nɔn cïï Bɛ̈nydït e nyääŋ piny.

1 Tham 10:10

Na wën aa ɣeet Gibia, ke räm kekë tït juëc, ago wëi ke Nhialic ye dɔm arëët, ago käŋ caar kekë tït ëtök.

1 Tham 16:14

Ago Wëi ke Bɛ̈nydït jäl në Thaulo guöp, ku tɔ Bɛ̈nydït jɔŋ rac lɔ në yepiɔ̈u, agokï ye nuaan.