Diɛt 51:10 - JAM DE NHIALIC 2011

¹⁰ Nhialic, cak piɔ̈n lɔ wai në ya yic, ku tääuwë wëi yic cï piac looi në ya yic.

Diɛt 51:10 ပူးပေါင်းရင်းမြစ်များ

Diɛt 24:4

Ee kɔc lɔ piɔ̈ɔ̈th wai ee kapiɛth looi, kɔc cïï yiëth ee lam kɔc cie kuëëŋ në lueth.

Diɛt 35:10

Ku abä ja lɛ̈k Bɛ̈nydït në yapiɔ̈u ëbɛ̈n an, “Acïn raan thöŋ ke yïn. Yïn ee raan kɔ̈c gël në raan ril ku gël raan kuany nyin në raan yɔŋ en.”

Diɛt 73:1

Ee yic Nhialic apiɛth kekë Yithriɛl, kɔc lɔ piɔ̈ɔ̈th wai.

Diɛt 78:37

Acïkï piɔ̈ɔ̈th de Yen, akënkï löŋdɛn cïk mac döt në yen.

Diɛt 78:8

Acïkï bï ciët kuarken, kɔc ee gäm rɛɛc ku cïnkï riëëu, kɔc wään cïï Nhialic ee ŋɔ̈ɔ̈th aril, ku cïkï piɔ̈ɔ̈th ee adöt në Yen.

Kɛ̈ŋ 20:9

Eeŋa duëër e lueel an, yɛn cï a piɔ̈u tɔ piɛth, yɛn lɔ wai acïn kërɛɛc nu ë yeguöp?

Jeremia 13:27

Acï week tïŋ ke we loi ka mɛɛn keek. Acï week tïŋ ke we kuany yiëth kɔ̈k cök ë kur nïïm ku ë duumiic, cït man ë mony cïï tiiŋ ë raan thiëëk kek diir, ku cït thɔn ë kɛɛu cop ŋun ë kɛɛu. Amawoou në week kɔc ke Jeruthalem, wek cï luöi këtuc, ee nɛn yen bä wek dikëdik?

Jeremia 32:39

Ku abä ke gäm täŋ tök në pïïric: ee luɔi bïk kek Yɛn aa riëëu akööliic ëbɛ̈n, në biäk de piathden ku piath de kuatden.

Edhekiɛl 11:19

Abä ke gäm piɔ̈n cï piɛc looi, ku täŋ cï piɛc looi. Yɛn bï piɔ̈ɔ̈thkɛn ril ke kuur nyaai, ku gäm keek piɔ̈n de riëëu.

Edhekiɛl 18:31

Pälkï luɔi de karɛc wään yak looi, ku gämkï röt täŋ piɛth ku piɔ̈ɔ̈th piɛth. Eeŋö kaar wek thuɔɔu baai de Yithriɛl?

Edhekiɛl 36:37

Aye Bɛ̈nydït Awärjäŋ lueel an, “Yɛn bï baai de Yithriɛl bɛ tɔ thiëc Yɛn në kuɔɔny, ku abä ke tɔ kuënden ŋuak nyïïn, cït luny de amɛ̈l.

Math 5:8

Thieithieei ë kɔc lɔ piɔ̈ɔ̈th wai, abïk Nhialic tïŋ.

Luɔi 11:23

Na wën, aa cï bɛ̈n, ago dhuëëŋ de Nhialic piɔ̈u tïŋ, ke jɔ piɔ̈u miɛt, ku yöök keek kedhie an, bïk cök ë tɔ̈u kek në Bɛ̈nydït në piɔ̈n ril.

Luɔi 15:9

Ku acïn puny cï en wo pɔ̈ɔ̈c yiic, wook në keek, wään cï en keek waak piɔ̈ɔ̈th në gäm.

Romai 12:2

Ku duökï täu de pinyë nɔm ënɔɔnë ee dɔmic, jakï röt puk në luɔi ë piɛcë we looi nïïm, ke we bï këde piɔ̈n ë Nhialic aa them nɔn yïn en dï, piɔ̈n piɛthë, ku mit, ku cï dikëdik.

1 Kor 15:58

Yen ka, wek mïthëkɔckuɔn nhiaar, yak kɔ̈ɔ̈c tëdun aril, duökï röt ë tɔ jäp tëdun, yak wenyïïn ŋuak në luɔi de Bɛ̈nydït ë aköölnyïïn kedhie, në ŋïny ŋiɛc wek luɔiduön ril nɔn cïï en ee kë ɣɔ̈ric ë Bɛ̈nydïtic.

2 Kor 5:17

Yen tëde ka, të de yen raan nu ë Kërtho yic, ka ye kë cï piac cak: kathɛɛr acïk lɔ ya, wɔikï, käŋ acï ke piac cak kedhie.

Epethiei 2:10

Wok ee cuɛ̈cde, në cäŋ cï wo cak ë Kërtho Yecu yic në këde luɔi piɛth cïï Nhialic kɔn lueel, an, buk aa cool ë looi wo keek.

Kolothai 3:10

ku cäk raan ë piac cak tääu abäk cieŋ, raan ë be ë Nhialic cak Aciëŋde, ke bï käŋ ŋic ëgɔk, ku bïï ciët täu de raan ë cak en.

Tito 3:5

ke jɔ wo kony wëi, ku acie në luɔi de këpiɛth cuk looi wogup, ee kok de yenpiɔ̈u en aa kony en wook, në wɛ̈k de dhiënh cï wo bɛ dhiëëth, ku në cäŋ cï Wëidït ɣer wo bɛ cak.

Jakop 1:8

ee raan ee piɔ̈u rou, ku cie cath ë kimpiny ë kuɛɛrke kedhie.

Jocua 14:14

Ku Ɣebron aŋoot ke ye wun ë mïth ke Kalep wën Jepuna raan ë Kenidhai, në luɔi ë cï yen Bɛ̈nydït, Nhialic de Yithriɛl gam thok ëgɔk.

1 Pet 1:22

Ku nɔn cä wek wepiɔ̈ɔ̈th tɔ ɣer në gäm cä wek yic gam në riɛl ë Wëidït, gäm cï we yiëk piɔ̈ɔ̈th nhiëër aa wek mïthëkɔckun nhiaar ë nhiëër cïnic lueth, ke we nhiaar röt arëët ë piɔ̈n ɣeric ëwic: