Diɛt 51:1 - JAM DE NHIALIC 2011

¹ Kokëpiɔ̈u we yɛn, në biäk ë nhiëërduön agɔk. Në biäk de kokdepiɔ̈ndu, nyaaiyë awɛ̈ɛ̈ckï wei!

Diɛt 51:1 ပူးပေါင်းရင်းမြစ်များ

2 Tham 11:2

Na ɣɔn thëën ë kööl tök ke Debid ë jɔt rɔt ë biökke yiic ku jɔ cath ke wil ɣönde nɔm nhial. Ku të wën ŋoot en në ɣöt nɔm, ke tïŋ tik ke waak paande. Ku tik aa läk aläl.

Neɣe 4:5

Du ke pɛ̈l awäny loikï, ku du nɔm mär në awɛ̈ɛ̈cken, në biäk cïï kek wo läät, wok kɔc yïk.”

Diɛt 106:45

Në biäkden akën nɔm määr në mänden ke keek, ku looi në biäk de dït de nhiëërdɛn agɔk.

Diɛt 106:7

Kuarkuɔ ɣɔn tɔ̈u kek ë Rip akënkï kagɛ̈iyë cï Nhialic ke looi yök yiic, acïk nïïm määr në ka juëc yen keek nyuöth nhiëërdɛn agɔk, gokï Awärjäŋ rɛɛc thok në Wɛ̈ɛ̈r thith yɔu.

Diɛt 109:21

Bɛ̈nydït Awärjäŋ, muk yɛn cït man cï yïn gutguut lueel, Ku kony yɛn në biäk de nhiëërduön agɔk.

Diɛt 119:124

Luɔiyë awundu në nhiëërduön agɔk, ku wɛ̈ɛ̈të yɛn në lööŋku.

Diɛt 145:9

Apiɛth kekë raan ëbɛ̈n ku ee piɔ̈u kok kekë ka cï cak kedhie.

Diɛt 4:1

Ye ya piŋ thok të läŋ ɛn, Yïn Nhialic konydï! Ɣɔn täu ɛn ë nuanic, Yïn cï ya bɛ̈n kony. Kokëpiɔ̈u we yɛn, ku piŋ lɔ̈ŋdï.

Diɛt 40:11

Bɛ̈nydït du ɛn bï pɛ̈n kokdepiɔ̈ndu. Tɔ nhiëërduön agɔk ku piɔ̈nduön adöt ee yɛn tɔ rɛ̈ɛ̈r apiɛth aɣet athɛɛr.

Diɛt 5:7

Ku në biäk ë nhiëërduön agɔk, yɛn duëër bɛ̈n ɣöndu, yɛn bï lam Luaŋduön ɣeric ku guöt a nɔm piny në Yïnɔm në riëëu.

Diɛt 51:9

Kum yïnyin në karɛckï, ku cuthë karɛckï bei ëbɛ̈n.

Diɛt 69:13

Ku në biäkdï, Bɛ̈nydït, ee Yïn bä ya lɔ̈ŋ, gam lɔ̈ŋdï Nhialic, në köölduön cï lɔc. Bɛ̈ɛ̈rë lɔ̈ŋdï në biäk de nhiëërduön agɔk, në biäk ee Yïn gutguutduön de kuɔɔny döt.

Diɛt 69:16

Bɛ̈ɛ̈rë lɔ̈ŋdï Bɛ̈nydït, në piath de nhiëërduön agɔk, në biäk de dït de kokdepiɔ̈ndu, Pɔ̈kë rɔt ɛn!

Diɛt 77:9

Cï Nhialic nɔm määr kekë luöi bï yen piɔ̈u kok? Cï agɔ̈th tëde kokdepiɔ̈nde jɔt?”

Yith 43:25

Ku ŋuɔɔt, ke Ya ye Nhialic, ee we päl awɛ̈ɛ̈ckun, Yɛn ee kënë looi në biäk ee yen ɛn. Yɛn cïï awɛ̈ɛ̈ckun bï muk ka riääk ɛn week.

Yith 44:22

Yɛn cï awɛ̈ɛ̈cku cuɔth wei cït man ë luäät. Bäär dɔ̈kë rɔt ɛn, ee Yɛn ee raan ë kony yïn.”

Yith 63:15

Bɛ̈nydït, woi wook paannhial, tëduön ɣeric rëër yïn thïn ku në dhuëëŋdu yic. Tɔ̈u diɛɛrduön ee yïn diɛɛr në biäkda ë nou? Tɔ̈u riɛldu ë nou? Tɔ̈u nhiëërdu ku kokdepiɔ̈ndu ë nou? Du wo biɔn gup.

Yith 63:7

Yɛn bï jam në biäk de nhiëër agɔk de Bɛ̈nydït, Abä piɔɔny në biäk de kajuëc cï luöi wook ëbɛ̈n. Acï baai de Yithriɛl thieei aläl në biäk de kok de yen piɔ̈u ku nhiëërdɛn agɔk.

Jeremia 18:23

Ku Bɛ̈nydït, Yïn ŋic kiɛɛrdɛn kɔɔr kek bïk a nɔ̈k. Du ke pɛ̈l awänyden, ku du kërɛɛcden päl. Wiɛtë keek piny në tiëm cïn ke tiaam, ku luööiyë keek ke yï cï göth.”

Dhiëëu 3:32

Aduëër wook tɔ jeth piɔ̈ɔ̈th, ku abï piɔ̈u kok, në biäk de nhiëërdɛn agɔk nhiɛɛr En wook.

Danyel 9:18

Piŋ wothook, Nhialic, ku woi wook, ku tïŋ nuan nu wok thïn, ku nuan cï pänydït muk rinku yök. Yïn lɛ̈ŋku ku acie biäk de piathëpiɔ̈nda ee luɔi ee yïn piɔ̈u kok.

Danyel 9:9

Yïn ee piɔ̈u kok, ku päl awɛ̈ɛ̈c, cakaa nɔn cïï wok kueerdu pɔ̈l.

Luɔi 3:19

Yen ja wek wepiɔ̈ɔ̈th puk, ku bɛkï wepiɔ̈ɔ̈th wɛ̈l Nhialic, ke bï karɛckun cuöth bei, ago akööl bɛ̈n ë Nhialic nyin akööl ke döm ë wëi ke kɔc,

Kolothai 2:14

ku cï jam cï gɔ̈ɔ̈r ë lööŋ yiic cuöth bei, kë de ater ke wook: ago nyaai ë woyiic, në piëët cï en e piäät ë tim cï rïïu nɔm kɔ̈u.